________________
११०
साणुणयसवीसंभं, सप्पणयं तेण कोमलगिराहिं । संभासिय परिणीया, गंधव्वविवाहविहिपुव्वं ॥ १४०३ ॥
जइ वसणं जइ मरणं, जइ सुविणं जइ वि रोग - सोगाई । तह वि रसंतरघाई, को वि अहो ! कामसंरंभो ॥१४०४ || छेएण नेव दुण्हं, तइएण कयावि कहवि होयव्वं । इय चिंतिउं व निद्दा, अवसरिया तस्स पासाओ || १४०५ ॥ जा जग्गइ ता पिच्छइ, न तं सरं नेय मणिमयं भवणं । न य तं कन्नारयणं, अमयरसासारसुहजणयं ॥ १ ४०६ ।। केवलमप्पाणं चिय, निएइ निययम्मि वासभवम् । पासट्ठिय-उद्घट्ठिय नियंगरक्खेहिं परियरियं ॥१४०७॥ चित्ते चिंतइ एसो, कत्थवि सा हत्थिमंथरगईवि । हत्थे तालियाणं, दाऊण गया हहा ! तरुणी ॥ १४० ८ ॥ तं मणिभवणं रम्मं, छाया खेड्डोवमं अहो ! जायं । गंधव्वविवाहविही, जाओ गंधव्वनयरसमो ॥। १४०९ ॥ मन्त्रे सा मह हियए, साहियजोग व्व झत्ति सुपविट्ठा । अहवा मह संलावा, लुक्का सह सिद्धलज्जाए ॥१४१० ॥ सह मह मणेण मने, घडिया उक्कीरियव्व सा तरुणी । निक्कुट्टिय व्व अहवा, तम्मयभावं अहव पत्ता ॥१४११ ॥ रज्जं बंधणरज्जू, देहं दहणो धणं पि निघणं व । मारो विव परिवारो, तीए विणा मज्झ पडिहाइ ॥ १४१२ ॥ जीए निसाए दिट्ठा, जीए पिच्छिस्समहव ते दो सहला गणेमि सेसो, पलालसरिसो इमो जम्मो ॥१४१३ ॥ जो कोऽवि कन्नयं तं पुणरवि दावेइ एक्कवेलं पि । वेलं आजम्मंतं, वहेमि सुयणस्स तस्साहं ॥१ ४१४ ॥ तं मुणिय गरुयचिंता जरजज्जरियं व अवरदीवम्मि । ओसहिगवेसणमणो, संपत्तो ओसहीनाहो ॥१४१५ ॥ पडुपडह-भेरि-झल्लरि-सुधीर - गंभीर - तूर - आरावो !
Jain Education International 2010_04
सिरिपउमप्पहसामिचरियं
For Private & Personal Use Only
www.jainelibrary.org
