Page Text
________________
मणोरमा-कहीं
वा उवाएण एयं पावं सोहेमि।" एवं विगप्प-सय-समाउलमाणसो संजायपच्छायावो गओ कणगसंदरीए वास-भवणं दिदा पविसंतेण गाहा। भाविओ तयत्थो 'जहा-निरवराहा सा वराई मए माराविया।' सविसेस विसण्णमाणसो अवसरगएण पणमिओ मंतिणा। राया वि सूण्ण-चित्तत्तणओ असंभाविऊण मंतिणं--"अहो मे अदीह-द अकय-अवराहा वराई कणयसुंदरी कु[मरणे]ण माराविया।" बलियचित्तं नाऊण रायाणं आणिया मंतिणा कणयसुंदरि। पुरओ काऊण विण्णत्तो राया--"देव ! कणयसुंदरी पणमेइ' उवरिहत्तं नियंतेण दिट्ठा रण्णा । पुट्ठो मंती--"किं न वावाइया?" तेण भणियं-"वावाईआ चेव परमत्थओ केवलं देव-कोवावसाणं दठ्ठकामेण धरिया।" छूढा अंतेउरे कणयसंदरी । रण्णा पसण्ण-माणसेण उववहिओ मंती, "अहो ! जहत्थ नामो सुबुद्धी तुम।" सम्माणिओ पवरवत्थाईहिं। संवड्ढिया भोगा। पमाणीकओ सव्व-पओयणेसु। पत्ता सयलजण-मज्झे पसंसा । अओ, कुमार ! 'दीहदरिसी पसंसणिज्जो त्ति' मे मई"। एवं साहिऊण निय-निययाभिप्पायं तिण्णि वयंसगा मोणमासिया ।
एत्थंतरे सोमो व्व नियवयणामय-निव्वविय-सयलजीव-लोगो, तीआणागय-वमाणवत्थ-वियाणगो, सयल-जगजीव-वच्छलो, पंचसमिओ तिगत्तो, निम्ममो, निरारंभो, समतिण-मणि-लेट्ठ-कंचणो, गामाणुगाम विहरमाणो बहुसंघपरिव्वुडो, चोद्दस-पुब्वी चउनाणोवगओ, समागओ तम्मि चेव उज्जाणे अमरतेउनामआयरिओ । समोसरिओ अहाफासुए पएसे। समागया वंदणा-निमित्तं नागरया। नरसीहकूमारेण वि भणिओ धणदेवो---"भावणिय-तणय-दुत्थियाणं इट्टवियोगाणिट्ठसंपओगपीडियाणं पाणिणं धम्म-सवणं संगयं। ता एहि, गच्छामो अचितिया अमयवुट्ठि व्व एत्थेव समागओ भयवं सद्धम्म-सारही।" धणदेवेण भणियं--"जं समाइसइ कुमारो।" गया सव्वे वि, वंदिया सूरिणो। निसण्णा समुचियभुभागे। पारद्धा भगवया धम्मदेसणा--"भो भव्वा ! असारो एस संसारो। किपाग-फलं व मुह-महुरा विरसावसाणा विसया । करि-कण्णचंचलाओ संपयाओ । वाय-विहय-कूसग्गबिंदु-चंचलं जीवियं । पंचदिण-रमणिज्ज जोवणं । एग-रुक्ख-निवासि-सउणगण-समाणा पिय-जणसमागमा। पलियच्छलेण पइदिणं लद्धावगासा सिरं समारोहइ जरा-रक्खसी। आममल्ल]गनिवडिय-जलं व पइदिणं परिसुसाइ आउ-सलिलं । अणंत-संसार-कारणं कसाया । दुग्ग[ई-पह-पत्थियाणं समा सोपाण-पंतिया अविरई। हियाहिय-वियारनिसग्ग-सत्त-कप्पं मिच्छत्तं । सयायरणविबंधगा दुजोगा। विजियसयल-तिहुयणो पच्चासण्णो सया मच्च । समुद्द-पवडिय-रयणं व दुल्लहं पूणो वि विसुद्ध-धम्मसाहगं, आरियदेसे माणुसत्तणं। तम्मि वि दुल्लहा सुगुरु-सामग्गी । तत्थ वि बहुपुण्णपावणिज्जा सद्धम्म-सवण-बुद्धी । सुणताण वि विरलाण चेव जहट्रिय-तत्त-सहहणेण सम्मत्त-सूद्धी । सहहता वि बहवे नाणद्राणं पइ वावारिति वीरियं । ता भो भव्वजणा ! जइ
। ता सयल-कल्लाण-परंपरा-निबंधणोसंसार-सायरतरण तरंडोवमे, गरुय-दह-दंदोलि-सिहरिसिहर-वज्जासणिसन्निहे, अहरिय-चितामणि-कामधेणुकप्प-पायवमाहप्पे, सयल-पाणिगण-निक्कारण-बंधवे, सयल-सुहसाहणेक्क-पच्चले, परिहरिऊण सुह-परंपरा-परमवेरिणं पमायं, जिणधम्मे समुजेह । जओजीवा धम्म-पमायं कुणमाणा पाविऊण जिण-वयणं । लद्धण माणुसत्तं, भवकोडि-सएसु दुल्लभं ॥२२२।। मणुयत्तणाओ भट्ठा, नारय-तिरिएसु तिव्व-दुक्खाई। हिंडंप्ति अणुहवंता, परव्वसा दुत्थिया दीणा ॥२२३।। तेत्तीस-सागराइं, नरए दुक्खाइं अणुहवेऊण । तिरिथत्तणम्मि पत्ता, सत्ता हिंडंति दुक्खत्ता ॥२२४।। छेयण-भेयण-डहणंकणेहिं, तोत्तथकसंकुसाईहिं । बाहिज्जता विवसा, वसंति तिरियत्तणे जीवा ।।२२५।। पावा पमाय-वसगा, हिंसालिय-तेण-मेहुणासत्ता । अकय-परिग्गह-नियमा, जीवा हिंडंति संसारे ।।२२६।। ठाणे ठाणे दुहिया, धण-रहिया पर-मुहाणि जोयंता । 'देदेहि-देहि-देहि' त्ति, जपिरा पर-घर-मुहेसु ।।२२७।। संसाराडविमझे, हिंडता धम्म-संबल-विहूणा । तिहा-छुहा-किलंता, ताथारनरं अपार्वता ।।२२८।। सथल-कुसलेक्कमूलं, आरिय-खेत्तम्मि माणुसं जम्मं । कहवि लहंति अजीया, जिणवयणं दूरओ ताव ।।२२९।। तुट्टइ आउय-सलिलं, जीव-तलाथम्मि पइदिणं चेव । उत्थरइ जरा ढुक्कइ मच्चू अनिरुद्ध-सामत्थो ।।२३०।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |