Page Text
________________
सम्मत्त-बीय-लंभो णाम पढमो अवसरी तत्थ य धनदेवकहाणगे मइसागरमंतीदिद्वैते धनदत्ताइवइवरो
४३.
भवंतो सक्खिया। तहेव कयं । गया सट्राण सयणाइया। उवरओ सेट्ठी। कइवयदिणेहिं कय-मय-किच्चा विराममोर घरकज्जाणि विचितिउमाढत्ता तणया। वच्चंति वासरा। कलहंति परोप्परं तेसि जायाओ। तन्निमित्तं ताण वि जायक चित्त-खंडणा।
अण्णम्मि दिणे भणिया धणेण धणदत्ताइया--"संपयं जइ पुढो हविज्जइ तो सोहणं।" । पडिवणं सव्वेहि सोहण-दिणे सूहि-सयण-समक्ख उक्खणिओ धणेण निय-नामंकिय-कलसो जाव तत्थ धूली चेव केवलं । ठिओ अहोमदो लज्जाए। धणदत्तेण वि उक्खणिओ निय-कलसो। तस्स पुण अट्ठीणि चेव केवलाणि। सो वि विलक्ख-वयणो सयणजण-महाणि जोइउमाढत्तो। धणमित्तेण वि उक्खणिओ निय-कलसो। तत्थ वि वहियाओ चेव केवलाओ। सो वि संजाय-विलक्खो ठिओ अहोमहो। धणचंदेण वि कडिढओ निय-कलसो। सो पूण रुप्प-सवण्ण-मणिमोतिर दिट्ठो। हरिसिय-हियओ, वियसिय-वयण-नयणो, कलसं गहाय गच्छतो भणिओ धणचंदो धणाईहि--"बच्छ! कहि गम्मइ? मंच कलसं। सयल-साहारणो एस अत्थो। समभागेहिं कीरउ। किन अम्हे तायतणया?" तो 'ताण जं दिन्नं तं गिण्हह' एवं तेसि विसम वयंताण जायं भंडणं। निवारिया सुहिसयणवग्गेण धणाइणो--'न एत्थ तब्भेहि कि पि लडेयध्वं जीवंतेण वि सेट्रिणा छिण्णो तुब्भाण ववहारो । वयमेत्थ सक्खिणो।" परिभ्यं अत्ताणयं मण्णमाणा पंचउलमुवद्विया । तेण वि विण्णायवुत्तंतेण निवारिया । अमच्च-सामंतेण वि मुणिय-वत्थुपरमत्थेण अवगणिया पता
राइणो पायमलं । 'गहणमेयं ति, भणिऊण रणा वि विसज्जिया । गया नियमंदिरं। भणिओ तेहिं धणचंदो-'न एत्थ छिण्णो ववहारो। अन्नत्थ गम्मउ। संचलिया चउरो वि वसंतपुराभिमुहं। दिदा अवलोयण-गएण राहणा। पचिओ निय परिसो। “के इमे परिसा? कहं वा पत्थिया?" तेण वि नायवुत्तंतेण साहियं जहट्टियं । रन्ना चितियं--"नायव्वो सो मए जो एयाण विसंवायावहारं करिस्सइ" पच्छण्णमेव पेसिओ निय-पुरिसो तयणुमग्गेण। गया थेवंतरं । सम्प्पन्नपच्छायावेण भणियं धणेण "भो! न घर-विरोहो सुंदरो। संवरिज्जउ एस कलहो । गम्मउ निय-घरं। न उ पतं दविणमेयमम्हेहि। कहमण्णहा ताओ एवं करेइ ?" सुमेह एत्थ दिद्रुतमेगं--"एगाए अडवीए घय-भरिय-भंडीए सिह-सितं नाडयं निवडि[इयं । इओ तओ परिभमतेण दिळं जंबुएण । संजाय-हरिसेण गहियं, एगंतवक्कमिऊण आणंद-भरनिब्भरो उड्ढमुव्विहइ पडतं मुहेण पडिच्छइ, पच्छा तिरिच्छं पक्खिवइ, झड त्ति धाविऊण गिण्हइ। अण्णया उड्ढं उबिह-माणस्स पलास-सिहरे विलग्गं नाडयं । विलक्ख-वयणो निय-हियय-साहारणत्थं एवं पढिउमाढत्तो जंबुओकिर णउ हुंतउं चक्कमउ किल मइ लद्धउ नासि। जइ उप्पत्तउं हुतु मइं तो नवि चडतु पलासि ।।
तुब्भे वि एवमत्ताणयं धीरेह।” धणदत्तेण भणियं--"न एवं अम्हाण निव्वुई हवइ जाव न केणा वि मज्झत्थेण निवारिया।" धणेण भणिअं--"जइ एवं तो अलमइदुरगमणेण । समासण्णमेव गोउलं गम्मउ।" गया सव्व-सम्मएण। दिटठो धणसामी नाम मेहरो। पूच्छिया तेण--"तुभे के? कि निमित्तं वा इहागया?" कहिओ तेहिं सम्वो वि जहडिओ निय वइयरो । साहावि अमइ]विहवेण विमरिसिऊण जंपियं तेण--"न तुम्हाण पिउणा एगस्स वि परिभवो कओ। नवरं जो जत्थ कुसलो, सो तस्स सामिओ समाइट्ठो । पढमो [खेत्त-घर-हाण । बीओ गवाइचउप्पयाण । तइओ कलंतराइ-दिण्ण-दविणस्स । चउत्थो 'बालोति काऊण [७]प्प-सुवण्णाईण सामी कओ।" संजाय-पच्चएण भणियं धणेण-घडइ ते वयणं ।' जओ-'कुसलो हं घराइ कज्जेसु।' बीएण भणियं-'अहं पुण चउप्पय-विसएसु।' तइएण भणियं; 'अहं उग्गाहणियाए।' अओ चेव ताएण एवंविहा कलसा कया । हरसिय-माणसा समागया सनगरं। समीवसंठिएण सुओ एस वइयरो पुरिसेण। कहियं रणो। बीय-दिणे सहाविओ मेहरो। संभंत-चित्तो समागओं गहिऊण दहि-दुद्धाइ पाहुडं। निवेइए पविट्ठो। पणमिऊण नराहिवं निविट्ठो। पुच्छिओ राइणा--"कहिं तए एरिसो विवाय-परिच्छेओ सिक्खिओ?" तेण भणियं--"महाराय ! रणे जायाणं, रणे चेव संवड्ढियाण, हरिणाण व अदिट्ठ-बिसिट्ठ-जणाण, कत्तो सिक्खागमो अम्हारिस-पुरिसाण। साभाविया एसा मे मई।" सम्माणिऊण वत्थाईहिं विसज्जिओ मेहरो। संजायसंको चितिउमाढत्तो राया--"जह नाम एयस्स निरुवएसा एरिसा मई तहा जइ कणगसुंदरीए वि निऊणविणय-कुसलतणं हवेज्जा को विरोहो? अहो! निरत्थओ मए अप्पा इत्थी-वहेण संजोइओ। ता किं करेमि? कस्स कहेमि? केण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |