________________
सिरिपउमप्पहसामिचरियं
मुणिनाहो नरनाहं, उदारनरसेहर वियाणित्ता । अपडिचक्कं पुरओ, चक्कसिरि वनए तस्स ॥१२४७।। सोलस जक्खसहस्सा, वावत्तरि पट्टणाण सहसाणि । चुलसीइ रहाईणं, छन्नवई गामकोडीणं ॥१२ ४८।। बत्तीसं मउडद्धयरायसहस्सा तहेव चउसट्ठी । अंतेउरीण सहस्सा, परिवारे हुंति चक्किस्स ॥१२४९।। इच्चाइवयं तं, मुणिनाहं झ त्ति भत्तिसंजुत्तो । सो पच्छइ कहमेयं, पाविज्जइ चक्कवट्टित्तं ? ||१२५०॥ जंपइ भयवं एसा, लब्भइ तवसा नरिंद! वररिद्धी । तह हुति इत्थ भुवणे, विमाणवरवासिणो देवा ॥१२५१॥ जे मेरुं पि हु गेरुयपिंडं पिव चंडदंडघाएण । चुन्निय खिवंति सहसा, दिसोदिसिं एक्कफुक्काए ॥१२५२ ।। चुलुएण सायरं पि हु, पिबंति उत्थिल्लयंति महिवीढं । दिस्सअदिस्सा अणुणो, लहणो गुरुणो य जायंति ॥१२५३ ।। रूवाणि असंखाई, कुणंति वरअच्छराहिं परियरिया । सुहसायरावगाढा, गर्मिति सायरसमं कालं ॥१२५४॥ देवाण वि कह रिद्धी लब्भइ? कहस त्ति पच्छिए रना । भणियं मुणिणा तवसा, देवाण वि लब्भए रिद्धी ॥१२५५॥ तह नरवर ! देवाण वि, पहुणो इंदाइ हवंति अहिययरा । जेहिं कुलिसेण निहया, सुरा वि मच्छंति छम्मासा ॥१२५६॥ बत्तीस-अट्ठवीसाइलक्खसंखाण वरविमाणाण । अहिवइणो वररज्जं, कुणंति सुरकोडिपरियरिया ॥१२५७॥ इंदाण वि कह रिद्धी लब्भइ ? कहसु त्ति पुच्छिए रत्ना । साहइ सामी तवसा, हवंति सहसा सुरिंदा वि ॥१२५८॥ तह नरवर ! इंदाण वि, महणिज्जा अट्ठकम्मनिम्महणा । हयअट्ठारसदोसा, चउव्वीसाइसयसंपुना ॥१२५९।।
Jain Education International 2010_04
For Private & Personal Use Only
www.jainelibrary.org
