________________
सिरिपउमप्पहसामिचरियं
हे ताय ! तुहाएसा, नीहरिओ पुनपत्तवररज्जो । सोलस समाहिपत्तो, तह तात ! नमइ समरसीहो ॥१२२१ ।। नाऊण इमं राया, जाओ सहसा सहस्सगणदेहो । अइउद्दामसरेणं, जंपइ हे वच्छ ! हच्छमागच्छ ॥१२२२॥ सह अमरिसेण धणहं मत्तूण महीललंतसव्वंगो । विणयम्मि पत्तलीहो, अह आगच्छइ समरसीहो ॥१२२३।। सयमेव तओ गंतं, राया उप्पाडिऊण नियतनयं । तह परिरंभइ दुक्खं, चिरविरहभवं जहा भग्गं ॥१२२४।। काऊण तमच्छंगे, परियणउवणीयमासणं राया । कलिऊणं पणरुत्तं, सीसं अग्घायए तस्स ॥१२२५।। अहिणवलग्गं धूलिं, राया चेलंचलेण सयमेव । अवणेइ तह सिणाणं, देइ व आणंदसलिलेहिं ॥१२२६।। रना पट्ठो कुमरो, साहइ सव्वं पि वइयरं निययं ।। गरुया जणयाइनें, सयमेव कणंति सव्वं पि ॥१२२७॥ अह रयणमंजरी सा, आगंतं नमइ रायपायाण । रना भणियं वच्छे! सासू सरिसा हविज्जास ॥१२२८॥ ते एगबंधबंधुरसिंधुरवरकंधरं समारूढा । सामंतसहससहिया, विसंति चंपाए नयरीए ॥१२२९।। सिरधरियमेहडंबरछत्ता, नयरीए तीए पविसंता । अमरावइ नयरीए, जयंतसक्क व्व नजंति ॥१२३०॥ नयरी जणो पयंपइ, वरविक्कमविनयपुनवंतेसु । परिसेस पत्तलीहो, चिराउ दिट्ठो समरसीहो ॥१२३१ ।। धनं तं चिय नयरं, जत्थ इमो भमइ रायवाडीए । सा चेव पया धन्ना पयमिव जं पालए एसो ॥१२३२ ।। जेणेव सरोसेणं, पुराउ निव्वासिओ पुरा रना । तेणेव सतोसेणं, आणिज्जइ अहह! पुनानि ॥१२३३।।
Jain Education International 2010_04
For Private & Personal Use Only
www.jainelibrary.org
