Page Text
________________
मणोरमा-कहा
जंपियमिमीए--"नाहं वियाणामि ।” तं सुणियसमुपण्णाणखेण पहयं नियसिरं खलंकाहि अणक्ख-बहुलेण । रण्णा भणियं[किमेयं ? तेण भणियं-] “जस्स भएण रण्णे घरं कयं खक्खामहादेवि दंसयंतेण पढियं अणक्ख-बहुलेग । कल्लइ बोरई विक्किणइ अज्जु न जाणइ खक्ख । पडुयइ अडविहिं करि सुघरु न सहउं एइ अणक्ख ।।२१३।।"
'दुप्पडियारं' ति, काऊण विसज्जिओ रण्णा। गओ तम्मि चेव ठाणे। तहेव कालं गमेइ।
अण्णया [तमं]तमंधयाराए रयणीए निसओ तेण सद्ल-सद्दो । भयभीओ अण्णत्थ कत्थवि निलुक्कण-ठाणमलहंतो पविठ्ठो संकड-दुवारं कुंभियं। पभाए निहरिउमचयंतो तण्हा-छहाभिभूओ नारओ इव घडियालए विसंठुलं तड-[फ] डंतो विरसमारसंतो तत्थेव विणासमावण्णो । समागया कूलालाणयण-निमित्तं तणया । न पेखंति पियरं । इओ तओ गवेसयंतेहिं दिट्ठो कुंभियाए पंचत्तमुवगओ। कुंभियामुहे उवएस-गभं गाहा जुयलं च-- वग्घ-भएण पविट्ठो, छुहा-हओ निग्गमम्मि असमत्थो । अट्ट-वसट्टोवगओ, पुत्तय ! पत्तो अहं निहणं ।।२१४।। इहलोगम्मि दुरंते, परिलोग-विबाहगे दुह-विवागे। मह वयणेणं पावे वज्जेज्जा पुत्तथ ! अणक्खे ।।२१५।।
अवधारिऊण तयत्थं काऊण जणयस्स मयकिच्चाणि विगयसोगा घरकज्जाणि काऊमाढत्ता। "ता पिए ! ण पराणक्खहि एवमणत्थभायणं पाणिणो हवंति । जइ अहं नियजणणीए विणयं पउंजामि ता किं ते सिरो बाहइ ?" विण्णाय-नागदत्त-निच्छया ठिया मोणेण नागसिरी। वच्चंति वासरा।
___अण्णम्मि दिणे भणिया नागदत्तेण-"पिए ! जइ तुमं नियसासुयाए सुस्सूसं करेहि तो हं देसंतरं वच्चामि वणिज्जेण।" हरिस-वस-वियसिय-वयणाए पडिवण्णमेयाए । गओ नागदत्तो । पत्तावसराए चिंतियं नागसिरीए--"साहेमि संपयं नियसमीहियं ।” तओ आहार-निरोहं कुणमाणीए कमेण महातवस्सिणा व नियतगू सोसिया सा कया तीए [तेण] उठेउं पि न तीरइ। परिसुसिथ-रुहिर-मंसा, पसरिथ-सासा गलतनवणा य । कहवि जंपमाणी, नित्थामा गमइ दियहाई ।२१६। वहुथाओ सासुथाणं कलुसिय-हियथाओ जं विचितंति । सइ सामत्थे जं पुण कुणंति कि तेण भणिएण?।२१७।
. दुह-भरियाए कंठ-गयपाणाए, समागओ नागदत्तो। निवडिओ चलणासु पुच्छ्यिा [जणणी] सरीरोदंतं, 'विमाणियाहमिमीए का मं. बालो तुमंति' वत्तव्वे खलंतक्खरं 'कामपालो'लि जंपियं जणणीए। पुच्छ्यिा तेण नागसिरी-"पिए! कि ते सासुया समुल्लवइ?"
तक्कालप्पण्णपाइभेण जंपियमिमीए-"तमेसा समुल्लवइ जं वोतुंपि न तीरइ तहवि तुह साहिज्जइ । जम्मि चेव दिणे अज्जउत्तो पवसिओ तम्मि चेव दिणे एगते भणियाहमिमीए-"वच्छे ! अत्थि मे नाम पुरिसो। अणवच्चा य तुम ता तं रयणीए पच्छण्णं पवेसेमि। न पडिवण्णं मए । पुणो पुणो भणंतीए समइक्कताणि सत्तदिणाणि। तहवि न मए पडिवण्णं । तओ आणाखंडणं मन्नमाणी सा भोयणं पि न करेइ । तओ]समुप्पण्णकोवेण जंपियं तेण-"मा करेऊ उत्तिण्ण-चित्तं नाऊण जंपियं नागसिरीए-"अज्जउत्त ! विसज्जेसु मं नाहमिमीए सद्धि एगंपि दिणं तुह घरे वसामि ।" तेण भणियं-"न तुमं विसज्जण-जोगा जीसे सीलपरिपालणे एरिसओ निच्छओ। एसा पुण लंघिय-मज्जाया थेरी विसज्जणं पि अरिहइ।" तीए भणियं-"जइ एवं तो हं ठिया।"
तओ सो तव्वयणेण थेरी घेत्तूण निग्गओ घराओ। गओ जोयण-पंचगं। दिट्ठा अडवि-मज्झे एगा पवा। मोत्तूण तत्थ नियजणणी समागओ नियघरं । सा वि दिवा पवा-सामिएण । भणिया “वुड्ढे ! समागय-जो तए पाणियं पाइयव्वो। बसणासणाइचितं अहं ते करिस्सामि। पडिवण्णमिमीए।" वच्चंति वासरा।।
अण्णया जाओ परोप्परं सिसिर-गिम्हवासारत्ताण विसंवाओ । सिसिरो· भणइ-“मए मेइणी भुसिया।" गिम्हवासारत्ता वि एवं चेव भणंति। न छिज्जइ ताण विवाओ। भणियं सिसिरेण-“पुच्छामो के पि चिरवयसं।"
Jain Education.International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |