Page Text
________________
सम्मत्त-बीय-संभो णाम पढमो अवसरो तत्थ य धनदत्तकहाणगे वसतिदाने सोमसेट्ठीणो खेमंकरभवो
हियय-संघट्टेण मओ रहंगो। इयरी विमुक्का पाणेहि । सो पुण धीवराहिवो पयइ-भद्दगो 'धम्मो भविस्सइ' त्ति, नम्मयमुत्तारेइ जइ-जणं तप्पच्चयं समज्जिणेइ पुण्णं । अण्णया अहाउयक्खएण मरिऊण समुप्पण्णो जयत्थले नयरे जयधम्मनरवइस्स जयावलीए देवीए कुच्छिसि पुत्तो। कयं से नामं पुरंदरो । इयरी वि एयम्मि चेव गामे सोमिलसुया सरस्सई जाया । रहंगमिहुणकम्मोदएण भोगसमए गहियवयं च दळूण पुरंदरं अणुराग-वसओ मरिऊण वाणमंतरी जाया।" तं मुणिय विम्हिया परिसा।
एवं तत्थ वसंताण समइक्कंतो वासारत्तो । गहिओ वसहिदाणाभिग्गहो सोमसेट्टिणा । विहरिया अण्णत्थ सूरिणो। सोमसेट्ठी वि परिपालिऊण सावगत्तणं कयाणसणो मरिऊण समुप्पण्णो अच्चुए कप्पे महिड्ढियसुरवरो। तओ चुओ खेमंकराए नयरीए जुगबाहुस्स रणो जगंधराए देवीए गब्भे संजाओ। “देमि य अभयदाणं, कारावेमि कारागार-सोहणं, उक्कर करेमि जणवयं" ति जाओ दोहलो। तहेव संपाडिओ नरवरिदेण। संपुण्णदोहला सुहं सुहेण कालं गमेइ।
अण्णया पूण्ण-चउहसीए पया-पूण्णेहि देवी दारयं पसूया। वद्धाविओ राया कल्लाणियाहिहाणाए दास-चेडीए। दाऊण पारिओसियं विसज्जिया सा। राइणा समाइट्ठ वद्धावणयं । कयं ऊसिय-धयपडागं, पइभवण-निबद्धवंदणमालं, वंदणमालाहेट्र-निविजलपडिपुण्णकलसयं सनगरं रायभवणं ।
तओ गायंतेसु कलकंठकठेसु गायणेसु,वायंतेसु विविह-तालं वाइणेसु, नच्चंतेसु पायमूलेसु, मंगलगुहलेसु अविहवनारी जणेसु, वाइज्जतेसु वारं-वारं मंगल-संखेसु, दिज्जतेसु अमच्चसामंताईण पसाएसु, पडिच्छिज्जतेसु हिरण्ण-सुवण्ण-करिकरह-तुरगाईएसु, दासीयण-करकय-कणय-सिंगिया-संठिअ-कुंकूम-रस-सिच्चमाण-सिरोरुहेसु-महल्लमहल्लएस अण्णोण्ण पेल्लणपडतुटुंत-मडह-खुज्जवामणेसु, हरिसवसविसप्पमाणेसु जुगंधरापमुहपहाणंतेउरेसु, परमाणंदभरनिब्भरे अमयरस-निब्बुड्डे इव जुगबाहुनरीसरे, आगंतूण पणाम-पुन्वयं जंपियं दोवारिएण--“देव ! दक्खिणावह-निउत्त-दंडमज्झाओ दंडवेग-दण्डनायगेण पेसिओ मुहमंगलो नाम पुरिसो दुवारे चिदुइ।" राइणा भणियं-"लहुं पविसेहि।" वयणाणंतरमेव पवेसिओ। कयप्पणामेण वद्धाविओ तेण राया। "देव ! देवसेण दंडवेगेण संगरे जिणिऊण वसीकओ मलयसारदेसाहिवई मलयकेऊ नाम राया। वियरिया तत्थ देवस्स आणा।"
___ तओ कल्लाणपरंपरा पमुइय-माणसेण राइणा दाऊण पारिओसियं विसज्जिओ मुहमंगलो । वित्तं वद्धावणयं । मासावसाणे व दोहलाणुसारेण पइट्टावियं से नाम कुमरस्स खेमंकरो । कमेण पवड्ढमाणो जाओ अट्टवारिसिओ। समपिओ लेहायरियस्स । थेवेण वि कालेण जाओ बावत्तरिकला-कसलो, विसेसओ नरनारि-लक्खणे।
__ अण्णया पसत्थवासरे लेहारिएण समं सम्माणिओ सभवणं खेमंकरकुमारो। अमच्च-सामंत-विविह-पउरजणपरिवारिओ अत्थाणमंडवे सीहासणोवविटठो परमाणंदभरनिब्भरो जगबाह-नरीसरो दरादेव विणयनमंतत्ति तूण पणमिओ कुमारेण । सिणेहसारं बाहुजुयलेणालिंगिऊण निवेसिओ उच्छंगे। चुंबिओ मुद्धाणे राइणा । दाऊण जीवियारिहं परिओसदाणं विसज्जिओ कलायरिओ । कुमारो वि निसन्नो नरवईपाय-वीढे ।
एत्थंतरे अकम्हा चेव आगासे अवयरिऊण राय-सहं अलिंजरोदराभिहाण-वेयालेण पमुक्काओ सभामज्झे तिण्णि नर-करोडीओ। भणियं च आगासगएणं तं मइपरिक्खणत्थं, 'जइ इमाण मोल्लं न करेह तो सव्वे वि मारेमि।' अकंडविडरकारि-वयण-सवणेण संजाओ अत्थाण-खोभो। निरूवियाओ गहिऊण राइणा करोडिओ । कज्जमबुज्झमाणेण समप्पियाओ अमच्चाण, तेहिं वि सामंताण, सामंतेहिं वि पंडिय-जणाण, पंडिएहिं वि नायरयाण। न नाओ केण वि परमत्थो। तओ अहोमुहमवलोयंतेसु पंडियजणेस, राह-गहिय-ससिबिब-सन्निहं वयणमव्वहंते नरीसरे, पणाम-पुवयं जंपियं खेमंकरकुमारेण--"ताय! कलासु मज्झे सूयं मए नर-नारि-लक्खणं। ता निरूवेमि ताव एयाओ। जइ ताय समाएसो भवइ पच्छा जहा नायं कहिस्सामि।" तं सु समूससियहियएण जंपियं नरनाहेण--"वच्छ ! एवं करेहि।"गहिया एगा करोडी निरूविया समंतओ पेक्खिओ दाहिण-सवणंतरे दोरओ निग्गओ मुहेण । इसि हसिऊण जंपियं कुमारेण-- "ताय ! सवण-पवेसाणंतरमेव सोहणमसोहणं वा इमीए मुहेण नीहरइ। अओ कवड्डिया मोल्लमिमीए। बीयाए वि
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |