________________
सिरिपउमप्पहसामिचरियं
। सो आह मज्झ भवणे, नीसाए निच्चं पि जोइणी-चक्कं । इक्कं घित्तूण नरं, समेइ खाएइ तं हणिउं ॥१०६६॥ नाहं त तन्निवारणसक्को रंक व्व तेण हे धीर ! परिहवदुक्खे, इमं रुदं तुंदं महं जायं ॥१०६७।। निग्गहसु जोइणीओ, पुरिसं रक्खेसु कुणसु मं सुहियं । कुमरो आह मए च्चिय, सव्वं भव्वं विहेयव्वं ॥१०६८॥ अह डमडमंतडामरडमरुयडक्कारविहियसंखोहं । कय जयजणसम्मोहं, जोइणिचक्कं तहिं पत्तं ॥१०६९॥ कोणतरिए कुमरे, जोइणिगणसामिणीए संजमिओ । पुरिसो भणिओ सुमरसु, मरणे पत्तम्मि इट्ठसुरं ॥१०७०।। सो आह किं सरेहिं, सरिएहिं वि उवलनिव्विसेसेहिं । एक्को च्चिय मह सरणं, जम्मंतरनिम्मिओ धम्मो ॥१०७१।। वेयाल-भूयरक्खस-साईणि-जोइणि-भूयंगकरि-हरिणो । धम्मेण हंति विमहा, गहा य साणग्गहा सव्वे ॥१०७२॥ इच्चाइ जंपयंतस्स, तस्स जा देइ जोइणी घायं । ता तत्थ हवइ पयडो, कमरो करकलियकरवालो ॥१०७३।। हे जोगतत्तनासिणि! नरसंहारिणि! इमो सपरिवार । उवसंहरामि तमयं, वणं व दावानलो जलिओ ॥१०७४॥ वयणेण तस्स ताओ, अंचलघाएण मच्छियाउ व्व । उड्डीणा तेण करे, सा जोइणीसामिणी धरिया ॥१०७५।। भणिया य तेण मरिहिसि, पावसि पावाण अज्ज पज्जतं । सा भणइ ममं सपरिस ! मंच करिस्सामि जं भणसि ॥१०७६ सो भणइ हणेयव्वो, तमए कइया वि नेव नरविसरो । आमं ति भणंतीए, तीए वायं करावेइ ॥१०७७।। तं मंचइ जक्खं पइ, जंपइ किं तं सि संपयं सहिओ । जक्खो जंपइ तुमए, भुवणं पि हुं सुत्थियं विहियं ॥१०७८॥
Jain Education International 2010_04
For Private & Personal Use Only
www.jainelibrary.org
