Page Text
________________
सम्मत्त-बीय-लंभो णाम पढमो अवसरो तत्थ य धणदेवकहाणगे सिरिदत्तकहा
मगहा जणवए जयपुरे नगरे पियंकर-सुहंकराभिहाणा अम्हे दोण्णि भायरा निवसामो । अण्णया कालेण कवलिया मे भारिया । न परिणीया मए अण्णा दारिया । अण्णम्मि दिणे पियंकर-घरिणी मह महिला-भावं दंसेउमारद्धा । भणिओ य अहं तीएदिढे तुमम्मि मज्झ यियनिव्वुइ त कलावगो गुणवं । एसो पुण मज्झ पिओ सिंग-विहूणो बइल्लो त्ति
।। २७९ ॥ ता रमण रमसु अणुरत्तपिययमं कुणसु पत्थणं सहलं । अणुरत्ते वि विरत्ता जे ते पुरिसाहमा नूणं ।। २८० ।।
एवं भयंती वि पडिसिद्धा मए तह वि न ठाइ ।
अजामि दिणे फडक्खर भणिया मए-"निल्लज्ज ! किमहं निय-भाउणो वि न लज्जसि ? जेणेवं पयंपसि?" ती। चितियं "न एयम्मि धरमाणो एसो मं इच्छइ ?" वावाएमि एयं केण वि उवाएण । अंतरं लहिऊण दिण्णं भोयणे विसामास्स पेच्छताण चेव अम्हाण उवरओ पियंकरो । । कयाणि मय-किच्चाणि । गहिओ हं महासोगेण । कडवयदिणेहि विगयसोगो पारद्धो घरकिच्चाणि चितिउं । अण्णम्मि दिणे रयणीए सवियारमवसप्पिऊण भणियमणाए-"इच्छस् संपइ गयं ते लज्जा कारणं," एयं सुणियसंजायासंकेण भणिया सा मए-"हा पावे ! किमकज्जमेयं ?" तए चेव ? सियंतउसासणियं ( ? )पहसिया । समुप्पण्ण-निच्छएण य भणिया मए-"अवसर मे दिदिगोयराओ। न पुणो वि अप्पा मह दंसियब्बो।"
तओ सा विवण्ण-वयणा सविसेसं मइ पओसमावण्णा, निज्जाया तट्राणाओ । अहं पि निविण्णकामभोगो, मणियसंसार-सरूवो पडग्ग-लग्ग-तणं व विहुणि [य]गिहवाससुहं सुट्रियायरियसमीवे पव्वइओ। पढमदिणे चेव गरु समक्ख 'जावज्जीवं अट्रमाओ पारेयव्वं' ति, गहिओ मए अभिग्गहो पालिओ चिरकालं ।
अण्णया विहरतो गओ सुरवाए । ठिओ एगम्मि गामे अट्टमपारणगे गोयरचरियाए पविठ्ठण लद्धो एगम्मि पामरघरे कंगकरो तेल्लं माहिस-गोरसं च । तं घेत्तूण पडिनियत्तो । कयं पारणगं । तओ चेव दिवसाओ जाओ पित्त-जरो । पाउब्भया दारुणा दाहवेयणा । सया सन्निहिया पिवासा । सया खेत्ती या सयल-सरीरय[म्मि] कंडू, ण कड्य भावं मुयइ मुहं, न चयइ कक्खामुलं सूलं ।" सिरिदत्तण भणियं-"भयवं! दारुणो एस वाही। करेउ भयवं ममाणग्गहं । अणुजाणेउ म जेणाहं महापवत्तेहिं ओसहेहिं चिगिच्छं कारेमि ।" ठिओ मोणेण मुणि मणमयं ति गओ वेज्जघरं । पूइओ पुप्फ-तंबोलाईहिं वेज्जो । पुच्छिओ समागमणकारणं वेज्जेण । सिरिदत्तण भणियं-“अत्थेत्थ बहु वाहि-पीडिओ गुणधरो नाम मुणिवरो। तस्स चिगिच्छा कौरउ ।” पडिवण्णं वेज्जेण । गया दो वि जणा साह-समीवं । निरूवियं सरीरयं वाहि-निबंधणं सिरिदत्तण वेज्जस्स । तओ वंदिऊण मुणिवरं, पयट्टा नियघराभिमहं । भणिओ वेज्जेण सिरिदत्तो-"सज्झो एस वाही, परमेत्थ महग्घोसहेहि पओयणं । धम्मपओयणमिणं ता सुविनिच्छियं काऊण भणाहि । अब्भवगयं सिरिदत्तेण । संपाडियाणि वेज्जोवइट्राणि ओसहाणि । जाओ महंतो अथव्दओ । कया साहसरीरे सत्त-सत्तगाणि (?) चिगिच्छा । पउणीभओ मणिवरो। वंदिऊण खामिओ सिरिदत्तण । विहरिओ अण्णत्थ मणी । सुपत्तविनिओगेण हरिसिओ सिरिदत्तो। पवड्ढमाणसुहपरिणामस्स वोलीणो कोइ कालो । बद्धं भोगसारं मणयाऊयं । आउक्खएण मओ समाणो समुप्पण्णो रयणपुरे एक्कवीससुवण्णकोडीसरस्स अदिट्टपुत्तभंडमुहकमलस्स सुमंगलसेट्ठिणो सुभद्दाए भारियाए कुच्छिसि बहूहिं उवाइयसएहि पुत्तत्ताए। दिळं च णाए तीए चेव रयणीए महल्लहल्लंतपउमसंड-मंडियं महासरं सुभिणयम्मि वयण उयरं पविसमाणं । तओ ससंभमा विबुद्धा एसा । तक्खणा चेव गंतूण साहिओ [सुमिणओ], सुमंगलसेट्ठिणो । तेण वि परिओसवियवयण-नयणेण भणिया सा “पिए ! सुहो एस सुमिणओ । ता भवियव्वं ते निय-कुलनयल-निसायर-सरिच्छेण पुत्तेण । तं सुणियसंतुट्ठमाणसाए जंपियं सुभद्दाए-"अज्जउत्त ! एवं भवउ । बद्धो मे सउण-गंठी ।" विसज्जिया सेट्टिणा । गया सट्ठाणं ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |