Page Text
________________
सम्मत्त-बीय-लंभो णाम पढमो अवसरो तत्थ य धणदेवकहाणगे चंदनबाला दिद्रुतो सुमरि वि नियकुलु निम्मलु भुयण-पसिद्ध-जसु । निब्भरु दुक्खु वियंभिउ दुद्धरु हियइ तसु ।। अहिणव बंधण जेम करेणु सरे वि वणु । रोयइ चंदणबाल न थक्कइ एक्क खणु ॥२७२॥
चितियं च णाए-"कहमहं तइयदिणाओ अकय-सुपत्त-संविभागा पारेमि । सोहणं हवइ जइ कि चि सपत्तं समागच्छइ ।” एत्थंतरि उवसग्ग-समूह-अभग्ग-मणु । सोमु सुरूउ सुदंसणु वरसिंधुर-गमणु ।। निज्जिय-सयल-परिसह-पहु रयणत्तय । समियहि समिउ, तिगुत्तु पवित्तु जगत्तयनाह ।। सम-तिण-मणि-मोत्ताहल परमपसंतमणु । अपडिपुण्णपयण्णु भमंतु पवण्ण खणु ।। गेहंगणि तसु कह वि समागउ वालियहि । सिरिसिद्धत्थह नंदणु छुहाकरालियहि ।। अंगणि वीरु, निएविणु, हरिसुल्लसिय-तणु । परमाणंद पर ब्व सुदाणह देविमणु ।। छम्मासहं कुम्मासिहि रायदुहियइ । आमंतिओ परमे [स]रु पुलओ वहतियइ ।।२७३।।
तओ भगवया दिण्णो उवओगो जाव पडिपुण्णो चउविहो वि अभिग्गहो ताहे पाणी-पसारिओ । दिण्णा तीए सुप्पकोणेण कुम्मासा । पारिओ । एत्थं चलियासणा समागया सुरगणा । पाउन्भूयाणि पंचदिव्वाणि । तं जहा-निवडिया नयलाओ हिरण्ण-बुट्ठी । वुटुं गंधोदयं । पडिसहभरिय-भुवणोदरं वि सुरगणेहिं [घुटु] तुट्ठा समणा । तुट्ठाओ समणीओ। तुद्रा सावयाओ तुला देवा-देवीओ कि-बहुणा तेलोक्कं पि तुटठं । पडिपुण्ण-पइण्णे, सयल-जग-जीव-निक्कारणबंधवे दुट्ठ-कम्म-कंद-उक्कंदणे, पाराविए तिसलानंदणे चंदणबाला वि तित्थयर-दाण-धम्मोवज्जिय-पुण्णपब्भारेण इह लोगे वि एरिसा जाया । तक्खणि कसिण-सिणिद्ध-कुडिलकेसेहि कलिय । मणिमय (रु)ण-रुण-नेउरसद्दिण-संवलिय ॥ दिव्यावरणविभसिथ वररूविण-कलिय । ललिय-सोहम्मागय-सक्किण अप्पाणि निम्मविय ॥२७४।।
तहा वित्थरिया सयले वि तिहुयणे कुदिदु-निम्मला-कित्ती । अहो ! धण्णा । अहो ! कयत्था । अहो ! कयलक्खणा चंदणबाला । सुलद्धं जम्म-जीविय-फलं चंदणबालाए । तेलोक्क-लग्गणक्खंभ-विब्भमो परमप्पा पाराविओ वीरजिणेसरो। राया वि सोऊण भगवओ पारणयं परमाणंद-भरनिब्भरो सयलंतेउर-परियण-समिनिओ भगवओ वंदणत्थं तत्थेव समागओ।
एत्यंतरे रन्नो समासण्ण-वत्तिणा संपुण्णाभिहाणेण दहिवाहण-कंचुइजणे नयरी संभमे बंधित्ता तत्थाणीएण दिट्ठा चंदणबाला पच्चभिण्णाया य ।
तओ से पाएसु पडिऊण परुण्णो । राइणा पुच्छिओ-“भो का एसा ?" तेण भणियं-"महाराय ! दहिवाहणस्स रण्णो धूया धारिणीए देवीए अंगसमब्भवा वसुमई नाम कण्णया ।" ताहे बाह-जल-भरिय-लोयणाए करे घेत्तूण नियउच्छंगे निवेसिया मिगावईए । रण्णा भणियं-“देवि ! किं कारणो एस ते सिणेहो ?" तीए भणियं-अज्जउत्त ! मह भगिणीए धया एसा ।" तओ सपरिहासं जंपियं पहइपालेण-"अहो ! मिलियं तुम्हाणं कुडुंबयं अम्हे चेव एत्थ बाहिरा ?" देवीए भणियं-“देव ! अल परिहासेण कालोचियं करेह ।'
तओ मंतिणा सह मंतिऊण राइणा सहाविओ दंडवासिओ। समाइटठो य "अरे ! लह गंतूण कोसंबी-नयरी तिय-चउक्क-चच्चर-चउम्मुह-महापहपहेसु वरगंधोद]यासार-संसित्त-धरणीयलं, उब्भियधय-पडायं, निबद्ध-वंदणमालं, नयर-दुवारोभय-पास-मुक्क-चंदण-चच्चिय-जल-पडिपुण्ण-कलसं कारबेहि नायरयाणं च एयमाणत्तियं पच्चप्पिणेहि-जहा “भो पउरजणा! तित्थयर-पारणव-पमइय-माणसो राया समाइसाइ पयद्रावेह महामहसवं।" तेहिं वि तहत्ति' पडिवन्नं । पारद्वाणि महया विच्छड्डेण घरे-वरे वद्धावणयाणि, गज्जति जिणगुण-गहण-गब्भिणाणि कलकंठ-कंठीहिं नारीहिं, पवर
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |