Page Text
________________
६.
मणोरमा-कहा
सरस्सई -"पुत्ति ! पुणो वि भणिस्सामि । गम्मउ ताव स-भवणं ।" पडिवण्णमिमाए। गयाणि सघरे । विमण-दुम्मणाए अइवाहिओ वासरो। समागया रयणी। णुवण्णा सयणिज्जे । निव्वावारत्तणओ सविसेसदुक्खिया पलविऊमारद्धा-- रोइ-विरहीण दुक्खं दुगणं दिवसाउ वियरई रयणो। अहव हय निग्घिणाओ जह महिलाओ न तह पुरिसा ।३५३। चोर-परदारियाणं दुविहदुहाणं निसायराणं च । असुहाणं सव्वाणं निसे निसिसे तुमं ठाण ॥३५४॥ रोयंतु नाम तं जणमपेच्छमाणाणि दड्ढनयणाणि । तं हियय किं विसूरसि साहीणे चितियव्वम्मि ।।३५५।। जइ वि हुसो निण्णहो मज्झ मणं तहवि तस्स विरहम्मि । दज्झइ रवि-कर-संतत्त-वालया-पडियमच्छं व्व ।३५६। नयहिं सो य दिट्ठो ताई चिय दहउ एस पिय-विरहो । मज्झ-गयं पि हु डज्झसि हियय ! तुम कीस एमेव ।। हियय ! तए सच्चविओ लोइय-आहाणओ फुडं एसो। की रेण खओ वाडो बंधिज्जइ पड्डयस्स महं ।।३५८ ।। अण्णण कयं अण्णो न भुंजए अलियमेरिसं वयणं । सो दिट्ठो नयणेहिं, जाओ हिययस्स संतावो ॥३५९।।
एवं विलविऊण सदुक्खं रुयमाणी पुरंदरेण [परिहरियं] अप्पाणं मण्णमाणी लहिऊण अंतरं एगागिणी चेव निग्गया घराओ। गया तम्मि चेव गिरिगुहामुहे जत्थ कय-काउसग्गो पढमदंसणेण दिट्ठो पुरंदरो । पूइओ कुडय-पुप्फेहि सो पएसो। खलंतक्खरं जंपियमिमीए-"पिय पुरंदर! पविचयसु संपयं मह हिययं । मा तुमंपि इमिणा सह विणासं पाविहसि"? एवं भणिऊण गया गिरिनई-दहासन्न-वंजुल-पायवे। तमारुहिऊण विमुक्को अप्पा अगाह-जलमज्झे । अप्पघायग त्ति, कलिऊण विमुक्का पाणेहिं। समप्पण्णा वाणमंतरी।
इओ पभाय-समए न दिट्ठा नम्मयाए सरस्सई। साहियं गंतण सोमिलस्स तेण वि गवेसिया। न दिट्टा । तओ पुरंदरं पइ समुप्पन्न-मच्छराए जंपियं नम्मयाए--"अज्जउत्त! बहुप्पयारं भणिएण वि न पडिवण्णं तुह क्यणं तेण समणाहमण। जइ कह वि मया होज्ज सरस्सई ता 'थी-घायगो एस समणगों' त्ति भणिय पाडाविज्जंतु बंभणा-तालं। एयं सोऊण ठइयं सोमिलेण सवणजुयलं । पडिभणिया य बंभणी-- जइ धम्मट्ठिउ नेच्छइ साहू, तो तसु कइसा एव दुगाहू । वुरुया बंभणि सूया तोरा, विरहि मरंतहं कासु निहोरा ।। ता जाइवि वालिज्जउ वाला, बोल्लि म बंभणि एरिस आला । जइ सा मरिसइ विरहकराली, ता कसु पडिसइ
बंभण-ताली ॥३६॥ अप्पकामाए चेव पडिवण्णं बंभणीए । गयाणि गिरिवरं। दिवा दह-तीरे मया सरस्सई। हा! हा! राव-भरियकंदरोदरं परुण्णाणि । सक्कारियं कडेवरं। कयाणि मय-किच्चाणि । कालेण जायाणि विसोगाणि ।
अण्णम्मि दिणे पओयणवसेण गया नम्मया सोमसेट्ठिमंदिरे। पुच्छिया सुमंगलसेट्ठिणीए दुहिया-मरणवुत्ततं । साहियं नम्मयाए। सुमंगलाए भणियं-"न सोहणं मरणं ।" साहु-मच्छरेण जंपियं नम्मयाए--"सील-संरक्खण-फलमेयं ।" तीए भणियं-"कहं?" नम्मयाए भणियं-"पेसिया मए पओयणवसेण सरस्सई [गिरिगह] दिदा तत्थ परिब्भमती पुरंदर-साहणा। संजायाणरागेण पत्थिया तेण न इच्छियमिमीए। बला वि घेप्पमाणीए पक्खित्तो अप्पा दहेसु।" मंगलाए भणियं"अघडमाणमेयं । जे निय-परिणि-घराइयं परिहरिऊण निक्खंता ते कहमेवं कुणंति ?" तीए भणियं-- "सुमंगले ! एरिसो एस पासंडो। न एत्थ परमत्थबुद्धी कायव्वा ?".
एत्यंतरे समागओ सोमसेट्ठी सुओ तेण वि एस वइयरो। निद्धाडिया नियघराओ नम्मया। भणिया सुमंगला"पिए! असंबद्धपलाविणी एसा। न इमीए वयणाणि कण्णे कायव्धाणि।" गंतूण उवालद्धो सेटिणा सोमिलो। कीस तुम नियधरिणीं मुणिजणाभिमुहमसमंजसाणि जंपमाणी न वारेसि?" तेण भणियं--"वारिस्सामि।" सिक्खविया सोमिलेण रहसि रयणीए। न किंपि पडिवज्जइ।
____तओ "मुणिजणमब्भक्खाण-दाणेण दूसयंती अप्पाणं पावे वोलेसि” त्ति खरयरं भणिया। पडिवण्णमिमीए तस्स पुरो। न पुण इत्थीपुरओ पयंपंती चिट्ठइ। फुट्टो एस वइयरो सयलगामे । निसुओ पल्लिनाहेण । सद्दाविया सूरिणो।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |