Page Text
________________
सम्मत्त-बीय-लंभो णाम पढमो अवसरो तत्थ य धनदत्तकहाणगे चंदनबाला दिद्रुतो
धारिणि उहिसिऊण [भणइ-] एसा मह घरिणी भविस्सइ । एयं पण निरुवम-रूवाइ-गणगग-सालियं बालियं महया अत्थसारेण कत्थव विक्किणिस्सामि' एयं सुणिऊण सोगावूरियमाणसा चितिउमाढत्ता धारिणीदहिवाहणस्स घरिणी होऊणमिमस्स संपयं होहं । हे हियय ! किं न फुट्टेसि? एरिसं वयणं सुणेऊण ।२६४। एसा य मज्झ दुहिया, सुहिया होऊण सव्वकालं पि । संपइ कसेहिं हम्मइ हक्किज्जइ फरुस-वयणेहिं ।।२६५।।
सृकुमाल-सरीरा बाला य वसुमई न वेगेण गंतुं पारेइ । तओ सो पुरिसो निक्करुण-हियओ सविसेसं निठुराणि पयंपेइ, कसप्पहारेहि य ताडेइ । तह वि सा वसुमई अद्ध-परिसंतां संतत-रवि-कर-नियर-संजोग-संजणिंय-तण्ह-करालियदेहा सणियं गच्छइ । खणेण विवडइ वारं-वारं मुच्छिज्जइ । 'हा ताय ! हा अंब ! हयम्हि मंद-भांइणी । एवंविह करुणवयणाणि समुल्लवइ धारणी दळूण । दुक्खिया परं जं जं पेक्खइ तं तं पत्थेइ-ताय ! ताय ! माउल ! करेसु अणुकंपं । निवारेह एयं पुरिसं । निद्दय-पहारेहिं बालियं हणतं । तेहि अवहीरिया संती अणत्त-सरणा तमेव पुरिसं पत्थेइ । सो वि अभिनिविट्ठमाणसो पुणो पुणो ताडेइ । तओ धारिणीए चिंतियंसा विडंबन कवण जुन सहियं तं कवणु दुव्वयणु किल जण्ण कण्णविवरेहिं पइट्टउं । तं दुक्खु सहु कवणु, जण्ण अम्हि पच्चक्खु दिट्ठउं । कवणु सुजणु अब्भत्थियउ दोणु न भासिउ कासु । दहउ विलोट्टउ दुक्खवइ काइं न काइं हयासु ।
एवंविह वियप्प-परंपरासमुप्पण्णमण्णुभर-भरियमाणसा विमुक्का जीएण धारिणी । तं दद्रूण परुण्णो सेवगपूरिसो-“अहो ! मे अहण्णया उवरया एसा । एसा वि बालिया अच्चंत-सोमालिया, जइ कयस्थिस्सामि ता न भविस्सइ ।" एवं चितिऊण समारोविया वाहणे, समासासिया कोमल-वयहिं, उवयरिया अणुकूलासण-पाणेहिं, संपाविया कमेण कोसंबीए । माइ-मरण-दुह-दुक्खियदुम्मणदुब्बलिय । हरिणि जेम निय-वग्गह भट्ठिय भर-भरिय ।। दहिवाहण-कुल-मंडणि बहुजण-परियरिय। तिण-पूलउ सिरिदेविण चउहट्टइ धरिय ॥२६८।।
एयम्मि अवसरे बहुपुरिस-परिवारिओ नियपओयणवसेग तं पएसं समागओ धणावहसेट्ठी । दिट्ठो तेण बहजण-मेलावओ। पुच्छिओ नियपुरिसो-“अरे ! किमेए नागरगा संपिडिया दीसंति ?" साहिओ तेण सेट्रिस्स सब्बो वि जहडिओ वुत्तंतो । कोउहलाऊरिज्जमाण-माणसो तं पएसं समागओ सेट्टी। दिदा य तत्थ अगलंकियलायण्णा बहुलक्खण-विराइय-सयल-सरीरावयवा वसुमई । चितियं च सेटिणा एरिस रूव-वर-वण्णिय-लक्खण-सय-कलियत्तणनरिंदह-धूय अहव मंतिहि तणय ।। अह सेट्टिहि सत्थाहह कस्स वि वर-दुहिय । मह संबंधह कारणु होसइ संगहिथ ।।२६९।।
वियणं काऊण पुच्छिया सेट्ठिणा-"पुत्ति ! का तुम ? कम्मि कुले समुप्पणा ? कस्स वा दुहिया ?" तं सुणियविमुक्क-थोरंसुया निरुद्ध-सई परुण्णा वसुमई । सेट्ठिणा चितियं-“कह उत्तमजगो वसणावडिओ वि नियकुलाइयं कहेहि ? अलं मह पुच्छिएण ?" भणिया वसुमई-"पुत्ति ! मा रुयसु । दुहिया मह तुमं । [आ]सासिया कोमलवयणेहिं । दाऊण जहच्छियं दविण-जायं होढियस्स नीया मंदिरं वसुमई सेट्ठिणा । समाहूया मूला । भणिया य-"पिए ! एसा तुह दुहिया । पयत्तेण पालणीया ।" तीए वि तहेव पडिवण्णा । विगय-समाराहियसेट्ठीपरियणा सुहंसुहेण कालं गमेइ वसुमई । रूविण रइ-सम सूहव कुम्मण्णयचलण । चंदण-सीयल-भासिणि पुण्णिम-ससि-वयण ।। विणय-वसीकय-परियणसे ट्ठिहि वल्लहिय । वसुमइ वसुमइ जेम. अउण्णहं दुलहिय ।।२७०॥ सो को वि नत्थि भु वणे जो तीय न रंजिओ नियगुणेहिं । अमयं तं मण्णइ सैट्टि तह परियणो सवो ॥२७१।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |