Page Text
________________
सम्मत्त-बीय-लंभो णाम पढमो अवसरो तत्थ य धनदेवकहाणगै मणोरहदत्त कहा
६१
तड्डुविय सवण-जुयलो, पढमपाउसो व गहिरं गुलुगुलितो, विणिग्गओ नथराओ नरवइ - गंधवारणो । अकाल मच्चु व्व जणाण पविट्ठो कामदेव-काणणं । तं दट्ठूण भयाउल - लोयणा दिसोदिसि पलाणा नागरया । वेगेण समागतॄण गहिया गंधवारणेण कुबेरदत्ता । उडिओ जण कोलाहलो पंचाणण- फाल-प्फुरिय- कुरंगि व्व तरलतारलोयणा विस्सर रसिउमारद्धा- "हा ! अज्जउत्त ! हा! अज्जउत्त !! त्ति, विलवमाणी कया करमज्झे करिणा जावज्जवि नहयलं न उहि ताव हक्कओ मणोरहृदत्तेण करिवरो । मोत्तूण कुबेरदत्तं धाविओ तयाभिमुहं । ते [ण] वि खित्तमुत्तरीयं परिणओ वत्थे गयवरो, पलाणो मणोरहदत्तो । एगागी परिभमंतो दिट्ठो उज्जाणमुवागएण माहवेण । भणिया निय पुरिसा - "अरे ! जीवग्गाहं गिरहह एवं कुबेरदत्ताकामुयं । निविड- बंधणेण बंधिऊण करेह मुहचूरियं । पक्खिवह कंथारि-कुडंगे । निरूवेह पच्छन्नसंठिया जाव विणं हवइ । पच्छा जहाजुत्तं करिस्सामो । एयं सुणिय निरूवियं पच्चाहुतं मणोरहृदत्तेण । दिट्ठो माहवो । परामुट्ठा दाहिणकरेण कडी, न दिट्ठा तत्थासिधेणुया । तओ चितियमणेण “अहो ! पुण्णा दुज्जण-मणोरहा । तह वि सत्तं न मोत्तव्वं परिहरिय- सेस गयकुलो पंचाणणो व्व जूहाहिवस्स, मोत्तूण सेसपुरिसे माहवाभिमुहं पहाविओ मणोरहदत्तो । सुपरियंतेण मंडलगं मुक्को पहारो । दक्खत्तणेण वंचिऊण पहओ दढ-कढिण-मुट्ठि-पहारेण भुयदंडो सेट्ठिएण । खर-पवणाहय-पक्क पण्णं व साहि साहाओ पडियं पकंपिऊण माहवकराओ करवालं धरिणोतला कड्ढिया माहवेण कट्टारिया । सावि करं मोडिऊण गहिया मणोरह [द]ते । पट्टा बाहु-जुज्झेण जुज्झिउं । खणंतरेण निहओ मणोरहदत्तेण माहवो । कणक व्व कंदुइएण बाढं मलिऊण मुक्को । पुणो विदुक्को संजायसविसेसरोसेण गहिओ जंघासु सेट्ठिणंदणेण । उक्खित्तो नहयले । मरण-भय-भीएण पोक्कारियं महया सण माहवेण - "अहो बंभ- वज्झा ! बंभ वज्झा ! निरवराहो बंभणो मारिज्जइ । "
तओ इसि हसिऊण संजाय - करुणेण मुक्को मणोरहदत्तेण भणिओ - " जइ एवं मरणभोरुओ ता कीस तुसिणिओ न चिट्ठसि ? अवसर मे दिट्टिगोयराओ ।"
एत्थंतरे समागया बहवे माहव-पुरिसा । जाओ सोंडीर भावो माहवस्स । भणिया पुरिसा - " गिण्हह एवं दुट्ट-वणियं । मागममणेण न मारिओ ।" महया विमद्देण गहिओ तेहि मणोरहदत्तो । पक्खित्तो कंथारि-कुडंगे । गया पुरिसा । सा वि कुबेरदत्ता " हा ! अज्जउत्त ! हा ! गुणरयण - रयणायर ! हा rिoarसाहस ! हा सरणागय वच्छल ! हा सुरू ! हा सोहग्गनिहि ! कत्थ गओ ? कत्थ दुव्वो ? करेहि पसायं ! निव्ववेहि निय-दंसण-सुहारसेण मह लोण-जुयलं । जइ एवं निरवेक्खो ता कीस कुंविय-करि-कयंत वयण-कंदरंत गया कड्ढया अहं मंदभाइणी ।" एवंविह कण-वयणाणि जंपमाणी पत्ता तमुद्देसं जत्थ मणोरहदत्तो चि । एत्यंतरे विलोलितो लवंग-लवली-लया- हरयाणि उम्मूलितो नागवल्लीमुद्दियामंडवे भजतो सज्जज्जुण-पूइफल - खज्जूरि-ना लिअरिपायवे, हक्किज्जतो वारं वारं दूरट्टिएहि आसवारेहि, तज्जिज्जतो समंतओ पडियारेहि पत्तो तमुद्देसं मत्तवारणो । दट्ठूण तं गयं चितियं कुबेरदत्ताए"किमेयाओ चेव अत्ताणयं वावाएमि ? अहवा मयाण धुवो चेव विओगो ? जीवंताण पुण संसओ मा कयाइ पिएण संगमो वि हवेज्ज" ति, चितिऊण पविट्ठा तम्मि चेव कंथारिकुडंगे । दिट्ठो तत्थ तयवत्थो मणोरहदत्तो । गहिया हरिसविसाएहि । छोडिया बंधा । पुच्छिओ पगलंत - बाहजल-संसित्त-गंडयलाए - " अज्जउत्त ! को एस वइयरो ?” तेण भणियं“पिए ! संसारसमावण्णगाणं कम्मपरतंताणं पापिणं समासण्णवत्तिणीओ आवय-संपयाओ । ता न किंपि एत्थ पुच्छि - यव्वं ?” तीए भणियं–“अकहिज्जमाणे नत्थि मे हिययनिव्वुई ।"
तओ साहिओ सव्वोवि तीसे माहव - वइयरो | कुबेरदत्ताए भणियं - " अंबा वि इमस्स नाडयस्स मझवत्तिणी संभाविज्जइ ।” एत्यंतरे निग्गओ काणणाओ करिवरो । विगयसंभमा सट्ठाणमागया सव्वे वि नागरया । मणोरहदत्तो वि रहमा रुहिऊण समं कुबेरदत्ताए पयट्टो नयराभिमुहो । भणिओ नगरं पविसंतो कुबेरदत्ताए - " अज्जउत्त ! उट्ठचित्ता अम्हाणोवर अंबा । ता एस जलम्मि वासो मयरेण सह विरोहो न सोहणो । अण्णत्थवासो कीरउ ।” तेण भणियं - "पिये ! एवं भवउ । अत्थि मह एत्थेव अण्णं घरं । तहिं वच्चम्ह । गयाणि तत्थ पिए ! कइवयदिणाणि पच्छन्नं चेव चिट्ठामो ।" तीए भणियं-"एवं कए को गुणो ?" तेण भणियं - "तुह जणणीए सिणेहं पेक्खामो ।"
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |