Page Text
________________
मणोरमा-कहा
अण्णया महुर-वयण-विनय-सीलसमा[रा]हण-पमुहगुण-रंजिएण सेट्ठिणा गुणनिप्फण्णं 'चंदणबाल' त्ति बीयं नामं पइट्ठियं । एवं सा तत्थ जहा नियमंदिरे तहा सुहेण कालं गमेइ । तग्गुणावज्जियमाणसो नयरलोगो वि तं पसंसेइ । "अहो ! सीलं । अहो ! रूवं । अहो ! सुसीलत्तणं । अहो ! अमय-महुरं वयण । किं बहणा ! सव्वगणमई
एसा विहिणा विणिम्मिया ।" एवं सव्वत्थ-पत्त-पसंसा तरुणमग-हरिण-हरण-वागुरोवमं जोव्वणमारुहंतीए पत्तो गिम्हकालो चंदणबालाए ।
तओ जहा जोव्वणं समारुहइ पसंसिज्जइ य घर-नयर-लोएण, तहा समुप्पण्ण-मच्छरा सयलाणत्थमूला मला दमिज्जइ । निय-चित्तेण चितेड-"अहो ! एसा मह अभोयणा विसूइया, निनिबंधणा विसकंदलि व्व पवडढमाणा सव्वाणत्थनिबंधणा, किपाग-फल-भक्खणं व विरसावसाणा, लहु-वाहि व्व उव्वेक्खिया दुक्खदायगा भविस्सइ । एवं कुवियप्प-सय-संकुलाए वच्चइ कालो मूलाए ।
अण्णया मज्झण्ण-समए एगागी चेव सभवणमागओ सेट्ठी, नत्थि घरे को वि परियण-मज्झाओ। मूला वि धवलहरोवरि मत्तालंबगया चिट्राइ । अइविणीययाए करवयं गहाय निग्गया चंदणबाला । दिनमब्भक्खणं सज्जीकयमासणं, चलणसोयणत्थमुवट्रिया । निवारिया सेट्रिणा तह वि धोवंतीए. पविलुलिओ दीहर-कसिण-डिल-सहसिणिद्ध-कुंतल-कलाओ मणागमप्पत्तो चेव भूमीए ‘मा पंके पडउत्ति लीला-लट्ठीए धरेऊण पुट्रिए आरोविओ सेट्रिणा बद्धो य सिणेहसारं । मूला वि उल्लोयण-गया तं पेच्छिऊण दूमिया चित्तेण । चितिउं पवत्ता-“अहो ! विनठं । परूढ-पणओ सेट्ठी दीसइ । पडिवण्ण-दुहिया य एसा । न नज्जइ कज्ज-परिणामो । जइ कह वि घरिणी कीरइ, तोहं घर-सामिणी न हवामि एयमेत्थ पत्तयालं-तरुणो चेव वाही छिज्जइ। को नाम सयन्नो नहच्छेज्ज [...]करेज्जा? ।" एवमणप्प-कुवियप्पिधण-संधुक्किय-कोवाणलाए सेट्ठिम्मि निग्गए, पहावियं सद्दाविय बोडाविया चंदणबाला मूलाए । भरिया नियलाण । पहया पण्हिप्पहारेहिं । निब्भच्छिया खर-फरुस-वयणेहिं । सद्दाविऊण भणिओ नियपरियणो-"जो एयं सेट्रिस्स साहिस्सइ सो सयमेव मए निद्धाडेयव्वो" भिउडि काऊण भेसिया। पवेसिया य एगम्मि उवरगे 1,संजमियं वारं । दिण्णं तालयं । कया निय-करे कुंचिया । खणंतराओ समागओ सेट्ठी । पुच्छइ परियणं-“कहिं चंदणबाला ?" मला-भय-भीओ न साहइ परियणो । सो जाणइ बाहिं रमति वा उवरि वा चिटुइ । रत्ति पि समा[ग]ओ पुच्छइ । न को वि साहइ । नूणं सुत्ता भविस्सइ । सुत्तो सेट्ठी । बीय-दिवसे वि न दिट्ठा । पुट्ठो परियणो । न केण वि सिट्रा । संकिओ मणागं चित्तेण । पुच्छिया मुला-"पिए ! चंदणबाला न दीसइ को एस वृत्तंतो ?" उत्थंढकिय-महीए सकोवं जंपियमिमीए-"किं नस्थि ते किंपि कम्मतरं जेण दासरूय-चितासमाउलो एवं खिज्जसि ? सेट्रिणा भणियं-"पिए ! पियं पयंपसु । न एस सुंदरो समुल्लावो । का तम्मि मच्छरो ?” तीए भणियं--"जइ एवं अहं
जाणिया तो कीस मं पुच्छसि ?" सेट्ठिणा भणियं-“संपयं मए वि याणियं जहा तुमं मूलं सयलाणत्थाण । अओ परं न पूच्छामि ।" वोलीणो बीओ वि वासरो । तइय दियहे कुद्धो पुच्छइ परियणं-“साहह, नोभेमारीहामि।" तओ एगा थेरदासी चितेइ-'किं मम जीविएणं । एसा जीवउ वराई।' साहिऊण तीए वुत्तंतं भणिओ सेट्रि-'एत्थोवरगे चिदाइ।' गओ तत्थ संभंतो । न पेच्छइ कुंचियं ।
तओ भग्गाणि कहकहवि कवाडाणि । तहाविहावत्थं दठूण बालं बाहाविल-लोयणेण खलंतक्खरं जंपियं सेट्ठिणा"पत्ति, चंदण-सीयला ! तुम कहं एरिसं दसंतरं पाविया ? अहवा नत्थि अविसओ दुज्जण-जण-विलसियस्स"
तओ असणं पमग्गिओ । तं पुणं अणागयमेव ओसरियं मूलाए । इओ तओ गवेसयंतेण दिवा सुप्पकोणे कुम्मासे ते तहेव तीए समप्पिऊण नियल-भंजण-निमित्तं गओ अप्पणा लोहार-घरं । सा वि एलगं विश्वंभइत्ता बइट्टा । तओ दटू ण उच्छंग-गय-सुप्पकोण-कय-कुम्मासे अहिणवालाणबद्ध-करि व्व विझं नियकुलं सरिऊण रोविउमारद्धा- . किं महु जम्मु विणिम्मिउ उत्तमराय-हरि । अह निम्मिउ तो किं न धरिय थंभिवि उयरि ।। किं न अउण्णनिलक्खणगब्भि वि हउं गलिय। हय विहि परिभव-भायणु किं पई निय-विय॥
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |