________________
११२
सिरिपउमप्पहसामिचरिय
तं पइ जंपइ कित्तियमित्ता तुह मित्त । इत्थ पत्तस्स । जाया वेला ? किं वा, पओयणं कहसु आगमणे ? ॥१४३०॥ सो पभणइ न ह सामिय ! मह आगमणो पओयणं किं पि । तुह उण एरिस झाणे, पओयणं किं ति साहेसु ? ॥१४३१ ।। किं केण तज्झ कहियं, सरेण असरेण खेयरेणावि । जह अमुगदिणे नरवर ! धणं च निधणं च पाविहिसि ? ॥१४३२ ।। किं वा नियजयजत्तं, चिंतसि इंदम्मि अहव नागिंदे ! जं देव ! पहइवइणो, तह आणा कारिणो सव्वे ॥१४३३॥ किं वा उवएसेणं, कस्स वि कारेसि किं पि सुरभवणं ? । देवी व अच्छरा वा, चित्तम्मि चमक्कए का वि ? ॥१४३ ४।। जो मंती देवाणं, जो वा असुराण जो व चक्कीणं । इत्तियमित्ता चिंता, तस्स वि न सया न वा दिट्ठा ॥१४३५।। ता जइ मह कहणिज्ज, कज्जं तो कहस अहव उठेस । जेणं चिट्ठइ बाहिं, तह दंसणऊसओ लोओ ॥१४३६।। इय वत्तो मित्तेणं, सव्वं साहेइ सुमिणवत्ततं । सो परियणपज्जंतं, जइ वा लज्जा न कामीणं ॥१४३७।। सुमिणमिणं कहिऊणं, नियमणसव्वस्स निव्विसेसस्स । मित्तस्स पुरो पुणरवि, पढइ फुडत्थं इमं गाहं ॥१४३८।। जो कोइ कन्नयं तं, पणरवि दावेइ एक्कवेलं पि । वेलं आजम्मंतं वहेमि सयणस्स तस्साहं ॥१४३९।। उल्लवइ तओ मित्तो, तं चिय बद्धो वि देव ! अइमद्धो । सुमिणयअणुसारेणं, पयाणयं देसि जो एवं ॥१४४०।। साहीणे अणुरत्ते, के वि हु अंतेउरम्मि सप्परिसा । तत्तं मणिय विरत्ता, तं पण सुमिणे वि अणुरत्तो ॥१४४१ ।। समिणसमाणं दिळं, धणधण्णाई विवेयवंतेहिं । सुमिणं पि तमं सच्चं, मनसि जं तं महच्छरियं ॥१४४२ ।। राया जंपइ अहमवि, एयं झाएमि वत्थुपरमत्थं ।
Jain Education International 2010_04
For Private & Personal Use Only
www.jainelibrary.org