Page Text
________________
मणोरमा - कहा
मंगलाणि आणंद-भर- निब्भराहि नञ्चिज्जइ अविहवविलयाहि, सजलजलहरगुहिर पहय-महलाई वज्जति वारं वद्धावणयत्तराई । पवरवत्थाहरण- पुप्फ- तंबोल- विलेवणालंकिओ तओ हिंडइ हलबोलो नयरलओ । किं-बहुणाखज्जइ विलसियर, दिज्जइ दीणानाहदाणु । तं पुरु वीरह पारणइ, जायं सग्ग समाणु ।। २७५ ।।
नहंगणे विसक्कसमा सेण य गाइया तुंबरूपमुहा पहाणगायणा । पणच्चियाओ रंभतिलोत्तमपमुहाओ
वरच्छराओ
देवासुर तहिं सम्मिलिय, विम्हिउ भुवणु असेसु । पाराविउ जहिं वीरजिणु, सो सुकयत्यपसु ।। २७६ ।।
सामी विखमेगमत्थिऊण निग्गओ तओ ठाणाओ गओ सद्वाणं । रायावि वसुहारं गिरहंतो सक्केण वारिओ । भणिओ य जस्स चंदणबाला देइ तस्सेसा हवइ । पुच्छिया भणइ मह पिउणो धणावहस्स होउ । गहिया सेद्विणा । भणिओ याणिओ सक्केण - " एसा चरम सरीरा महापयत्तेण संगोवेयव्वा जाव सामिणो केवलनाणं समुप्पज्जइ पच्छा offer aftes | रण्णा वि पडिवज्जिऊण सक्कसासणं कण्णंतेउरे छूढा । सुहंसुहेण वट्टइ । सा वि मूला सेट्ठिा अंबाडिया, नयरलोएण हीलिया, असारा जाया । चंदणबाला वि समुप्पण्ण- केवलना णस्स सामिणो समवे पव्वइया पढमसिस्सिणी जाया, पवत्तिणिपय च पाविया । परिपालियनिक्कलंकं सामण्णं विहरिऊण महीमंडलं काऊण बहुजणोक्यारं निदड्ढ घणघाइकम्मिधणा । समुप्पण्ण- केवलवर-ना [ण ] - दंसणा सिद्धिवसहिमुवगया ।
कुम्मासा किं दाणं कत्थ जिणो तिहुयणाहियं पत्तं । तत्थ वि चंदणवाला उभयभवाराहिगा जाया ।। २७७ ।। पत्ति सुपत्ति-पयत्ततम, सुद्धउ भत्तिपहाणु । साहइ सयल समीहि [य]ई, अवसरि दिउं दाणु || २७८ || ओहदाने सिरिदत्त कहा
संपयं ओहदाण- फलं भण्णइ
अत्थि इहेव जंबुद्दीवे दीवे सयल-मही- मंडल - मंडणो मणोरमाराम - रमणिज्जनगरपरिसरो, नगर परिसर - दिसंताणेगवावी-कूप- सरसी-सयसमाउलो, सयल-विसयपहाणो वच्छा नाम जणवओ । तम्मि य सयल - पुरवर-पुरस्सरं चिरकालपट्टियं सुइट्ठ नाम नयरं । तत्थ दप्पुद्धुरारि विसर दुज्जय-दुग्घोट्ट थट्ट-कुंभत्थलुद्दलणेक्ककेसरी अरिमद्दणो नाम राया । तस्स य अच्चंतसम्मओ सया सन्निहिओ सिरिदत्तो नाम सेवगो । सो पुण सहावओ चेव भद्दग-भाव-परिणओ कालं गमेइ ।
या समागओ [] स घरंगणे गोयरचरिय - [भ]मंतो नाण-दंसण-चरण-- गुण रयणायरो, मास-खवणपारणगे गुणधरो नाम मुणिव । तं दट्ठूण चितिथं सिरिदत्तेण - " अहो ! अयं महातवस्सी निप्पडिकम्म- सरीरो पसंत-मुत्ती संसार-सागर-तरण-तरंडोवमो परमं दक्खिणाद्वाणं परं वाहिगहिओ वि य लक्खीयइ" निरूविओ तेण समासण्णी होऊण तह विन नाओ वाही |
तओ सविनयं वंदिऊण पुच्छिओ - " भयवं ! को एस वाही ? किं-निबंधणो वा ?" मुणी वि अदिण्ण- पडिवयणो frri हाय निग्गओ तस्स घराओ । सिरिदत्तो वि कय-निच्छओ तयगुमग्गेण ताव हिडिओ जाव सो साहू कयकज्जो गओ नंदण-कुंभकार -सालाए । पुच्छिओ सिरिदत्तेण नंदणो- "किमेस भगवं एत्थ निवसइ ?" तेण भणियं " आमं” ओ सह । ठिओ तग्गय-माणसो रयणीए । पभाए पुणो वि समागओ साहू सगासं । वंदिओ भयवं । कया पज्जुवासणा । एवं पइदिणं बंदण - पज्जुवासणं कुणंतेण समाराहियं मुणि माणसं तेण ।
अणया समुपणासंघण भणिवरो " भयवं ! काऊण अणुरहं कहेहि को एस वाही ? कि - निबंधणो वा ? " साहुणा भणियं - " सावय ! सुण, जइ ते निबंधो- "
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |