Page Text
________________
सम्मत्त-बीय-लंभो णाम पढमो अवसरो तत्थ य धणदेवकहाणगे देवदिण्णकहा
कइवयदिणावसाणे विहरिया अण्णत्थ सूरिणो । इओं य तम्मि चेव सालिग्गामे सुगुत्तो नाम कुलउत्तओ परिवसइ । तस्स भज्जा आलुया पुत्तो य से सालुओ । कलावियक्खणो मायावी य । एवं वच्चइ कालो । अण्णया समागया तत्थ अइसय-नाणिणो मेहरहाभिहाणा सूरिणो । समोसरिया गाम बाहिरुज्जाणे । निग्गया वंदणवडियाए लोया, सालुओ य । पारद्धा भगवया धम्मदेसणा । तं तहाकारणं सव्वकज्जाणं, आसा-पास-निबंधणं । जल-बुब्बुय-संकासं, दिद-
नहि जीवियं ॥२९७।। चिलीणमसुइ-संपुण्णं, कम्मयं भिण्णमत्तणो । गम्म रोग-पिसायाणं, सरीरं खण-भंगुरं ॥२९॥ जोव्वणं च मणुस्साणं, संझारत्तब्भ-विन्भमं । करिकण्ण-चला लच्छी, बंधवो बंधणं दढं ।।२९९।। पढम मणोरमा कामा, पज्जते दुक्खदाइणो । पलियच्छलेण दुव्वारा ढुक्कए जररक्खसी ।।३००। अणाइ-निहणो थोरो, दुत्तरो य भवोदही । राहावेहोवमं लोए, दुल्लहं माणुसत्तणं ।।३०१।। जओ-- पुढवि-जल-जलण-मारुय-पत्तेय-अणंत-तरुवरेस च । सुइरं भमिउं जीवा, कह-कह वि लहंति तस-भावं ।३०२। तत्थ वि य माणुसत्तं, सुह-खेत्तं तह य जाइ-कुल-सरुवं । तत्थारोग्गं तत्थ वि चीर-जीवित्तं च अइ दुलहं ।३०३। तत्थ वि बहुसुह-कम्मोदएण धम्मम्मि होज्जइ बुद्धी। तह वि जियाण[न] सुलहो जिण-वयणुवएसगो सुगुरू ता गहिर-महोयहि-मज्झ-पडिय-रयणं व कुसलसामग्गी । दुलहं पि लहिय विबुहो, विहेज्ज सद्धं सुधम्मम्मि।। साहु-गिहिभेयओ सो दुविहो तत्थ पढमम्मि असमत्थो । जह सत्ती गिहिधम्म, करेज्ज भावेण निच्चं पि॥३०६।। तिक्कालं ची-वंदणममंद-आणंद-सुंदरं विहिणा। तह सुविहिय-जइ-सेवणमेत्तो जिणवयणसवणं च ॥३०॥ जिण-पूयाइ विहाणं, तव-गुण-नाणं तहा मुणिदाणं । विहि-दाणं सुह-झाणं, तव-उवहाणं व जह सत्ति ॥३०८।। सज्झाय-नियमकरणं, अउव्व पढणं च उचियस[म]यम्मि । किच्चं निच्चं पि तहा, जह-जोग्गमभिग्गह
गहणं ॥३०९।। जिणह कसाय-पिसाए, पसिद्ध-सिद्धंत-मंत-जावेण । उवसमह विसय-तिसं, संवेगामय-रसं पाउं ॥३१०।। बहु लोएण वि निदियइंदिय-पसरं निरंभह अमग्गे । पडिवज्जेह जहारिह आगम-विहिणा गिहिवयाइं ॥३११।। किंचसुहि-संबंधो बंधो, बंधुजणाहिय वि बंधगा धणियं । पासो अगारवासो असंख-दुक्खावहा कामा ।।३१२।। जह चवलं देहबलं जह लोलं जोव्वणं च जीयं च । जह अचिरं विसयसुहं, हद्धी काओ वि हु असारो॥३१३।। एक्को च्चिय नवरि गुणो रोग-जलाकुलहरस्स देहस्स । ज इमिणा वि विढप्प्पइ धम्मो चिंतामणिसमाणो ।३१४ सुह-साहणमिह दुलहं सुलहं दुह-साहणं पुण जियाणं । जं ता परिहरियव्वो अव्वो सव्वो वि एस भवो ॥३१५।।
. एयं सोऊण संजाय-सद्धेण गहिओ सावय-धम्मो सालुएण । 'साहम्मिओ' त्ति काऊण जाओ मेत्ती-भावो समं देवदिण्ण-मयहरेण । वच्चंति दिणाणि । अण्णया भोत्तुमुवट्ठियस्स जावज्जवि न भुंजइ, तावागओ भिक्खट्ठा घरंगणे साहुसंघाडओ । संजाय-दाण-परिणामो गहिऊण तमेव भायणं दाउमारखो । दितस्स लग्गो भायण-कोणो साहु-पडिग्गहगे । कय-दुगुंछेण पडिलाहिया साहुणो । उवज्जिया भोगा । बद्धं नीय-गोरं । अहाउयक्खएण समुप्पण्णो सोहम्मे सुरो । देवदिण्ण-मयहरों वि तत्थेव देवो जाओ। तत्तो चुओं समाणो इहेंव जंबुद्दीवे भारहेवासे सुसम्मपुरे नगरे परमसम्मदिट्ठिमाणो रह-सेविणो जयावलीए भारियाए कुच्छिसि पुत्तत्ताएं समुप्पण्णो । उचियसमए पसूया एसा । जाओ दारओ।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |