Page Text
________________
मणोरमा कहा
दाउं ओलह-दाणं गोसालय-तेअ-तविय-देहस्स । वीरवरस्स भगवओ, तिहुयणसुपइट्टिय-जसस्स ।।२८३।। रेवाइए] बद्धं परमाणंदभरपुलइयंगीए । तित्थयर-नाम-गोत्तं तिहुयण-संसेवियमणग्धं ॥२८४॥ ओसह-दाणेण फुड समए सुव्वंति पाणिणो णेगा। कुंचियमाई पत्ता कल्लाणं उभयलोगम्मि ॥२८॥ सइ सामत्थे नियमा हरिस वसुल्लसिय-बहल-रोमंचो, धण्णो देइ दवावइ ओसहदाणं जइजणस्स ।।२८६॥ वत्थ-पत्तदान फले देवदत्तसेठिकहा संपयं वत्थ-पाय-दाणफलं भण्णइ
अत्थि इहेव जंबुद्दीवे दक्षिणावहे धण-धण्ण-हिरण्ण-सुवण्ण-गो-महिसिसमाउलो, पमुइयपामरगणो, सरय-निसासमारद्ध-समताल-रासय-सद्द-समाउलो, परिपिक्क-सालिखेत्त-निवयंत-कीर-नियर-कय-कोलाहलो, सालिग्गामो नाम गामो।
तम्मिय देवदिण्णो नाम मेहरो परिवसइ । सो पूण लोयववहार-परायणो पयइ-भद्दयाए कालं गमेइ । अण्णया परिवद्रणकाले पयट्रो उत्तरावहाओ धम्मसत्थवाह-सत्थो दक्षिणावहं तेण समं सपरिवारो चलिओ पियंकरायरिओ।
. अण्णया अडविमझे समागच्छंताण निवडिया सबरा । विलतो तेहिं सत्थो । दिसि पलाणा सत्थलोया । आयरिया वि विलुत्तसारोवगरणकइवयसत्थलोयसहिया संपत्ता सालिग्गामं । ठिया बाहिरियाए । वत्थाइनिमित्तं पेसिओ साहसंघाडओ गाममज्झे । कमेण पडियडतो पविठ्ठो देवदिण्णमयहरमंदिरे । अब्भट्रिओ य तेण पुच्छिओ समागमणकारणं । साहियं साहूहिं । भद्दग-भावमुवागएण भणियं-देवदिण्णेण-"केरिसाणि भे वत्थपायाणि कप्पंति ?" वत्थपाएसणा-कहणपुरस्सरं कहियं साहहिं सप्पमाणं तेसिं सरूवं लक्खणं च । मयहरेण भणियं-"केरिसं वत्थ-पायलक्खणं आगमे भणियं ?" साहुणा भणियं--सुणसु, नवभागकए वत्थे, चउसु वि कोणेसु होइ वत्थस्स। लाभो विनासमन्ने अंते मज्झे य जाणाहि ।।२८७।। अंजण-खंजण-कद्दमलित्ते, मूसगभक्खियअग्गिविदड्ढे । तुन्निय-कुट्टियपज्जवलीढे होइ विवागसुहो असुहो वा। चउरो य दिक्विया भागा, दुवे भागा य माणुसा । आसुरा य दुवे भागा, मज्झे वत्थस्स रक्खसो ॥२८९।। दिव्वेसु उत्तमो लाभो, माणसेसु य मज्झिमो । आसुरेसु य गेलन्नं, मज्झे मरणमाइसे ॥२९०।। अंतो बहिं च दड्ढे पुप्फगभिण्णं च कीड-खइयं च । पउमप्पलं च पायं, परिहरियव्वं पयत्तेण ।।२९१।। हुंडं सबलं सव्वणदुप्पुयवायाइद्ध वण्णरहियं वा । खीलग-संठाणं चिय हुंडाइअलक्खणा सत्त ॥२९२।। अह भणसि लक्खणेणं किं भे ! आरंभपरिनिवत्ताणं? लक्खणमिच्छंति गिहि इच्छंता कोसपरिवुड्ढी ।२९३। साहुणा भणियंलक्खणहीणो उवही उवहणइ नाण-दसण-चरित्ते । तम्हा लक्खणजुत्तो, गच्छे दमएण दिट्ठतो ॥२९४।। थाइणि वलवा वरिसं, दमओ पालेइ तस्स भाएणं । चेडीघडणनिकायणउविट्ठदुमचम्मभेसणया ॥२९५।। एमाई दिळंता लक्खणजुत्तोवहिम्मि पण्णत्ता । समए सावय ! बहुगुणपसाहगा धीरपुरिसेहिं ॥२९६।।
तेण लक्खणं निरूविज्जइ ।
मयहरेण भणियं-"को एयाण दाणविही ?" साहुहिं भणियं-"आयरियाण घरचेइयाणि दंसिज्जंति । पच्छा वत्थाईहिं पडिलाभिज्ज' ति । विहरताण वा साहण पणामिति।" मयहरेण भणियं-“कहिं आयरिया चिळंति ?" साहहिं भणियं-"गामबाहिं ।" तेण भणियं-"एह ताव गुरूं पेच्छामो । गया दिट्ठो य तत्थ सोमो व्व सोमगहपरिवारिओ, उवसम-रसो व्व कय-सरीर-संगहो, बहसमण-मज्झगओ पियंकरायरिओ। वंदिओ मयहरेण । कया गुरुणा धम्म-देसणा । पडिबद्धो मयहरो । पडिवण्णं सम्मत्तं । पविटा गाममज्झे । दंसिया वसही । पडिलाभिया जहागमं वत्थ-पाएहिं । वंदिऊण समट्रिया सरिणो वत्थाईहिं उवग्गहिया । जाया संजम-परिपालणपच्चला साहणो ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |