________________
सुरसुंदररायकहा
वरभावणाइसिद्धा, सुरसुंदररायकुमर व्व ॥१२८५।। सुरसुंदरराय कहा - इत्थेव पढम दीवे, जंबद्दीवम्मि आइमो जलही । पायाल-कलससहिओ, लवणवरो सायरो अत्थि ॥१२८६।। लवणोयनीरतीरे, केसर-कणियार-करुणरेहतं । हिंताल-साल-ताली-तमाल-तिलयालिपरिकलियं ॥१२८७॥ अंकल्ल-विल्लि-मल्ली-सल्लइ-किंकिल्लिपल्लवाइन । मायंद-कंद-मंदारगहिरमयरंदवासियदियंतं ॥१२८८।। पुनाग-नागवल्ली-लवंग-नारंग-रंगिया-भोगं । पणधणसयविच्छिन्नं वेलावणमत्थि सपसिद्धं ॥१२८९।। पवणंदोलिर-साहासंदोहमिसेण असरिसं सोहं । कलिउं जस्स जडा वि ह, तरुणो वि सिरं धणंति व्व ॥१२९०॥ अइउच्चतरुसिरेसुं, सहइ सवियासकुसुमरिछोली ।। आयासगमणसंता, वीसंता रिक्खपंति व्व ॥१२९१॥ वणसंडमज्झयारे, दलपडलंतरियतरणिकरपसरो । सालो विसालसालो, महामहल्लो वडो आसि ॥१२९२।। उड्ढं साहाहिं अहोमलेहिं समं सया विवढंतो । सग्ग-रसायलमाणं, गहिउमणो जो उ पडिहाइ ॥१२९३॥ एसाऽचलाचलत्तं, धरिज्जधरणीकयाइखयकाले । इय वडवाइमिसेणं, बंधे वित्थारए तीसे ॥१२९४।। जस्स सिरम्मि पभाए, पढम चिय अरुणकिरणनिउरंबो । रेहइ तरूस मज्झे, रविविहिओ पट्टबंध व्व ॥१२९५॥ कारंडव-कादंबग-रहंग-सारंग-कुरर-कीराणं । कोलाहलच्छलेणं, पहियजणं वाहरंत व्व ॥१२९६॥ तं चिरकालपरूढं, जरदं कलिऊण जायवीसंभा । कयनिबिडनीडबंधा, वसंति विहगा तहिं चेव ॥१२९७|| अजुनदिनकोमलमुणालनालेहिं निम्मियाहारं ।
Jain Education International 2010_04
For Private & Personal Use Only
www.jainelibrary.org
