Page Text
________________
सम्मत्त-बीय-लंभोणाम पढमो अवसरो तत्थ यधणदेवकहाणगे वसतिदाने सोमसेटठीकहा
सोमेण भणियं-"किमायरिएहि अहमागच्छामि।" गओ। पुच्छिओ समरसेणेण--"किमेरिसाणि लोओ पयंपइ?" सेट्टिणा भणियं-"नाहं वियाणामि" ?
तओ सोमिलो सद्दाविओ। पुच्छिओ य, तेण भणियं-"अलिय-भासगो लोओ। काराविया मूलसुद्धी। परंपरएण ताव गया जाव नम्मया। न सा अन्नं दसइ। भणइ य-मए चेव दिट्ठमेयं ।" पुरिसेहिं भणियं-"जइ एवं ता एहि पल्लिनाहसमीवं?" समागया। पूच्छिया तेण, तं चेव भणइ ।
तओ निरूवियं समरसेणेण सेट्ठि-वयणं। सेट्ठिणा भणियं-"जइ एवं तो अत्थेत्थ सपाडिहेरा सोममुहा नाम देवया, सा सुद्धं मुयइ असूद्धमद्धट्रियं चेव निरुद्धवयण-पसरं अहोरत्तं जाव धरेइ । पच्छा सडियजीहं मुयइ । तत्थ सुद्धी कीरउ।" समरसेणेण भणियं-"सम्मयमेयं । सहावेह तं समणगं ।" सेट्ठिणा भणियं---"अलं तेण। अहं तदाणे धण-पाणेहि ववहरामि।" पडिवण्णं पल्लिनाहेण।
तओ कयण्हाण-विलेवणो नियंसिय-सिय-वसणो सिय-कुसुममालोवसोहिओ समागओ पल्लिनाह-सगासं सेट्ठी। विमणा समागया नम्मया समं सयललोएण। समागयाणि देवया पुरओ। कया सावणा सेट्टिणा । 'सुद्धो' त्ति न थंभिओ। गहिऊण देवया सिराओ कुसुममेगं समागओ सयललोएण पसंसिज्जंतो सभवणं । करावियं महया वित्थरेण वद्धावणयं । परमाणंद-निब्भरा सुमंगला । जाया जिनसासण-समुन्नई उप्पाइयं खाइगसम्मत्तं सेट्टिणा। परित्तीकओ भवोदही । समागओ सूरिसमीवं । वंदिया सूरिणो विणय-नमंतुत्तिमंगो। निविट्ठो सुद्ध-धरणीतले । उववूहणासारा कया आयरिएहिं धम्मदेसणा। तं जहापढ़मं तुमेहि पत्तं जिणेहिं जं विजिय-राग-दोसेहिं । सम्मत्त-महारयणं पढम वि य रण्णमज्झम्मि ।।३६२।। भरहेण वि जं पत्तं भरहवइत्तं नमंतसामंतं । आणाणसारि सुरासुर-साहिय-नीसेस-करणिज्जं ॥३६३।। बाहुबलिणा वि पत्तं बाहुबलं तं तहाविहं तइया । जेण भरहो वि समरे संसयमारोविओ परमं ॥३६४॥ वसुदेवो तरुणीयणमणमोहणपरम-रूव-संपण्णो । दसमो दसारयाणं जं जाओ भरहवासम्मि ॥३६५।। तं सव्वं मुणिजण-पवख वाय-संजणिय-पुण्ण-माहप्पं । निट्ठविय अट्ठकम्मा इइ सव्वणूजिणा बिति ।।३६६ ।। ताधण्णो चेव तुमं जाइ-जम्मो य तुज्झ सहलाई । जेण तए मणिकज्जे धण-पाणा तिण-समा गणिया ॥६६७।। जओसगुणजणपक्खवाओ सगणसब्भाव-सोय होइ कायव्वो। एसा जिणाण आणा एस च्चिय धम्मसारो त्ति ।३६८।। __एवं बहुजणसमक्खमुववूहिओ संतुटुमाणसो गओ सभवणं सोमसेट्ठी । नम्मया पुण सावणं कुणमाणी चेव निरुद्ध-वइपसरा उद्धट्रिया चेव धरिया अहोरत्तं जाव पच्छा सडिय-महा मक्का । बहजण-धिक्कारहय चेव कोहावेस-रत्तच्छदुप्पेच्छेण अमरिसवस-विणिज्जंकारविस-विसंठलवयणेण निद्धाडिया भत्तारेण । भणिया-"पावे! न पुणो मह घरे पविसियव्वं ।" तओ चलिया साल-नयर-संठियनियभाउणो समीवे । कमेण पत्ता एगागिणी रयणीए उज्जणिबाहिरयाए। दिट्ठा य खुद्द-मंत-साहगेण । तत्थ पुण एस कप्पो-इत्थीरूहिरेण मंडलपूया कायव्वं ति काऊण नीया मसाणं । तं च केरिसं-"कत्थ वि मडयमुक्कहक्कुकंपिरमरंतअप्पसत्त-मंत-साहयं, कत्थ वि परितुटुखगकोटखजंत दीह-निद्दापसुत्ताणे हयं, कहि (पि करकरेंतकरवत्त-कट्टिज्जंत-तक्कर-मुक्क-करुण-सद्द-भरिय-मसाणभू-मंडलं, कत्थ वि सूलारोवियनरसुमरिज्जंताखंडलं, कत्थ वि किलिकिलेंतवेयालोग्गालिय-रुहिर-वसा-सलिल-संसित्त-सिम्मिसित्तिमित्तवियाचक्क-चच्चिक्कियं, कत्थ वि मय-माणुस-संसासायण-मुइय-महासिस्साराव-सवण-संभंत-कायरजण-मुच्चंतजीवियं, कत्थ वि जोगियणजविज्जत-मंत-सामत्थ-समुट्ठिय-अक्खय-मडय-करसमप्पियकर पुरिसयं, कत्थ वि निज्जलिय-खायरंगार-नियरमज्झ-नियलोह-कीलोवरिनिविट्ठ-पब्भटू-विज्जविज्जाहर-जविज्जंत नहगामि विज्जयं, कत्थ वि पिसिय-रस-लुद्ध-रुहिर-पाण-लोल-कत्तियाहत्थ,दुटु-डाइणी-छिज्जंतसूलारोविय-सजीव-पुरिसविमुक्क-क्कंद-सद्द-सवण-समुप्पण्ण-हरिस-भरनिब्भर-नच्चंत-वेयाल-सय-संकुलं ति । अवि य
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |