________________
१०४
सिरिपउमप्पहसामिचरियं
तिलतुसतिभागमित्तं पि तह वि न वि तुट्टए नेहो ॥१३२४।। मुहगहियनलिणनाला, आगच्छइ पुण वि सारसी जाव । ताव दवानलजालावलीहिं विडवी वि संवलिओ ॥१३२५।। तं पिच्छिउं वराई दूसह-दुह-भार-भारियसरीरा ।। पडिया तड त्ति नीडे अहह ! अहो ! नेहमाहप्पं ॥१३२६॥ पउमिणिदलेहिं नीडं, पिहिऊणं पक्खसंपुडं उवरि । वित्थारिऊण थक्का, दावानलताव समणत्थं ॥१३२७॥ सूसंतनलिणपत्ते, बाहपवाहेहिं सा वि सिंचंति । बाले तडप्फडते दळु परिचिंतिउं लग्गा ॥१३२८॥ पिच्छ तया भणिएण वि, न कयं नीडं जडेण जलरुक्खे । एयं दत्थावत्थं, कुबुद्धिणा पाविया तेण ॥१३२९॥ मुत्तूण निय पइन्नं, भारं पिव भारवाहगो गंतुं । अनाइ सारसीए, घडिही घरवाससंबंधं ॥१३३०।। मह पुण मरणगयाइ, वि बालयसहियाइदिट्ठिमेलावो । अइनिट्ठरेण न कओ, तेणं पज्जंतकाले वि ॥१३३१॥ हा विहि हयास ! निठुर ! कीस तए एरिसी कया मेरा । कुल-सील-सालिणी वि हु, नारी परिसाण दासि त्ति ? ॥१३३२॥ हे दिव्व ! तुज्झ पणया, कुपुरिसदासित्तदूसियं महिलं । मा मं करेसु. पुणरवि, एस मए अंजली बध्दो ॥१३३३ ।। जइ कह वि दिव्वजोगा, पणरवि मम हज्ज कामिणी जम्मो । न पुगे विडंबणत्थं, नराण अप्पं समप्पिस्सं ॥१३३४॥ एवं चिंतंतीए, तीए विद्देसवासियमणाए । निय नीडमागओ वि हु, न जाणिओ सारसो कह वि ॥१३३५॥ तहाहि - दढनेहमोहियमई, नलिणीनालाइइमो सो वि घेत्तूणं । जा पत्तो ता तेणं, तहट्ठिया सारसी दिट्ठा ॥१३३६॥ चिंतइ मणम्मि सो वि हु, पिच्छह तच्छाइ मह कबुद्धीए ।
Jain Education International 2010_04
For Private & Personal Use Only
www.jainelibrary.org
