________________
११८
सिरिपउमप्पहसामिचरियं
संगहिय मूलियं तो, पुणरवि वच्चंति चत्तवीसामा । अच्छेरयसयकलियं, तो पेच्छंता महीवलयं ॥१५०८।। अनदिणे नियमसुमिणोवलद्धनयरस्स उत्तरासाए । तं चिय महामहल्लं, पउमसरं ते समणपत्ता ॥१५०९॥ धरियायवत्तनिवहं, अहिणवसविया सपुंडरीएहिं । बीइज्जमाणमणिसं, चमरेहिं व रायहंसेहिं ॥१५१०॥ कयजद्दरपावरणं, दिसि-दिसि-विलसंतफेणपडलेहिं । अणवरयं गिज्जंतं, मंजलगंजंतभमरेहिं ॥१५११॥ सहरिसभमंतकरि-हरि-नराइसंदोहपरिगयं तत्थ । राया रायसरिच्छं, सरोवरं पिच्छए कमसो ॥१५१२॥ जा किर अईयकाले, वरलक्खपक्खाण अइगया जोण्हा । सा तत्थ पिंडिय च्चिय, दीसइ निम्मलजलमिसेणं ॥१५१३॥ जलपाणत्थसमागयथलभवहत्थीहिं जलचरकरीणं । संडालसंडिमहत्तं, तत्थ सयं पिच्छए राया ॥१५१४॥ नीरभरणत्थमागयमहिसकुंडंबेहिं जलतुरंगाणं । तुंडातुंडिमुहत्तं, कोऊहलतरलिओ नियइ ॥१५१५।। रेहइ इमस्स ससिकरपंडुरडिंडीर-पिंड-रिछोली । लीलाकुमारी कना, परिमुक्ककडक्खलहरि व्व ॥१५१६।। पउमसरमज्झयारे जलनिहिसंकाए मंथणमणेहिं । पक्खित्तं तियसेहिं मंदरमिव नियइ मणिखभं ॥१५१७॥ उनमियगलनालो, निडालतलघडियवामहत्थतलो । जह जह पिच्छइ भवणं, परिस्समो समइ तह तह से ॥१५१८।। मनइ मणम्मि एसो, इमस्स चंदपुरसरवराइस्स । वुत्तं तस्स धुवं मह, हिययमिणं मूलछेवाडी ॥१५१९॥ किह एसा दट्ठव्वा ? किहाऽऽलविज्जा ? कहं व परिणेया ? इय तम्मि चिंतयंते, संपत्ता तावसी एगा ॥१५२०॥
Jain Education International 2010_04
For Private & Personal Use Only
www.jainelibrary.org
