________________
सुरसुंदररायकहा
१०५
अइदीहदंसिणी वि हु, दइया दुक्खे इहं ठविया ॥१३३७।। न तहा दहेइ दहणो, न तहा निहणेइ वइरिओ कुद्धो । । न तहा विसं पि तावइ, जइ विचलंता नरं बद्धी ॥१३३८॥ हा हियय ! किं न फुट्टसि, संपइ निल्लज्ज ! मुक्कमज्जाय ! दहें दइया मरणं, सयं कयं बालमरणं च ? ॥१३३९॥ चिंतंत च्चिय एवं, जलंतजालावलीण मज्झम्मि । पक्खी तड त्ति पडिओ, लक्खीकाउं नियं नीडं ॥१३४०॥ दइया देहस्सुवरि मुत्तूणं सरसनलिणनालाई । वित्थारिय पक्खजओ थक्को नियमरणनिरवेक्खो ॥१३ ४१ ।। इत्तो य तत्थ सिहिगलकज्जलनीलेण नहयलपहेण ताणं पुनवसेणं, विज्जाहरमिहुणगं पत्तं ॥१३ ४२ ।। वररयणनियरनिम्मिय विमाणमज्झम्मि सहनिविट्ठाए विज्जाहरीए तं तह दटुं कारुण्णपनाए ॥१३ ४३।। भणिओ नहयरनाहो, पिच्छस पक्खीण निब्भरं नेहं । एवंविहो सिनेहो, कयाइ न सओ कहाहिं पि ॥१३४४॥ निब्भरसिनेहविहुरं, रक्खसु ता णाह ! मिहुणगं एयं । उवयारकज्जसज्जा, विज्जासत्ती हवउ सहला ॥१३४५॥ इय पाणपियावयणं, निसामिय नियधणहसज्जजीवाए । ताणं जीवणकज्जे, वारुणबाणो कओ तेण ॥१३४६।। मक्कम्मि तम्मि सहसा, सिहिगल-गवला-ऽलि कुवलयच्छाया अहिगहिरं गज्जंता, वारिधारा तत्थ उत्थरिया ॥१३४७॥ धाराधरेहिं धारानियर, सव्वत्थ वरिसमाणेहिं । पियवयणेहिं व विरहो, विज्झविओ सो वि दावग्गी ॥१३४८।। होऊण तओ हिट्ठा, तं दिलै कंठदेसगयपाणं । दवदद्धसलिलसित्ताणि पक्खपिछाणि धूणतं ॥१३४९॥ खयरो भणइ समत्थो, पाणत्ताणं न संपयं काउं । जीवियदाणा अहियं, देमि नमुक्कारमेएसि ॥१३५०॥
Jain Education International 2010_04
For Private & Personal Use Only
www.jainelibrary.org
