________________
रोहिणीकहा
देव! तुहो वरिमेसो, सयद्दुवारस्स अहिणओ राया । आगच्छइ तो हच्छं, जं जाणसि तं कुणिज्जा ॥ १२०८ ॥ सहमंतीहिं मतं, काऊणमिमो वि सम्मुहो चलिओ । वीरा समरारंभे, मरणे वि परम्मुहा नेय ॥ १२०९॥ दुह वि जणय - सुयाणं, कमेण सिन्नाणि ताणि मिलियाणि । दारुणरणाय सरसा, उत्ताला कंसतालु व्व ॥१२१०॥ ते दो वि जुद्धवीरा, विणिवारिय इयरलोयसंहारं । कुव्वंति रहारूढा, समरारंभ ससंरंभा ॥ १२११ ।। कोदंडदंडताडणटंकाररवेण निययपासम्म ।
जयलच्छीमाहवंता, वीरा वरिसंति सरविसरं ॥ १२१२ ॥ गयपुत्राण नराण व, मणोरहा रहियचक्कवट्टीहिं । अन्नोनं तेहि सरा, अद्धपहे चेव निच्छिन्ना ॥ १२१३ ॥ वियरंता सरविसरं, दुगुणं दुगुणं च दो वि तव्वेलं । पिच्छिय सुरेहिं दिट्ठा, अहिणव अहिमनुसारिच्छा ॥१२१४ ॥ निरविक्खं नरचंदो, अयाणमाणो हणेइ नियतणयं । साविक्खं निय जणयं, जाणतो पहणए कुमरो ॥१२१५ ॥ नरचंदनरिंदस् य, जहत्थनामेण समरसीहेण । को दंडचंडदंडो, विक्खंडिओ खरखुरप्पेण ॥१२१६ ॥ जं जं राया तइया, गिण्हइ बाणासणं च सामरो । तं तं कुमरो खंडइ, पयंडबाणेहिं जा वीसं ॥ १२१७॥ खणमित्तेणं तेणं, च्छिन्नं छत्तं पडाइया छिन्ना । छिन्नो य रहो संगरमणोहरो तस्स नरवइणो ॥१२१८॥ चिंतइ चित्ते राया, (अह ) अहयमिमेण परियरवि । उल्लूरिय नवपल्लवलवो व्व रुक्खो कओ सहसा ॥१२१९॥ अह समरसीहमुक्को, बाणो वरअक्खरेहिं चिंचइओ । पडिओ निवपयपुरओ, वायइ रायं इमं गहिउं ॥१२२० ॥
Jain Education International 2010_04
For Private & Personal Use Only
९५
www.jainelibrary.org
