________________
१००
सिरिपउमप्पहसामिचरियं
भावणा धम्मे सुरसुंदरकुमरकहा - सुद्धेण केवलेण वि, भावेण लहंति सासयं सुक्खं । भावविमक्कं सयलं, अफलं दाणाइयं भणियं ॥१२७४॥ अवकसिपायवो विव, अफलो सव्वो वि धम्मवावारो । भावविमुक्को तत्तो, विसुद्धभावं सया कुज्जा ॥१२७५।। सुरमंदिरमप्पडिम, अप्पडिमं पि हु निरत्थयं चेव । एवं सव्वा किरिया, निरत्थया भावपरिमक्का ॥१२७६॥ वयणं व नयणरहियं, नयणं व कणीणियाए परिमुक्कं । कसमं व गंधरहियं, जीवविमक्कं सरीरं व ॥१२७७।। रयणं व दित्तिरहियं, गयणं व मयंक-मंडलविमक्कं । मित्तं व असब्भावं, नयरं व जणेहि परिहीणं ॥१२७८।। सद्दो व अत्थरहिओ, परिसो विव विहवनिवहपरिहीणो । राया व नायरहिओ, रह व्व चक्केण परिमुक्को ॥१२७९ ।। पक्खी व पक्खरहिओ, आरामो विव तरूहिं परिचत्तो । समणुव्व खमा रहिओ, तरु व्व मूलेहि परिहीणो ॥१२८०॥ भज्ज व्व पिम्ममुक्का, लवणविमुक्क व्व रसवई चेव । वीणा विव गयतुंबा, अनायगा तह य सिन्न व्व ॥१२८१ ।। वेस व्व कलारहिया, सरसी विव सलिलनिवहपरिहीणा । सव्वा वि धम्मकिरिया, न रेहए भावपरिहीणा ॥१२८२।।
(सप्ताभिः कुलकम्) अवि य - जो जेण धम्मकम्मं, भावेण करेइ दाण-सीलाई ।। सो तारिसफलनिवहं, लहइ पमाणं तओ भावो ॥१२८३।। उक्तं च - भावशुद्धिर्मनुष्यस्य विज्ञेया सर्ववस्तुषु ।।
अन्यथाऽऽलिङ्ग्यते कान्ता, भावेन दहिताऽन्यथा ॥१२८४॥ दाणाइधम्मरहिया, के वि ह कलिऊण केवलं नाणं ।
Jain Education International 2010_04
For Private & Personal Use Only
www.jainelibrary.org
