Page Text
________________
७२
मणोरमा-कहा
पेसिया पत्थओ पहठं मणि-रयणं गहाय जलमहेण । जलकता नाम नियहिया पत्ता तमुद्देसं ।।३८८।। तो दूरकयपणामा खलंतचलणा ससज्झसा बाला । पत्ता कुमरसमीवं, विसमसरालिद्धसव्वंगा ।।३८९॥ चइऊण बालियासुलहसज्झसं तरलतारया तीए । तोरवियपंचबाणा दिण्णा दिट्ठी कुमारम्मि ॥३९०।। जम्हा जणमझगया वि वाढं बद्धा वि लज्जरज्जए। वल्लहजणमणधावइ वम्महपडिपेल्लिया दिट्ठी।३९१।। अगणियपरियण लज्जं पम्हटकुलक्कम विगयसंकं । पसरंतसाससूइयहिययायासं जणपयासं ॥३९२।। कुमरेण वि सविलासं ससिणेहं सायरं ससिंगारं। वलियच्छिण। सयण्हं तीसे मुह-पंकयं दिट्ठ ॥३९३।। ताव लज्ज मज्जाया, ताव उवएसु गणिज्जइ । जाव न पियमाणुसह, दिट्ठि-गोयरि निवडिज्जइ ।३९४।। ताव गहिरगंभीरिम, गरुई सायरह । जाव न करिहिं करंबिउ, होइ निसायरह ॥३९५।। अण्णोण्ण-दसणामय-सित्ताणि व ताणि वियसियतराणि । जायाणि जायसोहाणि कुवलयाई व नयणाइं ।३९६ । दोण्हं पि पढमदंसणपसरियमयणग्गिजालपज्जलियं । वारं वारं वेवइ संगमसुह-संकिर हिययं ।।३९७।। तत्तो गयलज्जाए पयंपियं धीर-धीवर-सुयाए । धण्णाहं जीय तुमं सक्खं चिय अज्ज सच्चविओ ॥३९८।। एसोतस-थावर-विस-पणासणो तुज्झ करयलप्पणई । तायाएसंण मणी कायव्वो मज्झ करेणं करेयव्वो ।३९९।। इय भणिए तेण लहुं हत्थो हसिऊण अप्पिओ धणियं । संपीडिऊण सुइरं पणामिओ तीय वि सलीलं ।।४००।। तो ताणि परोपर-पाणि-फंस-संगलिय-सेय-सलिलाणि । मयणानल-विज्झवणत्थं व सीय-सलिलण सित्ताणि । खणमेत्तमच्छिऊणं सिणेह-सारेहिं सोवयारेहिं । वयहिं बीय-दिवसे पुणो वि सो पुच्छिओ कुमरो ॥४०२।। अबलायणम्मि दाणे कुमार-पसिऊण तहा करेज्जासु । जह भुज्जो वि ह जायइ तए समंदसणं सुहय !।४०३।। इय भणिउं चलिआए तीसे पच्छामुहं नियंतीए । तत्थट्ठियं पिव चित्तं आणेउं पेसिया दिट्ठी ।।४०४।। कुमारेण वि ससिणेह अणिमिसदीट्ठीए ताव सच्चविया । अंतरिया जाव वणंतरेण सा धीवरं गुरुहा ।।४०५।।
तओ पइदिणं अवरावरोवायण-मिसेण गमागमं कूणमाणीए अण्णोण्णालावेण य तहा वसीकयं कुमारमाणसं जहा पयडमेव पत्थिओ तेण तप्पिया ! 'कल्लाणमेयंति, भणिऊण पडिवण्णा तेण। परिणीया गंधव्व-विवाहेण । तत्तो वारंवारं वारिज्जमाणो वि परियण-जणेण उज्झिय-कुलाभिमाणो कुमारो धीवरो जाओ। को तस्स अहव दोसो जाइ-विरुद्धं पि कुल-विरुद्ध पि । अकुणतं पि पुरिसं बला वि मयणो करावेइ ।।४०६।। चंडाणिल-विहुणिय गुरुतरंग-पक्खुहिय-जलहिजल-पसरो। रुब्भइ कहि वि कयाइ वि न उणो अणुरत्तचित्तस्स ।। एत्यंतरि असमंजसमिहिं विहियं ति पेच्छिउं सूरो। लज्जंतो विव अत्थगिरि-सिहरि-सिहरं समारुढो।।४०८।। नं नज्जइ रोसेण व रत्ता संझा दिसा-बहूणं पि । दठूणाकज्जमिणं सामीभूयाणि व मुहाणि ॥४०९।।
तओ अकयकज्जो पडिनियत्तो कुमारपरियणो पत्तो सट्टाणं । कुमारो वि पाणिग्गहणदियहादारम्भ-निब्भराणुरायरत्तमाणसो पवड्ढमाण-नाणाविहपरिहासं, अणवस्य-चाडुकम्मकरण-पयडिय-सिणेहसारनिब्भरं, सहरिसमासेवमाणो विसयसुहं कालं गमेइ।
अण्णया मरतेण धीवराहिवेण 'जोगो' त्ति कलिय एस चेव य पए पट्टाविओ। कयाइ मरणधम्मयाए जीवलोगस्स, कालेण कवलिया सा इमस्स घरिणी। काऊण तीए मरणकज्जाणि अकय-कलत्तसंगहो चेव चिट्टइ। अज्ज पुण तुममणेण दिदा साहिलासमवलोइया संभासिया य। जइ ते रोयइ तो सरिस-समागमेण कयत्थो हवउ विही।" पडिवण्णमेईए। सिणेहसारं विसयसुहमणहवंताण वच्चंति वासरा।
एगया गयाणि पउमसरमेगं । दिट्ठो तत्थ पियाए चाडुकम्म कुणंतो रहंगो। हंसप्पभाए भणिओ य पई “नाह ! गाढो इमस्स पणइणी पइ सिणेहो लक्खिज्जइ। जइ कह वि विजज्जइ ता किं करेइ" ति, भणिऊण गहिया तीए रहंगी।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |