Page Text
________________
मणोरमा-कहा
नीमिया मा सहत्थेण अहापज्जत्ता मणोरमा भिक्खा। निवडिओ चलणेसू। गओ सो सद्राणं। अहं पि गहिऊण पृष्फफल-तंबोल-विलेवणाइयं तयणमग्गलग्गो चेव पत्तो तस्सासमं । पक्खालियं तस्स चलण-जुयलं । समप्पियाणि पुप्फ-तंबोलविलेवणाणि । सह-पसूत्तस्स तालविटेण पविजिउमारद्धो । एवं बीए तइए वि दिणे । चउत्थदिणे भणिओहं तेण"वच्छ! किमेवं कज्जवसेग गुरु-पडिवत्ति करेसि, परलोगत्थी वा ?" मए भणियं--"संपयं पओयणवसेग।" तेण भणियं "भण जेण पओयणं ।" साहिओ मए निय पइण्णा-विसेसो । तेण भणियं-"अत्थि एत्थ उवाओ केवलं सत्त-सज्झो। मारा भणियं--"केरिसो ?" तेण भणियं--"अट्ठोत्तरसय-वार मंतक्खराणि जविऊण नियसिरेण गिरिकंदरोदरो नाम जक्खो पूइयव्वो। पच्छा सो सत्ताणुरूवं वरं वियरइ ।” पडिवण्णं तं मए । गहिओ मंतो। कयं बलिविद्वाणं । गओ गिरि-कंदरोदर-मंदिरं। पूइओ जक्खो। कओ मंत-जावो। [आ]कड्ढियं कोसाओ जम-जीहा-करालं करवालं । बाहियं नियकंधराए निरुवम-सत्तगुणावज्जियमाणसो अद्ध-छिन्ने चेव [सिरे] पच्चक्खीहओ जक्खो । भणिओहमणेण-- "किं ते पियं करेमि?" मए भणियं--"असुत्त-पड-करण-सामत्थं देसु" तेण भणियं-"भविस्सइ [वच्छ! ते चितिअं" तओ संपटकण विसज्जिओ मए जक्खो। अहं पि परिओसमुन्वहंतो सभवणमागओ । कयण्हाण-भोयणो गओ राय-भवणं । पणमिओ राया। निसण्णो उचियासणे । पुच्छिओ मंतिणा- “पडिपुण्णा ते पइण्णा?" मए भणियं--'आम'।
तओ सयल-सहा-समक्खं विक्खेविऊण गयणंगणे करजुयलं दिण्णं देव-दूसोवमं वत्थ-जयलं नरवइणो । एवममच्चसामंताईणं पि। संतुट्ठो राया। गुणगाहिणी जाया नरवइ-सहा। भणिओहं राइणा-"किं ते पियं करेमि?" मए भणियं--"वरिसमेगं अकरं करेसु जणवय (मिमं]" । पडिवण्णं राइणा। दिण्णो [पवरगाम-पंचगसहिओ [सयल विसयसारो-सह-संगमो नाम महागामो। वियरिओ जहिच्छावरो। एवमेसा मह सत्ती जाया।
तओ अभिनंदिओ मए कुल-पुत्तओ। पसंसिओ बहुपयारं । [दोहि वि] पत्थिया तओ टाणाओ। लंधिया सत्तरतेणाडवी। गओ सो सद्राणं। अहं पि पओयणवसेणेहमागओ। ता एवं विणा वि सूत्ते दिठो मए कीरमाणो पडो। अत्थावज्जणं पि ववसाइणो न दुक्करं। ववसाओ चेव पुरिसाणं गरुयभंडमोल्लं। जओआढत्ता सप्पुरिसेहि गुरुअववसाथदिण्णचित्तेहिं । कज्जारंभा होहिंति निप्फला के चिरकालं ।।२१२॥"
मए भणियं--"एवमेयं, नत्थेत्थ संदेहो । नियत्तिओहं इमाओ अविहिमरणाओ। वच्चामि संपयं सट्राणं।" जोगिएण भणियं-"वच्छ! इमाए गुरुयण-परायत्तयाए समावज्जियं मे हिययं। गिण्हह इमं थावर-जंगम-विसावहारकारणं पहाणमणि।" अगुग्गहों त्ति मण्णमाणेण पडिच्छियं नागदत्तेण । गओ जोगिओ सट्टाणं । नागदत्तो वि सनगरमागओ, साहिओ सव्वो वि सवित्थरो नियवइयरो जणणीए। तीए भणियं--"वच्छ! गच्छउ दविण-जायं। तए धरते सव्वं चेव धरइ। धण्णाहं जीए पुणो वि तुह मुहकमलमवलोइयं ।" एवं भणिऊण सिणेहसारं निवेसिओ उच्छंगो । चुंबिओ मुद्धाणे। नागदत्तेण चितियं-“अहो ! सिणेह-कायराणि जणणि-हिययाणि । अहं पुण सिला-संघाय-कढिणमाणसो जो तहा अवगणिऊण जणणी देसंतरं पत्थिओ। पत्तं इहलोए चेव अविणयफलं । सिंपयं] परमविणएण समाराहयामि [मायरं]" । एवं कयनिच्छओ पासडिओ पइदिणं पज्जुवासेइ। हायाए ण्हाइ भुत्ताए भुंजइ । कि-बहुणा ? सव्व-पओयणासु वि अणुकूलयाए वट्टइ । एयं दळूण दूमिज्जइ घरिणी । अविहसिय-पलास-कुसुमं व सामवंकियमुही न घरकज्जेसु वि समं पयट्टइ। एवं वच्चइ कालो।
अण्णम्मि दिणे गुणधर-सेट्ठि-सुओ गुणसारो किण्हाहिणा दट्ठो। समाओ गारडिओ। पउत्ता मंतादया वि न
वि विसेसो। तओ) णिणाइओ पडहगो । काराविया घोसणा-"जो गुणसारं जीवावेइ तस्स सेट्टी सयसहस्सं देइ।” निवारिओ पडहो नागदत्तेण । घेत्तूण [जोईसरेण दिण्णं मणि-रयणं गओ सेट्रि समीवं पक्खालिऊणमणिरयणं तं जलं पाइओ गुणसारो। गयविस-वियारो, पउणो संवत्तो। तुठेण सेट्रिणा सूवण्ण-सय-सहस्सं दिण्णं । गओ गहिऊण नागदत्तो सभवणं । सविसेसं समाराहेइ जणणि-चलण-जयलं ।
अण्णम्मि दिणे विमण-दुम्मणा, विमुक्क-दीह-नीसासा, विच्छाय-[वयणकमला मंचगया] दिट्ठा नागसिरी नागदत्तेण। पुच्छिया-“पिये ! कि ते बाहइ?" तीए भणियं-“सिरोवेयणा।" नागदत्तेण भणियं--"किं निबंधणा?"
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |