Page Text
________________
मणोरमा - कहा
तओ पत्तपसंसाणं पंच-विसय सोक्खमणुहवंताण वच्चइ कालो ताण । अण्णया नि[व] सिऊण कुटुंबभारं मणोरहदत्तस्स आणंदायरियसमीव निक्खतो मणोरहसेट्ठी । मणोरहदत्तस्स वि दुप्पय- चउप्पय-धण धण्ण-सुवण्णा इहिं पइदिणं वढमाणस्स परियणजणण परमविणयण आराहिज्जमाणस्स समं रयणसिरि-कुबेरदत्ताहि संसार-सोक्खमणुहवंतस्स वोलीणो कोइ कालो । जाया रयणसिरीए चत्तारि तणया ।
६४
गामाशुगामं विहरंतो समागओ सुदंसणुज्जाण गुणचंदो नामायरिओ । वंदना निमित्तभागया नायरया मणोरहदत्तो वि । कया भगवया संसारनिव्वयणी धम्मदेसणा -- जहारिहं काऊण धम्मपडिवत्ति गया सट्टाणं लोया । पुच्छिओ मणोरहदत्तेण आयरिओ- - " भयवं ! किं कारणं असाहारणो मे जणाणुराओ । सहलो बवसाओ । दढाणुराया ममोवरि कुबेरदत्ता ?” साहिओ भगवया साहु-वत्थदाणाइसवित्थरो पुव[]त्त । तं सुणिय समुप्पण्णं मणोरहदत्तस्स जाई - सरणं । कुबेरदत्ता वि सुमरिय-पुव्वभववत्तंता जाईसरा जाया । पइट्टिऊण नियपए जट्टपुत्तं रयगायरं निक्खतो मणोरहदत्तो गुणचंदायरियसीवे । कुबेरदत्ता वि पवत्तिणिपायंतिए । पढियाणि चोहस- पुव्वाणि मगोरहदत्तेण । एक्कारसंग - धारिणी जाया कुबेरदत्ता । परिपालिऊण निरइयारं सामण्णं, काऊण पज्जते मासियं संलेहगं समाहिपत्तो मरिऊण समुप्प
सव्वसिद्धे मोरहदत्तो । इयरी वि सोहम्मं गय त्ति, ।
सीयंत साहुवग्गस्स देइ भत्तीए वत्थमाईयं । नर- सुर-सुहाई भोक्तुं निव्वाणसुहं पि पाविति || ३२७ || ताणणी अवसरपत्ताइं वत्थपत्ताई । जो देइ निज्जरट्ठा सो पावइ परमसोक्खाई ।। ३२८ ।। संपयंवसहिदाणफलं भणइ
वसति दोनोपरि सोमसेट्ठि कहा
अत्थि इहेव जंबुद्दीवे-दीवे भारहे वासे पवर-पउरुच्छुवाडोवसोहिओ निरंतरावद्धियचणय-गोधूम - छेत्त-संच्छण्णधरणीयलो, कूव-वावि-पोक्खरणी-दीहिया-सर-सयसमाउलो अवंती नाम जणवओ । तत्थ य सयल- जणवय- पहाणा उज्जेणी नाम नयरी | जीए दोसायरो चंदो न जणो, छुहाउलाणि देव मंदिर भवणाणि न जण मणाणि, प[इ]कर-पीडणमणुहवंत तरुणीयण थणा न पाणा, परलोयतत्तिपरायणा धम्मिअजणा न मणय-गणा, परपुरिसदंसणरया जोगिणो न इत्थी - यणो, तुच्छमज्झाणि रमणी-जणोदराणि न मानव-माणसाणि, जहिच्छाचारिणीओ आयास गामिणीओ नकुलबहुओ, पट्टं भज्जति भोयणट्ठीहि कबड्डगपणा न पुव्वपुरिसमज्जाया, कि बहुणा --
जहि पुण्ण मनोरहहं परउवयारमणाहं । गुरुदेवहं पणमंता, जम्मु वि जाइ नहं ।। ३२९ ||
तए नए जम्मंत वज्जिय-निबिडमंतरायकम्म- दोसवसेण विहल- ववसाओ सोमो नाम सेट्ठी परिवसइ । विहवं fam न सिज्झति तत्थ तस्स कज्जाणि । अण्णया मोत्तूण उज्जेणी गओ अवंती - विसय-सीमा संठियं निवसंतपउर नाहलं, सालिसी साहिहाणं गामं, धरिओ तत्थेव नाहलेहि । दंसियं घरादणद्वाणं ववहरिउमारद्धो अंतरायखओवसमेण तं देसमासज्ज - संवढिओ ववहारो । विढवेइ दविणजायं । वच्चति दिणाणि । अण्णया सुपनयराओ सोमदत्तसत्थवाह सत्येण समं पुव्वदेस पर पत्थिया सीसगण संपरिवुडा समागया तं पएस सीमंधराभिहाणा सूरिणो । एत्यंतरे जेदृपढम- पक्खे चेव वुट्ठो निरंतरं तिणि दिणाणि । चिक्खल्ल - चिलिच्चिला दुस्संचारा जाया मग्गा । रयणिसमयकयनीलजपडावगुंठणा, अहिसाfरय व्व समंतओ हरिय-सामलतला संजाया मेडणी, जल-संदोहच्छाइया न लक्खिज्जति सम-विसमपएसा ।
Safar साहु सीमंधरसूरिणा “भो ! नाणाविहजीवेहि संसत्ता समतओ वसुंधरा असंजमबहुलो विहारो । अज्ज व बहु गंतव्वं ता पविसह गाममेयं । अणुजाणावेऊण गाम-सामियंमग्गेह वसहि । जइ लब्भइ तो एत्थेव वासारतं करेमो ।” गया साहुणो । दिट्ठो गामं पविसंतेहि एगो वुड्ढमाहणो । पुच्छिओ सो साहुहि-- " किमभिहाणो एस गामो ? को वा यस सामिओ ?" तेण भणियं - सालिसीसो नाम गामो, समरसेणो भिल्लाहिवई एयस्स सामिओ ।" साहूहि
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |