Page Text
________________
मणोरमा-कहा
.तओ देव-गुरु-पाय-पूयणयाए अणुकुलासण-पाण-सयण-जाण-वाहण-परिभोग-लालियाए सुहंसुहेण गब्भमुबहमाणीए समइक्कंता तिणि मासा सुभद्दाए । एत्थंतरे समप्पण्णो गब्भाणभावेण डोहलो-“जहा पुरेमि दीणाणाह-मणोरहे, समद्धरेमि सडिय-पडियाणि-चिराणि-पोराणाणि देवयाययणाणि ।" साहिओ तीए सेट्रिस्स । तेण भणियं-"पिए ! साहीणं ते दविण जायं । करेसु नियसमीहिय-पूरणं । एयं भणिय समुट्ठिओ सेट्ठी । पविट्ठो मंदिरंतरे ।
एत्थंतरे सहसा चेव पकंपिया भवणब्भंतरे वसुंधरा, दिण्णं विवरं, उठ्ठिया नहयले अमाणुसी वाया-“गम्भाणुभावेण देवयाए दिण्णं निस्संकं इमं महानिहाणं" ति विम्हिओ सेट्ठी । निरूवियं धरणि-विवरं । दिळें तत्थ महानिहाणं । परितुठो चित्तण, “अहो ! महाणुभावो एस गब्भो । कहमण्णहा उयरट्रियस्स वि देवयाओ पक्खवायं करिति । सच्चवियं निहाणं । दिळं कवल्लिकंठे पत्तयं । वाइयं सेट्टिणा-दससुवण्ण-कोडीओ एत्थ चिट्ठति । परमाणंद-भरनिब्भरेण सद्दाविया सेट्ठिणी । कहिओ सव्वोवि निहाण-लाभ-वइयरो । भणिया य-"पिए ! संति एत्थ दससुवण्णकोडीओ, संपाडेसु नियसमीहियं ।
तओ संपुण्णडोहला सुहं सुहेण गब्भं वहमाणी कालं गमेइ । अण्णया अणुकूलवासरे पसत्थ-करण-मुहुत्ते सुहलक्खण-लक्खियं सुभद्दा दारयं पसूया । वद्धाविओ सेट्ठी सुमंगलाभिहाणाए दासचेडीए पुत्तजम्मेण । दाऊण पारिओसियं विसज्जिया सुमंगला । कारावियं मया विच्छड्डेण वद्धावणयं । सम्माणिओ वत्थाइणा सुहि-सयणवग्गो । परमपयत्तेण परिपालिज्जंतस्स बोलीणो मासो दारगस्स । पइट्रावियं पियामह-संतियं नामं सिरिधम्मो त्ति,
जाओ अटवारिसिओ । सोहणदिणे लेडायरियस्स समप्पिओ। परिमियवासरेहिं चेव जाओ नीसेसकला-कसलो। विवाहिओ तत्थेव वत्थव्वगस्स सागरसत्थवाहस्स दुहियरं गुणसिरि नाम कण्णयं । तप्पुण्णाणुभावेणं संपज्जति सयलपओयणाणि सेट्ठिणा । अणुकूलो राया, गुणग्गाही नागरजणो बहुबहु मण्णइ भणियं तं बं]धूयणो एवं वच्चइ कालो।
इओ य तम्मि चेव नयरे सोमदेवो नाम कुलपुत्तओ परिवसइ । परिणीया तेण तत्थेव निवासिणो सागराभिहाणकुलपुत्तयस्स धणसिरी नाम धूया । तीए सह विसय-सुहमणुहवंतस्स सरइ संसारो । सा पुण उच्छ्पुप्फ व निष्फला । अण्णया पणय-पुव्वं पुच्छिया सोमदेवेण-“पिए ! जइ ते सम्मयं तो संताणनिमित्तं अण्णं परिणेमि । अणुण्णाओ तीए । मग्गिया तेण धणदेवदुहिया धणवई नाम, दिण्णा तेण, परिणया य पुण्णाणुभावेण इट्टा बीया, अणिदा पढमा । जाओ धणवईए दारओ । सविसेसं सम्मया जाया । काराविज्जइ सव्वं पि कम्मं धणसिरिसामिणि व्व ववहरइ धणवई।
अण्णया समागए वसंतमासे समं धणवईए उज्जाणं गओ सोमदेवो । कय घरकम्मा समं पाडिवेसिणीए सरोवरे गया धणसिरी । तओ पडिनियत्ताए सह्यार-छाया-निविट्ठो सहत्थेण धणवई मज्ज पायंतो दिट्ठो सोमदेवो । तेण वि धणसिरी । तओ तेण तच्चित्त-रक्खणत्थं दिण्णं मुहंतरे मज्ज-कोसयं । तं दळूण भणिया धणसिरी सोवहासं सइज्झियाए-"अहो ते गणणा ? अहो तुमं पिया पियस्स । कहमण्णा तुह भएण एवं निलुक्कइ ?" धणसिरीए भणियंकालंतरियसिणेहो को सो लज्ज पिजं पिओ कुणइ । तेण सलक्खा कोडी मए विढत्ता किमण्णेण ? ।२८१।
तीए भणियं-“पियसहि ! पुव्वं तुमं पि एवंविहा आसि । संपयं न कहिं पि गणिज्जसि, किमेत्थ कारणं ? धणसिरीए भणियं- “एत्थ वि सुणेउ पियसही"संपुण्णं वज्जियपुण्णिमाए चंदं जणो वि बीयाए । पियसहि नमइ नव[ल्लाए] रुसिज्जइ कह णु कंतस्स ।२८२। ... . अलमिमिणा वियारेण एहि, सघरं वच्चम्ह गयाओ । सोमदेवस्स वि धणसिरीए सह वसंतूसवमणुहवंतस्स वच्चंति वासराणि । अण्णया समुप्पण्णसविसेसमच्छराए विचितियं धणवइए-"सोहणं हवइ जइ एसा घराओ वि जइ निद्धाडिज्जइ । चितेमि किंचि उवायं ।” एत्थंतरे दिवा भिक्खानिमित्तं घरंगण-समागया वच्छा नाम परिवाइया । वंदिया धणवईए । दिण्ण महल्लमासणं, सोइयं चल[ण]जयलं, कओ पुप्फ-तंबोलाइणा उवयारो, विनयाऽऽवज्जिय-हियया
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |