________________
सिरिपउमप्पहसामिचरिय
चिंतइ चित्ते धन्ना, पिययमधणएण जमुणसरियाए । . पक्खविय धुवं भवगुरुसरियं उत्तारिया अहयं ॥१०१६॥ तइया सिद्धत्थेणं कालिंदीए न केवलं अहयं । संसारघोरसायरमज्झाउ वि कड्ढिया नूनं ॥१०१७॥ ईसाणकप्पतियसो, मणिचूडो नियपियाए चवियाए । विरहदुहमसहमाणो, तं जाणइ अवहिनाणेण ॥१०१८॥ वरहार-कणयकुंडल-किरीड-केउरकणयदिप्पंतो । अच्छरियकरं रूवं, काऊणं भवणमनहरणं ॥१०१९।। गंतूण तीइ पासे, निसीहसमयम्मि सायरं भणइ ।। भद्दे ! तह तवसा हं, मणिचूडसरो इह पत्तो ॥१०२०॥ मणिगणकयनिम्माणे, विलससि निच्चं पि मणहरविमाणे. । अहयं पि सपरिवारो, हवेमि आणाकरो तुज्झ ॥१०२१॥ किं पुण इमं भणिज्जस, जइ मह तवसो वि अत्थिफलमतलं । मणिचूलं नाम सुरं, भत्तारं तो लहिज्जमहं ॥१०२२।। अहमवि दइया रहिओ तमं पि नियपिययमेण परिचत्ता अम्हाण तओ दोण्ह वि ईण्डिं जोगो हवइ जोग्गो ॥१०२३॥ सा आह सहय ! बहविहदरंत-भव-नाडएण नडिया हं । भग्गा विसयसुहाणं, लग्गा निव्वाणमग्गम्मि ॥१०२४|| को नाम पामरो वि हु, अमरपहत्तेण महइ रंकत्तं । को निक्कलंकतवसा, विसविसमं महइ विसयसुहं ॥१०२५।। सोऊण इमं तेणं,पहरिसपब्भारपूरियमणेणं । भणियं तं चिय धन्ना, तज्झ विवेयं वयं नमिमो ॥१०२६॥ सट्ठाणगए तियसे, साहिय सिद्धत्थसयलवुत्तंता । सा अणसणेण मरिउं अच्चयकप्पे सरो जाओ ॥१०२७॥ सिद्धत्थो वि दुवालसभेयं, परिवालिऊण गिहिधम्मं । तबंसणतिसिओ वि व, तत्थेव सुरो समुप्पनो ॥१०२८॥
Jain Education International 2010_04
For Private & Personal Use Only
www.jainelibrary.org
