________________
रोहिणीकहा
पुच्छइ कुमरो परिसं, कह तं पत्तो इमाए पावाए ? | किं नाम तुज्झ नामं? को जणओ कत्थ वत्थव्वो ? ॥१०७९।। सो भणइ अहं नयरे पउमिणिसंडम्मि वम्महो नाम । मयणस्सरूवनिज्जियमयणस्स सुओ कलाकुसलो ॥१०८०॥ मज्झ निमित्तं वरिया, जणएण पियंगमंजरी कन्ना ।। कंचणमयकंचणपरनिवासिवरुणस्स वरतणया ॥१०८१॥ नियसयणनिवहसहिओ, मयणो गरुयाए जस्स जत्ताए । कंचणपुरं पुरं पइ, तोसियमग्गणगणो चलिओ ॥१०८२॥ कंचणपरम्मि पत्तो, वरुणेण समप्पियम्मि पासाए । आवासिओ तहिं चिय, अहमवि चिट्ठामि हिट्ठमणो ॥१०८३॥ अह अहिमकरो वारुणिपरिणयणत्थं च अत्थगिरिसिहरे । संपत्तो अरुणकरो, कयकुंकुमअंगराउ व्व ॥१०८४॥ ताणं वीवाहमहे, दिया निसव्वति तारसंरावा । संझारायमिसेणं, नज्जइ पज्जालियो जलणो ॥१०८५॥ तिल-जवनिवहं तत्थ य सतिमिरतारयछलेण दियनाहो । हुणइ तहा कइरविणी, गायइ रोलंबरोलमिसा ॥१०८६।। तत्तो जामिणिकामिणिमुहसोहे विहियकुमयपडिबोहे ॥ तिमिरभरचरड-लूडणदुध्दरफारक्कचक्कम्मि १०८७।। घणसारसारचंदणविलित्तअभिसारियाण अंगेसु । निम्मलमुत्तियनिम्मियआभरणसमाणकिरणभरे ॥१०८८।। कयभुवणमणाणंदे, चंदे घणचंदिमाए हिययम्मि । कयउल्लासो मणिमयपासायमहं समारूढो ॥१०८९।। अमयमयकिरणलहरीनिब्भरसिप्पंतसयलसव्वंगे । निद्दामुद्दासोक्खं, मुहुत्तमित्तेण पत्तो हं ॥१०९०॥ जग्गेमि जाव ताव य अप्प पिच्छामि झ त्ति संतत्थो । किलिकिलिरजोइणीगणपरियरियं एत्थ भवणम्मि ॥१०९१ ।।
Jain Education International 2010_04
For Private & Personal Use Only
www.jainelibrary.org
