Page Text
________________
मणोरमा-कहा
सोहणमणुचेट्ठियं वच्छेण । धण्णा चेव नियदसाणुगामिणो हुंति ।" पेसियं तत्थट्ठियस्स चेव पुप्फ-तंबोल-वत्थाहरणाइयं । परितुट्टा अणंगलोला । भणिया तीए कुबेरदत्ता-"पुत्ति ! देवय व्व अप्पमत्ताए समाराहणीओ एस सत्थवाहपुत्तो । न खंडेयव्वा एयस्स आणा । न होयव्वं पडिकूलभासिणीए । निरक्खियन्वो अप्पा सुरयसम्मसमारंभो । सव्वंहा तहा कायव्वं, जहा न एस ते मंदिरं मयइ ।" कुबेरदत्ताए भणियं-"जं अंबा समाणवेइ ।"
तओ सम्म समाराहिज्जमाणस्स अणंगलोलाए जहाहिलास-संपज्जंतासेसविसय-विसरस्स वच्चंति वासरा मणोरहदत्तस्स । नियनामंकियमुद्दादंसणाहिण्णाणेण घराओ आणाविऊण देइ जहिच्छ्यिं कुबेरदत्ताए दविणजायं ।
अण्णम्मि दिणे भणिया अणंगलोला उवरोहिय-सुरण माहवेण-"अम्मो ! जइ कुबेरदत्ता मए सह संवसइ तो पइदिणं दीणारसयं देमि ।" संजायलोहाए भणियं अणंगलोलाए-“वच्छ ! जत्तमिणं, परं दढमणरत्ता एसा मणोरहदत्ते ता तं पूच्छिऊण पच्छा वच्छस्स जहट्रियं साहिस्सामि ।" गओ माहवो सदाणं । भणिया अणंगलोलाए कुबेरदत्ता"पृत्ति ! अण्णं पि ने कल्लाणमवट्रियं ?" तीए भणियं-"केरिस ?" अणंगलोलाए भणियं-"उवरोहियसुओ वच्छाए सह संवासमभिलसइ, दोणारसयं च पइदिणं देइ । ता अंतरंतरा सो वि रमिज्जउ । कुबेरदत्ताए भणियं-"अम्मो ! अलमिमिणा कल्लाणेण । मणोरहदत्तं मोत्तण जइ परं जलणो मह सरीरमभिरमइ ।"
तओ कोहकंपंताहराए जंपियं अणंगलोलाए-"आ दासधीए ! मढा तमं वेसाधम्मं न याणसि । सरिय व्व सयलसाहारणाओ हवंति विलासिणीओ न एग-रसाओ, ता कहेहि निच्छयं ? कि तस्स कहिज्जइ ?" कुबेरदत्ताए भणियं-“पढमो चेव निच्छओ।" गया रूसिऊण वाइया । कुबेरदत्ता वि उवरि मतलमारूढा पल्लंक-गया नयणनीहरंत-बाहजल-पव्वालिय-मुहा दिट्टा बहिरागएण मणोरहदत्तण । पुच्छिया य-"पिए ! कि सोगकारणं?" कहिओ तीए सब्भावो । तेण भणियं-"को एत्थ विरोहो ? अंबा वि एवं समाराहिया हवइ ।" तं सुणिय ससई परुण्णा एस' अवसरं लहिऊण रुइय-सहसवणाणंतरमेव समागया अक्का । भणियमणाए-"आ ! पावे! मंजिट्ठ-गठि व्व कुट्टिज्जंती वि नाणुरागं मुंचसि अबद्धमूलाणि जंपती भणिया सा कुबे रदत्ताए-"अलमिमिणा वयणपरिसमेण ‘ज जेण पावियव्वं सो तं पाविस्सई' सट्टाणे गच्छउ अंबा ।" असिद्धसमीहिया विलक्खा उत्तिण्णा उवरिमतलाओ कुट्टणी। पउट्ठचित्ता मिलिया माहवस्स । भणिओ सो तीए-“वच्छ ! अविसओ एत्थ अम्हाण । तुमं चेव चितेसु किंपि उवायं?"
तओ पारद्धो माहवो मणोरहदत्तस्स छिद्दाणि गवेसिउं । भणिओ य मणोरहदत्तो कुबेरदत्ताए-"अज्जउत्त ! तुम वा मह सरणं मरणं वा !" संदरि ! पडिवण्णमिणमम्हेहिं । परमत्थे अक्का परिपंथिणी। सा जइ अत्थेण वा बत्थेण वा तुसइ ता तूसवेहि ।" अवसरं लहिऊण भणिया तीए अणंगलोला-"अला अम्मो ! कि निमित्तं तुम
सि ? जेण केणावि पओयणं तं भणउ अंबा । जेणं अज्जउत्तो चेव संपाडेइ ।" एयं सोऊण संजलिया कोवानलाए जंपियं वाइयाए-"आ ! पावे ! दुन्विणीए ! असिक्खियपंडिए ! केण तुमं परिणाविया जेणेस अज्जउत्तो जाओ ।" कुबेरदत्ताए चिंतियं-"सलिल-सित्त-सणसिंदुरगंठि व्व अणुणिज्जमाणी एसा गाढयरा होइ, तो मोणमेत्थ पत्तयालं" कलिऊण उवरिमतलमारूढा । पुच्छिया मणोरहदत्तेण-"किं तुट्ठा जणणी?" तीए भणियं-"कयं तए जं कायव्वं अओ परं न किंचि वत्तव्वा ।"
तओ सा तेहिं अदहीरिया समाणी पच्छन्नमेव मिलइ माहवस्स । कहेइ घर-रहस्साणि । अण्णया मयणतेरसीए पयट्टे रइ-महूसवे, उज्जाणं वच्चंते विविवाहणारूढे तरुण-तरुणिसंघाए, मणोरहदत्तो वि समं कुबेरदत्ताए रहमारुहिऊण गओ उज्जाणं । पूजिओ कामदेवो । गहियं तम्मत्थयाओ सहयार-मंजरिजुयलं । कया एक्केक्का दोहिं वि सवणेहिं । कीलिउ पयत्ताणि । तओ पयट्टे तरुणि-तरुणजणाण निन्भरे कीलारंभे, विविहविणोयसमाउले सयल-नयरलोए, उम्मलिऊण आलाणखंभं, तडत्ति तोडिऊण अंदुयाणि, चलण-चंपियं काऊण आरोहणं, गालिऊण गालियं, उम्मिट्ठो उवद्दविऊण कइवि नगर-माणुसाणि भग्ग-कइवय घर-हट्टो, समतोपरिवयंत-तुरय-थट्टो, उब्भिय-घोर-करो,
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |