Page Text
________________
५०
मणोरमा-कहा
जलंत-जलण-भीसणं, मुच्चंतकरुण-नीसणं, पलंबमाण-चोरयं, रणताणाहरोरयं, ॥३६९।। सुव्वंतसिवासद्दयं, भमंतजोगि-विदयं, हिंडंतजोगिणीगणं, मिलतडाइणीजणं, ॥३७०।। ति __एवंविहे मसाणे काऊण रत्तचंदणेण मंडलं निवेसिया य मंत-साहगेण--"सुदिळं करेसु जीवलोग। सुमरेसु इट्ठ-देवयं।"
तओ सा भयतरल-लोयणा पवण-हय-पण्णं व कंपंत-सव्वगत्ता एवं विलविउमाढत्ता-- पुवि भट्ट ! भणंतो मा भट्टिणि ! मज्झ भोगणं देज्जा। जा अप्पणा ण भुत्तं इण्हि कह निठुरो जाओ ।।३७१।। वत्थाहरण-विलेवण-पुष्फ-फलाईणि मज्झ दाऊण । भुंजतो सामि ! सयं इण्हि कह निठ्ठरो जाओ ।।३७२।। जाईसो पुण'उ अणुराउ सुह्य तारिसो तुब्भ हट्ठो । अकंडकुविएण झत्ति विहिणा कहं छिण्णो ।।३७३।। तइया नाह भणंतो पिए तुम मज्झ जीविय समाणा । एण्हि घेत्तृण गले कह सहसा उज्झिया एवं ।।३७४।। हो अंब ! चंदकरसन्निहस्स वंसस्स मइतिणो पावा। कि जणियाहं तुमए. ताय ! तए पालिया कीस ॥३७५।।
एवमाइसकरुण-जण-हियय-संघट्टजणगं पुणो पुणो विलवंती कडिढऊण कुविय-कयंत-जीहा-करालं कत्तियं पहया कंधरा-देसे मंतसाहगेण । रुद्दज्झाणेण मरिऊण गया छट्ठ-पुढवीए।
इओ य पुच्छिओ सूरिहि पुरंदरमणिवरो--"कि निबंधणो एस ते कलंकागमो?" साहिओ तेण सव्वो वि जहट्रिओ वइयरो। पसंसिओ सूरिहि । तव-संजम-निरयाणं वच्चंति दिणाणि।
अण्णया समागयाए पज्जोसवणाए, वक्खाणिज्जते पज्जोसवणा-कप्पे, सुणंतेसु सव्वेसु साहु-सावएसु, पवणाहयपईवसिह व्व खणदिट्ठ-नट्ठो जाओ पुरंदरमणिवरो। विम्हयवसुप्फुल्ललोयणा परोप्पर मुहाणि समवलोइउं पवत्ता सहा । चलणेस निवडिऊण विणयपूव्वं पूच्छिया सोम-सेटिणा सूरिणो-"भयवं! किमम्हाण एस मइ-विब्भमो? उयाह सच्चमेव नत्थेत्थ पूरंदरो?" उवओग-पुरस्सरं जंपियमायरिएहि-"रागविलसियमेयं ।" सेट्रिणा भणियं-"कहं?" सरिणा भणियं-"सा मोमिलसया सरस्सई जलपवेसेण मया । सा मरिऊण वाणमंतरी जाया । तीए सपब्व-भव-सिणेहाणबंधेण विसयासेवण-निमित्तं समहमज्झट्टियसुव्वेलए अवहरिऊण नीओ पुरंदरो। निमंतिओ भोगेहिं । न इच्छियं तेण । पइदिणं धम्मदेसणं कुणंतेण सा वि सम्मत्तं गाहिया। संजाय-पर छायाव। पूणो वि सद्राणं साहरिस्सई ।" सेट्रिणा भणियं--"भयवं ! केरिसो इमाए पुव्व-भव-सिणेहो?" सूरिणा भणियं-“सोम! सुण,"
- अत्थि इहेव जबुद्दीवे दीवे भारहे वासे दक्षिणावहे सयलनयरतिलयभूयं सुब्भ-अब्भलिह-पायार-सिहर-संरुद्धरवि-रह, बहुविह-तरुकुसुम-पसरंतसार-परिमल-वासियासेस-पेरंत हंसउरं नाम नयरं । तत्थ य सूरो व्य निग्गय-पयावो हंसो नाम राया। सविलासगइ-विणिज्जिय-रायहंसिया हंसिया से महादेवी । ताणं पच्छिमे वयसि वट्टमाणाणं बहुहिं उवाइयसएहि एगा चेव दुहिया जाया । उचिय-समए पइट्टावियं नाम हंसप्पहा। अइववल्लहा जणणि-जणयाणं सिणेहसारं लालिज्जमाणी कालं गमेइ ।
अण्णया सहियणसमेया नाणाविहकीलाहिं कीलमाणी गया हयमुह-जक्खालयं । सोवहासं पणमिओ गज्झगो । पयाहिणं कूणमाणीए दिट्ठो काउसग्गसंठिओ, मल-मलिण-वसणो, दीह-दसणो, सदीहलंबंताहरो, करह-कराल-कंधरो, कज्जल-कसिण-छवी, विविहतव-सोसियसरीरो, मुणियसवण्णु-सासणसारो दमसारो नाम मुणिवरो। तं दठूण निच्छूढमणाए भणियं च सोवहासं सहीण पुरओ-- घोडयमुहो व्व देवो, पुण करह-कंधरो समणो । गुरु-देवाणं विहिणा, सरिसाण समागमो घडिओ ॥३७६।। सोऊण इमं वयणं मणिदेहं पविसिऊण सो जक्खो। कुविय-कयंतुब्भड-भिउडी-भासुरो भणि'उमाढत्तो।।३७७।। सत्त-भवगहणाई मुणि उवहासेण पाण-जाईसु । भमिहिसि भोग-विहीणा दुह-दुहिया दुहवा पावे ॥३७॥
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |