Page Text
________________
मणोरमा - कहा
पक्खित्तो गम्मि सवण-विवरे नीहरिओ र्व य-सवणंतरेण भणिय, 'एआए एगेण कण्णेण पविसइ बीएण नीहरs, अओ लक्खमोल्लो एसो । तइयाए वि छूढो सो पुण मज्झे ठिओ, न नीहरिओ । कुमारेण भणियं -- "ताय ! इमीए सवणविवरमणुपविट्ठं रहस्सं न कयाइ पायडी होइ । अओ अमोल्लिया एसा ।" तं सुणिय बाल-रवि-किरण-करंधिय-कमलवर्ण व समुल्लसिया सहा सह नरवइणा । "वच्छ ! एहि" भणतेण सिणेहसारं करे घेत्तूण निवेसिओ नरवइणा उच्छंगे । कुमारो भणिओ य -- "जाय ! जहट्ठिय-नामो खेमंकरो चेव तुमं ।" पणमिओ मंति-सामंताइहि, पसंसिओ पंडिय-जणेहिं । नरवइविसज्जिया गया सट्टाणं अमच्च सामंताइया । छट्ठम्मि दिणे सिहा सण - निसण्णे नरनाहे, पायवीढमद्धासी खेमंकरकुमारे, मंति- सामंत-पमुह-जणपडिपुण्णे सहामंडवे, समागंतूण वेयालेण पुच्छ्यिं करोडिमोल्लं । तओ काऊण करयलंजलि जंपियं खेमंकर- कुमारेण । 'तक्खणभिण्ण-रहस्सा जहण - पुरिसस्स संतिया एसा अप्प - पर- कलह - जणणी । मोल्लमिमीए कवडिओ | एगेण विसइ बीएण निई कण्णेण गुज्झमुल्लवियं । विक्किज्जंती लक्खं लहइ । इमा मज्झिम- करोड़ी न कुणइ रहस्स भयं । अप्प पर सुहावहा सया कालं सव्वत्तमा करोडी । न विज्जए मोल्लमेइए।" एवं सुणिय परिओसमावणेण जंपियं वेयालेण – “कुमार ! तुट्ठो हं ते इमिणा अणण्ण-साहारणेण मइ-विहवेण । भण, किं पियं करोमि ?” कुमारेण भणियं -- “सुमरिएण समागंतव्वं, " ' एवं ' ति, भणिऊण गओ वेयालो । हरिसवस - समुल्लसिय- माणसेण जंपियं राइणा“भो ! भो ! अमच्च-सामंता ! पच्चक्खो चेव तुम्भाण वि कुमाराणुभावो । जइ भगह ता एयं चैव तुब्भाण सामियं करेमो ।" तेहि भणियं -- ' सम्मयमेयमम्हाणं” । तओ तक्खणा चेव समाहूया संवच्छरिया । कय सम्माणा । पुच्छिया कुमारकए विवाह - दिवस रायाहिसेय-वासरं च । गणिऊण साहियं संवच्छ रिएहि - "देवपाए चेव सोहणी दिवसो ।” अणुकूला गहा सोहगो चंदो, भद्दा तिही, नंदो मुहुत्तो, उदयंते सूरिए सोहणं विवाह - लग्गं, मुहुत्तमेत्ते वासरे रज्जा भिसेयलग्गं च ।" परितुट्ठो राया । पूइऊण पुप्फ-फलाईहिं विसज्जिया संवच्छारिया । पारद्धा उभय-सामग्गी । पभाया रयणी । परिणीया महा महसवेण तिहुयणतुंगा नियमाउलस्स धूया कामकंदली नाम |
-
७४
ओ बीयम्मि लग्गे अहिसिंत्तो महाविच्छड्डेण रज्जम्मि कुमारो। पणया रायामच्चसामंताइणो। एत्यंतरे समा गंतूण वज्राविओ राया- कल्लाणएण "देव ! देवपायाण पियं निवेएमो - " बहुसीसपरिवारिओ परमपसंत-मुत्ती पसंतो नाम आयरिओ अमरसुंदरुज्जाणे समोसरिओ ।" एयं सुणिय - हरिसवसुब्भिज्जंत- पयड- पुलएण दिण्णं सुवण्ण- लक्खं कल्ला - यस नरिंदे | भणिओ खेमंकरराया - " पुत्त ! तुह कल्लाण-काले अण्णं पि सविसेसं कल्लाणमुवट्ठियं । ता गंतूण बंदामो भगवंतं । 'जं ताओ आणवेइ' भणिऊण निग्गया वंदण - वडियाए । काऊण तिपयाहिणं वंदिया सूरिणो । कया तेहि धम्मदेसणा । पडिबुद्धो जुगबाहुनरीसरो । पुत्तमणुण्णविय निक्खतो । जुगंधरा देवी वि रायाणमणु-पव्वयंती धरिया खेमंकर
राइणा ।
ओ अणुरत सामंत-पउरजणवयं, पणमंत-महंत-पच्चंत सामंतयं, रज्जमणुपालयंतस्स वोलीणो कोइ कालो । अण्णदिणे अत्थाण- मंडव-समासीणो विण्णत्तो राया दोवारिएण -- "देव ! गहिय-चित्तपट्टिया चित्तविचित्ता नामाणो देव-दंसणूसुया दो पुरिसा दुवारे चिट्ठति ।" राइणा भणियं - "लहुं पवेसेहि । "पवेसिया पणमिण निसण्णा उचियासणे । पुच्छिया पउति । साहिऊण संखेवेण दंसिया तेहि चित्त पट्टिया । निरूविया सुइरं । स्वाइसय विम्हिय माणसेण जंपियं राइणा - " का एसा ? कस्स वा सुया ?" तेहि भणिओ -- "सुणउ महाराओ ।"
1
अथ इव भारहे खेत्ते विस्स पहाणा विस्सपुरी नाम नयरी विस्ससेणो राया । विसयसुह - रायहाणी विस्ससुंदरी नाम देवी । रूवसोहग्गाइ-गुणगण-विणिज्जिय-तियस सुंदरी मलयसुंदरी नाम तीए दुहिया । सा पुण गंधव्वकलाfaraणा वीणा - विणोएण दिणाणि गमेइ |
अण्णा पापडण- समागया भणिया जणएण - " पुत्ति ! केरिसो तुह वरो गवेसिज्जइ ?" तीए भणियं-" जो वीणा - विण्णाण में जिणइ ।” पारद्धो राइणा सयंवरा मंडवो लिहाविऊण चित्तपट्टियासु मलयसुंदरीए रूवलेसं पेसिया वावर दाहिण दिसासु पच्चइय- पुरिसा । आहूया तेहि सव्वे वि रायाणी अम्हे वि देव-नियंतण निमित्तं चित्तपट्टियं गहाय इह समागया । ता करेउ देवो विस्ससेणमहा रायस्स पणयपत्थणं सहलं । समलंकरेउ विस्सपुरी पहं निय-चलण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |