________________
८२
सिरिपउमप्पहसामिचरियं
दाविय परम्मि पडह, सह चलियनराण मग्गियं विहवं । स-परवियारणरहिय, सच्छंदं वियरए कमरो ॥१०४०॥ सह तेहिं गंधसिंधरबंधरतरकंधरे समारूढो ।। धारासारारामे, पत्तो विलसेइ सच्छंदं ॥१०४१ ।। गंतूण मयणभवणे, तेणं नड-भट्ट-दीणदाणेहिं । कणयमयटंकयाणं, ववकलिया तिन्नी कोडीओ ॥१०४२ ।। भंडारिएहिं कहिए, वत्तंते राइणा सओ भणिओ । उत्ताणसिरोमणिणा, रे पावय! ते किमारद्धं ? ॥१०४४।। तित्तीसं कोडीओ, समग्गदेसम्मि एगवरिसेण। उप्पज्जंति वए पण, बत्तीसं जंति मह रज्जे ॥१०४५।। एगा टंकयकोडी, हवइ निहाणम्मि तं पुणो मूढ ! । अइमित्तेण वएणं, कोसमसेसं पि निट्ठवसि ॥१०४६।। कोसम्मि खयं पत्ते, कह वि हु पडियम्मि घोरभिक्खे । पत्ते वा परचक्के, धणं विणा कहसु किं कज्जं ? ॥१०४७।। सो जंपइ हे रायं, पायं कयसकयपरिससमयम्मि । पडिही नहि दुब्भिक्खं, परस्स चक्कं पि नाऽऽगमीही।।१०४८॥ राया रुट्ठो जंपइ, देसमसेसं पि मज्झ मुत्तूण । नियपुत्राणि पमाणसु, सिच्छाए धणं पयच्छेसु ॥१०४९॥
आएस त्ति भणित्ता, कुमरो करवालमित्तपरिवारो । नमिऊण जणणिपाए, निगच्छए झ त्ति नयराओ ॥१०५०॥ उक्तं चराज्यं वा वनवासो वा, धनं वा निधनं तथा । जानाहि जनकाधीनं, सर्व सत्पत्रचेष्टितम् ॥१०५२॥ सो कमसो गच्छंतो, पत्तो सेलम्मि वरविसालम्मि । तत्थ नियच्छइ धनियं, धममाणं धाउवाइगणं ॥१०५२ ।। सो जंपइ इह तारा, निवडइ संपइ अमोहवसुधारा ।
Jain Education International 2010_04
For Private & Personal Use Only
www.jainelibrary.org
