________________
सुरसुंदररायकहा
११७
पत्ता पत्तो जिणिंदाभिहियहियमहाधम्मरम्मं विहारं ॥ तत्तो नाभेयदेवो, भवणजणमणारामवीसामभूमी, पच्चक्खो कप्परुक्खो, सयलसहनिही मोक्खसक्खं व दिट्ठो ॥१४९७॥ ता मित्त ! अम्ह अत्थो, सिद्धो न वि अत्थइ को वि संदेहो । गरुयाण मणोवित्ती, संदेहपए पमाणं ति ॥१४९८॥ तह जिणरूवनिरूवणसमए मह जायरोमअंकूरा । इट्ठफलकरणकारणमंकरनियर व्व नजति ॥१४९९।। वीसंताणं ताण य झड त्ति तत्तो समागयानिद्दा । ववसायवज्जियाण वि, जह लच्छी पुनवंताणं ॥१५००॥ इत्थंतरम्मि एगो, निय तरुणिं कुसुमगहणकज्जम्मि । वावारिऊण पत्तो, खयरो जिणनाहनमणत्थं ॥१५०१॥ पविसंतेणं तेण य, दिट्ठो सहस त्ति रायवरकुमरो । . निद्दामुद्दियनयणो, पच्चक्खो कामदेवु व्व ॥१५०२॥ चिंतइ चित्ते खयरो, धुवमेसा जइ वि मह विवाहत्थं । संपत्ता वरकण्णा, तह वि इमं पिच्छिउं कुमरं ॥१५०३।। मं मुत्तूण इमं चिय, परिणेही तो इमा इहं जाव । नागच्छइ ताव इमं, लच्छी रूवं करिस्सामि ॥१५०४।। इय चिंतिऊण तेणं, कन्ने रायस्स मूलिया बद्धा । तीए इत्थी जाओ, नडो व्व भूमिंतरं पत्तो ॥१५०५।। पच्छा पिच्छइ पत्ता, सा कना अहिणवं तयं तरुणिं । कयचित्तचमक्कारा, निय दइया संकिरी सहसा ॥१५०६॥ पणमियरिसहजिणंद, गहिऊणं पाणवल्लहं निययं । निग्गच्छइ अहह अहो । कामीणं संकियं चित्तं ॥१५०७॥ अह जग्गियम्मि तेहि वि, मंती उवहसइ देव ! किं एयं ? किं झायसि जं तरुणिं स च्चिय तुमयं इहं जाओ ? ॥१५०८॥ इय तेण हसंतेणं, कन्ने निवइस्स मूलिया दिट्ठा । जा छोडइ तं सज्जो, पुव्वं व इमो नरो जाओ ॥१५०९।।
Jain Education International 2010_04
For Private & Personal Use Only
www.jainelibrary.org
