Page Text
________________
५८
मणोरमा-कहा
कयं वद्धावणयं । मासावसाणे पइटावियं से नाम मणोरहदत्तो त्ति वडिढओ देहोवचएणं कला-कलावेण य परिणाविओ रयणायर-सेट्ठिणो धूयं रय[ण]सिरिं नाम कण्णयं वच्चंति दिणाणि ।
अण्णया मणोरहदत्त]पुण्णावज्जियाए वंतरीए भणिओ सुविणयम्मि मणोरह-सेट्ठी-"अज्ज ! सूत्तो जागसि वा ?" सेट्टिणा भणियं-"कुटुंब-चिता-समाउलमाणसाणं कत्तो निद्दा अम्हारिसपुरिसाणं ? परं पुच्छामि भयवई बहुपूण्ण-पावणिज्ज-दसणा सुरसुंदरि व्व का तुमं ? कि निमित्तं वा इहागया ?" तीए भणियं-"तुह पुत्त-पुण्णावज्जिया सुलोयणा नाम जक्ख-कण्णगा तुह घरे वसामि । अओ तुमं दितो, लितो, विलसंतो वा सह सुएण मा संकं करेसि । जं न पुज्जइ तमहं पूरेमि ।"
तओ सेट्ठिणा पक्खित्ता नहयले पुप्फंजली । उम्गहिओ पवर-धूवो। चलणेसु निवडिऊण विसज्जिया जक्खिणी। धम्म-वावडस्स समइक्कंता रयणी । कयं गोसकिच्चं, गओ घरचेइए । पमज्जियाओ लोम-हत्थएण जिण-पडिमाओ । कया सार-सरस-सुगंध-पुप्फेहि पूया । समुद्घओ परिमल-भरिय-भवणोदरो कालागरुधूओ। लिहिया अखंड-फुडिय-सालितंदुलेहिं अट्ठ-मंगलगा । कयमणाउलमाणसेण चेइयं पूअणं । तयंते य पढियाणि सार-थुइ-थोत्ताणि । कयं पणिहाणं । नीहरिओ घर-चेइयाओ । पविट्ठो मंदिरभंतरे । दिठें समंतओ मणि-रयण-कणय-वरवत्थाहरणाइहिं भरियं भवणं । विम्हियमाणसेण चिंतियं सेट्ठिणा-देवयाणुभावो एस ।
तओ आनंदभरनिब्भरेण समाहूया सेट्टिणी । भणिया य “सुंदरि ! पेच्छ नियमंदिर" दळूण रिद्धि-समिद्धं हरिसिय-माणसाए जंपियमणाए-"अज्जउत्त ! दिण्णो जलंजली दालिदस्स, परं कत्तो एसा अणब्भामयवुट्टि व्व अम्हाण घरे रिद्धी ?" साहिओ सेट्ठिणा सव्वो वि देव-वइयरो । संतुट्ठा सेट्ठिणी। समाहूओ मणोरहदत्तो सेट्टिणा । निवेसिऊण उच्छंगे चुबिओ मुद्धाणे भणिओ य-"वच्छ ! तुह सुचिण्ण-पुण्णाणुभावेण एसा मह घरे संपया । ता विलसिहि जहिच्छाए । नत्थि ते निवारणा ।" मणोरहदत्तण भणियं-"जं ताओ आणवेइ ।" तओ ताण चिताणंतरं संपज्जंतमणोरहाण वच्चंति वासरा ।
सो वि सालुओ तओ देवलोगाओ चइऊण साह-दुगंछा-दोसेण समप्पण्णो तम्मि चेव नयरे अणंगलोलाए विलासिणीए कुच्छिसि धयत्ताए। जाया उचियसमए । पइट्टावियं नामं कुबेरदत्ता । कमेण पवढमाणा जाया जोवणत्था। न पुरिसमेत्तम्मि रमइ तीय माणसं । खिज्जइ अणंगलोला चित्तण ।
___अण्णया दिट्ठो धवलहरोवरि निज्जूहगयाए मित्तजण-संपरिवुडो वोलितो मणोरहदत्तो । निरूविओ सुइरं निनिमेस-सरल-पम्हल-सिणिद्ध-कूडिल-दिट्ठीए ताव जाव वोलीणो दरिसण-गोयरं । कहिओ एस वइयरो मयणियाभिहाणाए दास-चेडीए अणंगलोलाए । ठाणे अणुरागो त्ति, परितुट्ठा एसा । अब्भत्थिया तीए पणयपुव्वं मणोरहदत्तवयंसया -"तह कहवि करेह जहेस मणोरहदत्तो कुबेरदत्ताए सह सम्मिलइ।" तेहि भणियं-“जइस्सामो जह सत्तीए। कज्जसिद्धीए पुण देव्वो पमाणं ।”
अण्णम्मि दिणे सवयंसो उज्जाणसिरि समवलोइऊण निसण्णो सहयार-छायाए मणोरहदत्तो । पारद्धा गोट्ठी । भणियं अमरसुंदरवयंसएण-“कहेउ जइ केण वि कहिं पि अच्छेरयं दिळं ?" तओ भणियं सुलोयणेण-"अहो हं जहत्थ नामा
तोयणो, जओ दिट्ठा मए सयलच्छेरय-सीमा पवर वत्थाहरणहारिणी लावण्णाइगण-रयण-रोहण-वसुंधरा-सार-सिरिखंड विहिय-विलेवणा केसपास-निबद्ध-सरस-सुगंध-वर-कुसुम-लुद्ध-मिलंत-छप्पयावलि-निवारण-वावड-वामकरयला, दाहिणकरकलिय-लीलारविंदपरिमलभरिय-भूवलया मिगनाहिविहिय-पत्तावली-विराइयगंडत्थला, कण[य-]कंदुय-कीलाए कुट्टिमतलम्मि कीलमाणी अणंगलोलामंदिरे एगा पायाल-कन्नया ।" अमरसुंदरेण भणियं-"अहो ! महई वण्णणा, ता कि सच्चमेयं ?" सुलोयणेण भणियं-"वण्णणालेसो, न उण पडिपुण्णा वण्णणा ।" अमरसुंदरेण भणियं-"पडिपुण्णं वण्णेउ वयंसो !" सुलोयणेण भणियं-"अवहिया सुणेहमिउ-मसिण-कुंचिय-सिणिद्ध-कुंतल-कलाव-कयसोहा । आयंब-दीह-लोयण-जुयला वर-पिहुल-वच्छा य ।३१६। उन्नय-पीण-पओहरभरेण भज्जतखामतरमज्झा । गंगा-पुलिणसुवित्थर-नियंब-बिबा य रंभोरू ॥३१७।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |