________________
१२०
सिरिपउमप्पहसामिचरियं
संसारविरत्ताण वि, जइ दाणं कुणइ वित्तसंगहणं । ता इयरपरिसगहणे, किं भन्नउ दाणमाहप्पं ? ॥१५३३ ।। भणियं च - अत्था अणत्थमूलं, किं ते भण्णंति विबुहवग्गेहिं । जाण पसाएण निद्देसवत्तिणो हुंति मुणिणो वि ॥१५३४|| अह तं तवस्सिणी सा, पुच्छइ किं मज्झ एरिसी भत्ती । निच्चं किज्जइ ? संपइ, नियकज्जं कहस मह इण्हिं ॥१५३५।। उल्लवइ इमो भयवइ ! तुज्झ पसाएण वछियं कज्ज । इहलोए परलोए, सिज्झिस्सइ नत्थि संदेहो ॥१५३६॥ जइ पण निब्बंधो ते, तो हं पच्छेमि अंब! किं कज्जं । निच्चं चिय मणिभवणे, वच्चसि पप्फाइगहिऊणं ॥१५३७॥ अइ! एयपि अयाणय! न याणसे एवमल्लवेऊणं ।। कन्ना वृत्तंतं सा, तं पइ जपेउमारद्धा ॥१५३८।। इह चंदपुरे नयरे, राया पहुसत्तिपमुहसत्तीहिं । ससिखंडमंडणसमो, नामेणं चंदचूडो त्ति ॥१५३९॥ एसो पणो विसेसो, भवाउ निवइस्स जं सिरि राया । निवसइ तस्स इमस्स उ, लुलंति पाएसु रायाणो ॥१५४०।। तस्स उण पट्टदेवी, विज्जइ चंदावलि त्ति विक्खाया । गणरायरायहाणी, हाणी सयलाण दोसाणं ॥१५४१ ।। ताणं बहुपुत्ताणं, उवरि कत्रा अननलावण्णा ।। लीलारुमारि नामा, उपना पुत्रगुणअमोहा ॥१५४२।। सा कन्ना पियराणं, पव्वज्जियपावपरिणइवसेण । जोव्वणपारंभे वि ह, परिसे विदेसिणी जाया ॥१५४३ ।। अह राया कललंछणभीओ निम्मवइ मणिमयं भवणं । सामच्छिऊण हियए, मं माउच्छं कुमारीए ॥१५४४॥ हक्कारइ विविणाओ, तो हं इत्थेव झ त्ति संपत्ता ।
Jain Education International 2010_04
For Private & Personal Use Only
www.jainelibrary.org
