Page Text
________________
सम्मत्त-बय-लंभो णाम पढमो अवसरो तत्थ य धणदेवकहाणगे सोमवसुसिरिदत्तकहा
भणिया धणवई वच्छा - "वच्छे ! अम्हारिसजण सज्ज्ञ जइ अतिथ भे किंपि पओयणं ता कहेह ! " धणवईए भणियं--"भयवइ ! अत्थि तं पुण तुम्हारिसजण वयण-सज्झं ?" वच्छाए भणियं - "केरिस ?" तीए भणियं - " अस्थि मह अगेज्झनामधेया धणसिरि नाम सवत्ती सा 'कम्मणकारिय' त्ति, एत्थ तए भासा दायव्वा ।" तीए भणियं वच्छे ! अणुचियमणं वयविसेसमारूढाणं तह वि तुह विनयवसीकय माणसा पउणाहं तुह समीहिय- साहणे ।" धणवईए भणियं-" को अण्णो तवस्सिजणं वज्जिय पणय-वच्छलो । संपयं सद्वाणं समलंकरेउ भयवई । समाहूयाए सिग्घमागतव्वं ।” गया वच्छा सघरं । भणिओ रयणीए सोमदेवो धणवईए- " अज्जउत्त ! विसज्जेहि मं पियाहरं ।" तेणं भणियं - "किं निमित्तं ?" तीए भणियं–“अलं परदोससंकित्तणेण ?” सोमदेवेण भणियं - " अम्ह वि अकहणिज्जं ?" तीए भणियं-"नत्थि तुह अकणिज्जं परं परिसमेयं नत्तूगं दुज्जणो जगो मए कहिए मच्छरमन्निस्सइ " तेण भणियं - "कि तुह जगेण ? कहेसु जहच्छियं ।" तीए भणियं - "एसा तुह पढम-घरिणी कम्मणगारि । जइ कहवि कम्मगं विहडेज्जा तो अम्हाण वि कलंको ।" सोमदेवेण भणियं - "पिए ! महल्लमेयं पओयणं सुविनिच्छ्यिं काऊण वत्तव्वं ।" तोए भणियं - " जइ मह न पत्तियसि तो वच्छपरिव्वाइयं पुच्छ्सु ?" तेण भणियं - 'सोहणमिणं' । सद्दाविया वच्छा। तक्खणमेव समागया । ठिया समीवे धणवईए । सविण पण मिऊण पुच्छ्यिा सोमदेवेण - " भयवइ ! धणसिरिए कम्मणं कथं जाणसि तुमं ?" तोए भणियं - 'आम' धणसिरीए भणियं - "भयवइ ! विरुद्धमेयं, वयविसेसस्स अलियभासणेण मा परलोगं पीडेहि ।" तओ उब्भड - भिउडि-भासुर-वयणाए जंपियं वच्छाए - “हला ! पावे, सच्चकहणे वि परलोगपीडा ?" सोमदेवेण भणियं " भयवइ ! अलं पावजण वयणसवण- खेएण ? गच्छउ सट्टाणं भयवई ।" गया वच्छा । सोमदेवेण दढयरं कयत्थिया धणसिरी । "आ पावे ! कुकम्मकारिणि ! असुद्ध ववहारिणी ! पच्चक्ख - रक्खसि ! न पुणो वि मह मंदिरे पविसियव्वं " ति भणिऊण निद्वाडिया निय-घराओ । गया उज्जाणमेगं, निसण्णा सहयार - छायाए । स- दुक्खं चितिउं पवत्ता - “ अहो ! पडियपहिदागो एगंत-निघणो एस विही । एवं ताव परिभव-भायणं कया । बीयं पुण असंत- दोसेण दूसिया ? अणज्जकज्जकारी एस मे भत्तारो । अमुणिय तत्थ परमत्थेण जेणेवं कयत्थिया । इमे वि नागरगा कूडाइक्खगा चेव न उण कारितगा ।
rs after fift सइत्तण- फलं धम्मो वा को वि मए समायरीओ ता इमाए सवत्तीए इमस्स भत्तुणो एएसि नागरयाणं दुटुपरिव्वाइयाए य विप्पिय- कारिगा हवेज्जामि' त्ति, काऊण नियाणं समारूढा सहयारसाहाए । दाऊण उत्तरिज्जेण सिरोहराए पासयं विमुक्को अप्पा । मरिऊण जाया वाणमंतरी । सुमरिय-पुव्वभववृत्तंता पढममेव मारिया महाकयत्थणाए सवत्ती । तओ भत्ता पच्छा वच्छा । तयणंतरं पयट्टाविया सव्वम्मि नयरे मारी । नत्थि तं घरं जत्थ न मरइ पइदिणं माणुस । मोत्तूण सुमंगलसेट्टिणी मंदिरं ।
एवं असिवे वट्टमाणे भणिओ रण्णा मंती - " असिवोपसमनिमित्तं कीरउ कोइ उवाओ ?" मंतिणा भणियं“देव ! सयल- नायरसहिएहिं कुविय - वाणमंतर - पसायणत्थं पक्खिप्पर नयर - परिपेतेसु बली । मुच्चतु गयणाभिमुहं पुष्कजलीओ । उज्झतु कालागरु - कप्पूर-पूर-परिमल- भरियनहंगणाभोगा धूया । कीर कयकरयंजलीहि खामणा । " तहेव कथं । एत्थंतरे उट्टिया गयणंगणे वाया - "रे अणज्जकज्जकारिणो नागरवराहो । भत्तुणा कयत्थिज्जमाणी
भेहि उवेक्खिया हं, अओ नत्थि ते[भे] जीवियं ।" राइणा भणियं - " भयवइ ! दिट्ठो कोवो । संपयं पसायं करे ।" तीए भणियं - " जइ एवं तो कारवेह गुरुसिहर-निरुद्ध-रवि-रह-मग्गं, महल्ल - हल्लंत-धवल-धयवड- मालोवसोहियं महंतं देवउलं । ठावेह तयब्भंतरे सवत्तिसिरोहरा - दिण्ण- वामपायाए धणसिरिए पडिमं । पूएह तिकालं परमभत्तीए । एवं कए after भे मोक्खो, नन्नहा ।" तहेव कयं । उवसंता मारी ।
५५
एत्थंतरे पणमिऊण सूरिपय-पंकयं । पुच्छ्यिं कविजलेण - "भयवं ! केण कारणेण सुमंगलसेट्टिमंदिरे मारी न जाया ?" सूरिणा भणियं - "सिरिधम्मपुत्ताणुभावेण न एयस्स मंदिरे दुटु-गह नक्खत्त भूय-पिसाय- माउ भवंति । अप्पणा पुण सिरिधम्मो साहु - ओसहदाण- पभावेण आजम्मं नीरोगो भविस्सइ । पज्जते य सामण्णमणुपालिऊण देवलोगं मिस्स । तत्तो वि माणुस्सं । एवं सुहपरंपराए सत्तजम्मो सिज्झिस्सइ ।
जओ
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |