________________
सुरसुंदररायकहा
११९
जा य केरिसी - गेरुयरागसनाहं, कलयंती पवरचीवराण जुगं । हिययंतरप्पवेस, अलहतं मत्तमिव रागं ॥१५२१॥ दीहरजडाकलावं, जराए महिमाए पंडुरच्छायं । सिरसा समव्वहंती, धम्मपडायासमूहं व ॥१५२२।। घणसारसारचंदणमणिमयकच्चोलवग्गहत्थाहिं । तंबोलकुसुमवावडकराहिं दासीहिं परियरिया ॥१५२३ ।। नाणावंजणसहियं, मणहरणं भूजपट्टपक्खित्तं । असणं गिण्हतेहिं, संजत्ता किंकरगणेहिं ॥१५२४॥ पिच्छंताणं ताणं, सरवरमज्झम्मि तीए पज्जाए । खंभस्स तले गंतं, विणिवारइ किंकरीवग्गं ॥१५२५॥ एगागिणी सयं पुण, संचारिय कुसुम-चंदणाईयं । सोवाणमालियाए, तं मणिभवणं समारुहइ ॥१५२६॥ कित्तियमित्तं वेलं, पडिवालिय पण वि तावसी वलिया । गच्छंतीए तीए, तो मंतीमग्गमणलग्गो ॥१५२७॥ नामं ठाणं च तओ तीए परिजाणिऊण मंतिवरो । गिण्हइ मंदिरमेगं, भाडयमल्लेण मणहरणं ॥१५२८॥ कच्चोल-थाल-परियल-तूलीपमुहं च दासिपमुहं च । सव्वं पगुणं कारइ, रायसरीरस्स रक्खट्ठा ।१५२९।। सयमेव तावसीए, गंतं मढियाए पव्वदिट्ठाए । परिचारं कुणइ सया, अणवसरिसाए भत्तीए ॥१५३०॥ तथाहि कइया गेरुयरत्तं, चीवरजयलं पयत्थए पवरं । विविहेहिं भोयणेहिं, पारणयं कारए कइया ॥१५३१॥ इच्चाइकुणंतेणं, तह सा आवज्जिया सयं तेण । जह पत्तनिव्विसेसं, पिच्छइ सव्वत्थ सा मंतिं ॥१५३२॥
Jain Education International 2010_04
For Private & Personal Use Only
www.jainelibrary.org
