________________
रोहिणीकहा
७३
वेरग्गउग्गविलसिरदुव्वारसमीरणेण पज्जलिओ । तवनवदावो सहसा, दहेइ भवकाणणं सयलं ॥९२७॥ इहलोय-परिलोइयकज्जं तं नत्थि तिहुयणे सयले । न वि सिज्झइ जं तवसा, सहसा हियइच्छियं सव्वं ॥९२८।। दुव्वारमारवारणदारणपंचाणणेक्कवावारो । उस्सिंखलमणवानरनिबिडायऽऽयससंकलाबंधो ॥९२९॥ चलकरणहरिणवाहो, भवसंभवक्खदावजलवाहो । जयउ तवो मोहमहामहल्लमल्लस्स पडिमल्लो ॥९३०॥ पुट्ठाणं बध्दाणं, सव्वेसिं होइ तह निहित्ताणं ।। कम्माण खओ सहसा, तवसा उ निकाइयाणं पि ॥९३१ ।। को नाम कामधेणं, चिंतामणि-कप्पपायवे अहवा । पसुपत्थरजडरूवे, अभिरूवे भणइ तवपुरओ ॥९३२।। सुर-नर-राय-समिध्दी, सव्वोसहि-पमुह-विविह-वरलद्धी । समयवियारण-बुद्धी, तवतरुकुसुमोग्गमो एसो ॥९३३॥ सासयसक्ख-निहाणं, अणंतवरनाण-दसणपहाणा । परिहवियसव्वसिद्धी सिद्धी परमं फलं तस्स ॥९३४॥ रे हियय! इमं सम्मं, साहेमि महेसु कहविमा सोक्खं । अह जइ सक्खसमीहा, तवेस निच्चं तवं तत्तो ॥९३५।। पाविय नरवरजम्म,सम्मं न चरेइ जो तवो कम्मं । रयणमयदीवपत्तो, गिण्हइ गुंजाण सो पुंजं ॥९३६।। मह भालतले तिलया, तेसिं कमरेण कणगणा हंत । तवतरवारी करेहिं, निम्महियं जेहिं मोहबलं ॥९३७॥ दासाण वि दासोहं, जणाण निच्चं पि ताण भिच्चो हं। तवसत्तिपत्तलीहा, मणिसीहा जत्थ निवसति ॥९३८।। काऊण तवविसेसं, मूढो जो महइ पूय-सक्कारं । सो सरिसवमित्तेणं, तुच्छमइ हारए मेरुं ॥९३९।।
Jain Education International 2010_04
For Private & Personal Use Only
www.jainelibrary.org
