________________
१०६
सिरिपउमप्पहसामिचरियं
इह सुलहमरणकारणभवम्मि दल्लह ख जीवियं ताव । जीवाण जीवियाओ, समाहिमरणं पुणो दुलहं ॥१३५१॥ सुलहं चक्कहरत्तं सुलहं देवत्तमहव-इंदत्तं । सव्वं पि इमं सुलहं, समाहिमरणं पुणो दुलहं ॥१३५२॥ ता दाहिणसवणेसं, सारसमिणस्स तस्स खयरेण । दिनो सुनमुक्कारो, खयरीए वामसवणेसु ॥१३५३॥ बहिरंगमंतरंगं, तावं पावं कमेण निहणंतो । परमेट्ठिनमोक्कारो, आकंठं छुटिओ तेहिं ॥१३५४।। मरुमंडलम्मि गोरुयनियरो, चिरकालपावियं सलिलं । घंटइ जहा सइण्हो, तह तं गिण्हइ नमोक्कारं ॥१३५५॥ परिपूरियं समंता, पंचनमक्कारनीरपूरेहिं । तेहिं नियहिययसरं, घडिनालसमेहिं सवणेहिं ॥१३५६।। मरिउं सारसमिहुणं, तस्स पभावेण भिन्नभिन्नम्मि । रायकुले उप्पन्न, कुमरी-कुमरत्तभावेण ॥१३५७॥ विज्जाहरमिहणं पण, मरणं कलिऊण तस्स मिहणस्स । करुणारसरसियमणं, संपत्तं निययठाणम्मि ॥१३५८|| जत्थ पुरे जायाई, जस्स य रायस्स मंदिरे ताणि । जं किर नामं तेसिं, तं सव्वं साहिमो इण्हिं ॥१३५९॥ जंबद्दीवे दीवे इहेव, वासम्मि भरहनामम्मि । पढवी विलया तिलयं सरितिलयं नाम वरनयरं ॥१३६०॥ चंदमणिघडियसोवाणसोहिया भवणदीहिया जत्थ ।। रित्तजलाउ वि दिवसे, पनजला हंति रयणीए ॥१३६१ ।। नयविक्कमोवसाहियमहिवलओ तिलयसुंदरो राया । तं परिपालइ नयरं, नयरंजियदसदिसाचक्को ॥१३६२॥ जस्स य पयावदाओ, दहेइ परकित्तिकाणणं सयलं । नियकित्तिवल्लिमूलं, चित्तं निच्चं पवड्ढेइ ॥१३६३॥ तस्स य पिययममाणसमाणससरवासराय हंसि व्व ।
Jain Education International 2010_04
For Private & Personal Use Only
www.jainelibrary.org
