________________
सुरसुंदररायकहा
१११
उच्छलिओ निवचिंतापिसाइया तासकारि व्व ॥१४१६॥ मह समए नरवइणा सा दिट्ठा तेण मह समीवम्मि ॥ मग्गिस्सइ त्ति एसो कलिउं व पलाइया रयणी ॥१४१७।। सूरेणं चिय सूरो, वसणगओ नूनमुद्धरेयव्वो । इय तिमिरभरं सहसा, निहणंतो उग्गओ सूरो ॥१४१८॥ पडिबोहियाई तेण य, जलजाई वि न उण एस नरनाहो । उत्तमभवो वि अहवा, कत्तो कामीण पडिबोहो? ॥१४१९।। दंतवणकरगपालगहत्था चेडी वि तयणुअणुपत्ता । पिच्छइ नाहं चिंताजालगयं उतनाहं व ॥१४२०।। इत्थंतरम्मि पंजरकीरो, वज्जरइ रायमुद्दिसिउं । जयदेव ! निवइमणिमयकिरीडकोडीनिघट्ठ चरणजग ! ।।१४२१ ।। तह देव ! पयाओ विव दिवसकरो एस उदयमणुपत्तो । लुक्काकोसियनिवहा, काणणकुहरेसु अरिणु व्व ॥१४२२ ।। देव ! दवारे चिट्ठति मंति-सामंत-तंतपाला य । परिहरचित्ते चिंतं अवहारसु दंतवणसमयं ॥१४२३॥ पत्ता वि कन्नपउलिं, विव्रत्ती तस्सिमा कयाणं व । न वि पविसे विविहत्थे बलाहिए माणसे रण्णो ॥१४२ ४।। किं कारणमत्थाणे, अज्ज वि नाऽऽगच्छए महीनाहो? इय चितंतो पत्तो, मंती मइसायरो तत्थ ॥१४२५॥ जाणूवरिविणिवेसिय सिरकमलं पिच्छए महीनाहं । मन्नावितं व पए, गच्छह तिस्सा समीवम्मि ॥१४२६।। विन्नत्तो वि समीवे, तेणं होऊण मंतिणा राया । चेयइ न किं पि चिंता अविरलविसलहरिभरिउ व्व ॥१४२७॥ उन्नामिय निववयणं परओ होऊण तेण सो भणिओ । देव! इमो तह मित्तो, पणिवायं कणइ पिच्छेस ॥१४२८॥ तो रना विनायं, जं तरणी तरुणभावमणुपत्तो । एसा नियडे चेडी, चिट्ठइ कीरो · य मंती य ॥१४२९।।
Jain Education International 2010_04
For Private & Personal Use Only
www.jainelibrary.org
