________________
रोहिणीकहा
समवय-रूव धराणं, अहिणववरपिम्मरम्मचित्ताणं । ताणं करेइ विहिणा, वीवाहमहं महीनाहो ॥११५६।। वित्ते दसाहियमहे, विचित्तपासायसिहरमारूढो । तियसाण वि मणहरणं, विलसइ सह तीए रमणीए ॥११५७॥ वरिसदुगे वक्कंते, दिणावसाणम्मि भवणसिहरम्मि । सा दासिनिवहवरिया, दिट्ठा खयरेण एगेण ॥११५८।। सो नियमणम्मि मनइ, धनो सो चेव भवणवलयम्मि । तरुणेस तस्स रेहा, जस्स इमा लग्गए कंठे ॥११५९॥ मन्ने विहिणा विधिणा, घडियं एयाए वरिसकोडीए । एक्कं पि चंगमंगं, अवह कहमेरिसं रूवं? ॥११६०॥ इय चिंतिय तं तरुणिं, दासीपमहाण मज्झयारे वि । अवहरइ झ त्ति खयरो, गणंति न ह किंचि कामंधा ॥११६१ ॥ झ त्ति महल्लसमूहा, महल्लसद्देण तारपक्कार । कव्वंति धाह नरवर! कुमार! हा! हीरए देवी ॥११६२॥ को वि ह एस दरप्पा, अवियप्पं नियकलत्तमिव देविं । मन्नतो हरिऊणं, तरियं तरियं इमो जाइ ॥११६३॥ अत्थाणसहासीणो, महाबलो समरसीहकमरो य । पुक्कारं सुणिऊणं, संभंता तत्थ संपत्ता ॥११६४॥ रायाइजणं सव्वं, संठविऊणं पयंपए कमरो । रे विज्जाहर! तुमए दिट्ठो भूगोयरो अहयं ? ॥११६५॥ जइ जासि सायरते, जइ वा वच्चेसि सग्गमग्गंते । पायालतले जइ वा, तह वि ह एसो अहं पत्तो ॥११६६॥ तत्तो तेणं सरिओ, जक्खो तत्थेव आगओ अह सो । तं रुंदतंदजक्खं, आरुढो तस्स वयणेणं ॥११६७।। पिच्छंताण जणाणं, सकोउगाणं पयंपए कमरो । हे जक्खराय ! वच्चसु, तत्थ तुम जत्थ सा मुद्धा ॥११६८॥
Jain Education International 2010_04
For Private & Personal Use Only
www.jainelibrary.org
