Page Text
________________
सम्मत्त-बीय-लंभो णाम पढमो अवसरो तत्थ य धनदेवकहाणगे वसतिदाने सोमसेट्ठी कहा
तओ निरुद्ध-सई परुण्णा नम्मया । चितिउं च पवत्ता"वियलेइ कलाकुसलं, हसइ सुइं पंडियं विडंबेइ । अहरइ धीर-पुरिसं खण्ण रइवल्लहो देवो ॥३४७।।
इममेत्थ पत्तयालं पच्छण्णा चेव पेच्छामि, कहिं पुण इमीए अणुराओ' ? भणिया सरस्सई--"पुत्ति ! अप्पमत्ताए अच्छियव्वं । गच्छामि अहं ।" तीए भणियं-"एवं करिस्सामि ।” गया नम्मया । थेवंतरं ठिया कथारि-कुंडंगंतरिया । एत्थंतरे उदिया सरस्सई। गहिऊण पत्त-पुडए पाणियं गोमयं च गया मुणि-कुमार-पुरओ। कयं मंडलं । दिण्णो पंचवण्णपुप्फेहि पयरो। पक्खित्ता पुरओ पुप्फंजली। उद्धट्ठिया चेव उत्तरिज्ज-वत्थंचलेण वीयमाणी चिट्ठइ।
एत्यंतरे अलक्खिया समागया नम्मया भणिया तीए सरस्सई-“वच्छे ! सरसु। सयमेव कयं सील-परिपालणापइण्णं मा कलंकेसु । सरयससहर-सन्निहाई नियजाइ-कुलाई।" मोत्तूण लज्ज भणियं सरस्सईए--"अम्मो ! सीलेण मह न कज्ज, कुलाभिमाणम्स निवडउ वज्ज । जाई वि जाउ निहणं एसो मह संपयं सरणं ।।३४८।।
___ एवं सोऊण तुरियं गया नियघरं नम्मया । साहिओ एस वुत्तंतो सोमिलस्स । सो वि समाउल-माणसो चितिउमारद्धो-"कहं ण नाम इमाओ दुरज्झवसायाओ नियत्तिव्वा ? दंडम्मि कीरमाणे जइ कह वि अत्ताणयं वावाएइ तो नो सोहणं? अह विगयलज्जा घराओ विनीहरइ तह विठिओ चेव कुलकलंको। ता सामो चेव संगओ। एवं चितिऊण गओ माहणीए सद्धि पव्वयं सोमिलो। पुरंदरेण वि पडिपुण्ण-पइण्णेण पारिओ काउसग्गो। काऊण करंजलि भणिओ सरस्सईए - "जमन्भत्थियसूरो जइ करुणं कुणसि दुन्थियजणम्मि। मयण-सर-सल्लियंता परितायसु मं महासत्त! ॥३४९।। पच्छा वि हु आयत्तो धम्मो तुहधीरनिच्छियमणस्स। सुलहं पुणो वि सोलं, दुलहो पिय-संगमो सुयणु ! ।३५०।
सोवसग्गमेत्थावत्थाणं ति, कलिऊण अदिण्णपडिवयणो चेव गओ ठाणंतरं पुरंदरो अंतरिओ कइवयदिणेहिं । तओ सा मुसिय-सारभंडार व्व विविहं विलविउमारद्धानिण्णेह कए नेहाउलेण हे हियय ! मुक्कमज्जाय ! लहुई-कयम्हि निल्लज्ज ! संपयं कत्थ वच्चामि ।३५१। जओसब्भाव-नेहभरिए रत्ते रज्जिज्जइ त्ति जुत्तमिणं । अणहियए पुण हिअअंजं दिज्जइ तं जणो हसइ ।३५२।
एमाइ बहुप्पयारं विलविऊण गया कयंबपायवतले । दिण्णा बाह-जलतरंत-तरलतारा-कराला दिगंतरेसु दिट्ठी। वियणं नाऊण समारूढा कयंब-पायवे बद्धो सिरोहराए उत्तरिजण पासओ। कओ पणिही-“भो ! भो! भवंतो लोगपाला! भयवई वण-देवयाओ! जहा जम्मतरे वि इमिणा सह समागमो मह संपज्जइ तहा करेज्जह" एवं भणिऊण विमुक्को अप्पा । जावज्जवि न मुंचइ पाहिं ताव गया तं पएसं जणणि-जणया। दिट्टा पडिय-निरुद्ध-कंधरा, अमरसुंदरि व्व पायवतलेहि धरणितलमफुसमाणी कंठगय-पाणा सरस्सई । "हा ! कज्जं अकज्ज" ति, भणमाणेहि छिण्णो पासओ। संवाहिया सिरोहरा। सित्ता सीयल-सलिलेण। पविजिया वत्थंचलेण। खणंतरेण लद्ध-चेयणा भणिया तेहि“वच्छे किमेवं? तए महासाहसं समणुट्रियं। न एस उवाओ पियजण-समागमस्स। थिरा भवसु । तहा-तहा जइस्सामो जहा संपज्जइ वच्छाए समीहियं।" एवं समासासिऊण सरस्सइं पडिनियत्तेहि दिट्ठो एगत्थ फासूए सिलायले निसण्णो पुरंदरो। पुरओ काउं सरस्सइं भणियं सोमिलेण-"भयवं! सचराचर-जीव-वच्छल ! करुणामय-मयरहर ! सरणागयसरण! मुणिय-अब्भत्थणा-भंग-दुक्ख ! अब्भत्थयामो किपि भवंतं। एसा अम्ह दुहिया सरस्सई नाम जम्मतर-पणयपणोल्लिया इच्छइ तुह चलणसुस्सूसणं काउं" ति भणिऊण पाडिया चलणेसु । तस्स वि भगवओ सायरस्स व सरियासहस्सेहिं मरुस्स व खर-पवण-गुंजावलीहिन धम्मज्झाणाओ चलइ मणागमवि माणसं।" पुणो-पुणो भणंतो भणिओ पुरंदरेण सोमिलो–“भद्द ! न एवंविहं तुह भणंतस्स संगयं । न वा मह कुणंतस्स ।” तओ विलक्ख-वयणेण भणिया सोमिलेण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |