Page Text
________________
४८
मणोरमा-कहा
पत्ता नियलिया मंडिय-सिरा । निरुद्ध-सहं रुयमाणी जइ दलेज्जा तो पारेमि न अन्नहा ।" एवंविहमभिग्गहं गिण्हिऊण कोसंबीए चेव ठिओ भयवं । पविसइ दिणं-दिणं-भिक्खायरियाए । जओ तत्थ बावीसं परिसहा उदारिज्जंति ते सम्म सहमाणस्स विउला निज्जरा हवइ । एवं पइदिणमडंतस्स भगवओ वोलीणा चत्तारिमासा न पूज्जइ अभिग्गहो ।
अण्णया उच्च-नीय-मज्झिमकूलाणि अडमाणो पविटठी नंदामंदिरे । दिट्ठो नंदाए विग्णाओ य जहेस चरमतित्थयरो भिक्खट्टा परियडइ । नीणाविया भिक्खा । न गहिया सामिणा । तहेव निग्गओ। विवण्णमहा विसायमावण्णा स-दुक्खा जाया नंदा । पूच्छिया दास-चेडी--"किण्ण गहिया भिक्खा भगवया ?" तीए भणियं--"सामिणि ! एस देवज्जओ दिणे-दिणे एइ, न उण भिक्खं लेइ।"
तओ नायं नंदाए-जहा सामिणो को वि अभिग्गहो । सुट्ट्यरं अधिई जाया। एयावसरे समागओ अमच्चो। दिट्ठा तेण विदाणवयणा । पुच्छ्यिा -"पिए ! ससोगा विय लक्खीयसि ?" तीए भणियं-“अज्जउत्त ! किमम्हाण रायाहिगारेणं ? किं वा विहवेणं ? निरत्थयं ते रज्जविण्णाणं, जो एयं पि अभिग्गहं न याणसि । एच्चिरं कालं सामिणो निरसणस्त परिअडतसरा न पुज्जइ अभिग्गहो ।" मंतिणा भणियं-"पिए ! मुंच विसायं, करेसु मण-समाहाणं । तहा तहा जइस्सामि जहा पूज्जइ भगवओ अभिग्गहो ।" एयाए कहाए वद्रमाणीए समागया पओयणवसेण मिगावईए पडिहारी विजया नाम मंतिणो मंदिरं । सो तं समुल्लावं सोऊण गया, मिगावईए कहइ । मिगावई वि संजाय-गुरु-दुक्खावेगा परिचत्त-पुप्फ-तंबोल-मंडण-विलेवणा कोवघरमणुपविट्ठा । राइणा पुच्छ्यिा सोय-कारणं । सोवालंभं जंपियमिमीए, “अहो ते पमत्तया ! अहो ! विसयासत्तया ! अहो अविवेगित्तणं ! कि तुह रज्जेण ? किंवा मए एवइयं कालं हिंडंतस्स सामिणो न चेव अभिग्गह-विसेसो नज्जइ । न वा तुम एत्थ विहरते वि याणसि ?" रण्णा भणियं-"पिए ! पमाओ एत्थ अवरज्झइ, न उण मह तित्थयरे अभत्ती । तहा करेमि जहा पभाए पुज्जइ अभिग्गहो।" एवं समासासिऊण मिगावई गओ अत्थाण-मंडवं राया । सद्दाविओ अमच्चो । उवालद्धो य-"तुमं सामि पि समागयं न याणसि, चउत्थो मासो इहागयस्स? अहो ! ते रज्ज-कज्ज-चितणकोसलं" पडिवज्जिऊण तेण निय-दोसं सहाविओ
वाई । पुच्छिओ रायामच्चेहि-"तुम्ह सत्थेसु सव्वपासंडीणं समायारा वणिज्जंति, अभिग्गहा य नाणाविहा कहि ज्जति । ते तुम साहेसु । अमच्चो वि भणिओ रण्णा-“तुमं पि बुद्धि-बलिओ जिगागम-विण्णू । ता चितेहि किपि उवायंतरं, जेण भगवओ अभिग्गहाऊरणं भवइ ।" तच्चावाइणा भणियं-"महाराय ! दब्वाइ-भय-भिण्णा बहुविहा अभिग्गहा । संसट्ठाइभेय-भिण्णाओ सत-पिंडेसणाओ सत्त-पाणेसणाओ। लेवडमलेवड-कुंतग्गह-संतरुयंताइभेय-भिण्णा बहुविहा अभिग्गहा । संसट्ठाइ-भेयभिण्णअभिग्गहा दुविण्णायमिणं, तहा वि लोए एवं चेव परूविज्जउ । मंतिणो वि इणमेव सम्मयं पइट्टावियं सव्वम्मि नयरे। राइणो भत्तिरायाणुवित्तीहिं पडिवणं लोएण । पविट्ठो सामी गोयर-चरियाए न य तेहिं सव्वेहिं पयारेहिं भयवं गिण्हइ । एवं च ताव एवं ।
इओ य सयाणीओ सहसा चेव सबलवाहणो दहिवाहण-गहणट्ठा चंपं पइ पहाविओ । अंतरा नई । तं नावाहि उत्तरिऊण रयणिमझे चेव अचितिया वेढिया नयरी। अप्पबलो कह-कह वि पलाणो दहिवाहणो । घोसावियं सयाणीएण-निय-बला-'जो जं गिण्हइ सो तस्स सामी नाहं परिपंथगो ।' एवं सुणियसविसेसा पयट्टा लूसी । इओ तओ विलुलिओ नयर-जणो। न मुणिज्जइ अप्प-पर-विसेसो। न मुणिज्जइ छप्पविभागो। दढप्पहार-पहया निवडंति धरणियले सुहड-संघाया । दसण-गहिय-दसंगुला मग्गंति धम्मदुवारं कायर-जमा । 'हा ! भाय, माय ! पुत्ताइ-पद्दमाउला इओ तओ परियडंति नगर-नारीगणा । भयसंभंतलोल-लोयणा विरसमारसंति चउप्पया। एवंविहे नयरिसंभमे
- दहिवाहणस्स रण्णो महादेवी जिणवयणसवण-मुणिय-जहट्ठिय-संसार-सरूवा समं वसुमईए दुहियाए इओ तओ पलायंती पत्ता एगेण पुरिसेण । खणंतरेण पहया पयाणढक्का । पडिनियत्तो स-नयराभिमुहं राया । सो वि पुरिसो
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |