Page Text
________________
सम्मत्त-बी-लंभो णाम पढमो अवसरो तत्थ य धनदेवकहाणगे अमय महाथेरी दिट्ठते कुलवइव इयरो
उहिया मए । समुप्पण्णविलक्खाए पक्खित्तो अप्पा तीए नगरकूवे । पडण- सद्द-सवण-संभंत माणसा मिलिया काऊण कोलाहलं नर-नारि-गणा । विगयपाणा [I] समुत्तारिया कूयाओ । मुणियवत्तंतेण धिक्कारिओहं नागर-जणेण । परि[ह]रिओ सयणवग्गेण । न भुंजिति मह घरे बंभणा । न गिण्हति भिक्खं पासंडिणो । तओहं विसायमावण्णो 'मरणमेव मह समुचियं' ति मण्णमाणो निग्गओ नयराओ । गओ थेवं भूमिभागं । दिट्ठो पुव्वपरिचिय - गंगाधर-तावसेण । पुच्छिओ तेण - "वच्छ चंडरुद्द ! किं कारणं विमण- दुम्मणो वि य लक्खीयसि ?" साहिओ मए मरणज्झवसाणपज्जंतो निय वइयरो | तावसेण भणियं -- "वच्छ ! धम्मो चेव जणणि-वह-जणिय पाव-पंक पक्खालग सच्छ-सलिल- सन्निहो सेसदोसनिग्धायणसमत्थो । अतो त [ मेवधम्मं ] करेसु जेण [ते] सुद्धी हवइ ।" पडिवण्णं मए तव्वयणं । गओ तावसो । मयावि गहिऊण तावसवयं अइनिव्वेएण सुण्णारण्णमिणमंगीकथं । [ एवं] सुणियविसण्णो नागदत्तो । गहिओ पच्छायावेण । चितियं चाणेण -- “ मयावि अवगणिया जगणी । विणासिओ घरसारो । मरणमेव मह सरणं" ति, मण्णमाणो गओ तावस-जणसाहिय-सामत्थं सव्वकामियं नाम पडणं । चितिरं च पवत्तो-- 'दुल्लहा पुणो वि सव्व-कामिय-पडणसंपत्ती जम्मंतरे वि मा जणणि जणयाण अवमाणकारी हवेज्जा' काऊण पणिहाणं एत्थ निवडामि [त्ति चितिऊण सो] समारूढो सव्व - कामिय-पडण[सिहरि] सिहरं । दिट्ठो मंत-साहत्य-समागएण जोग - सिद्ध-जोगीसरेण । लक्खिओ तेण भावो । संभासिओ महुरवयणेण। भणिओ य सो तेण – “भद्द ! को तुमं ? कि वा काउमारद्धो ?” साहिओ नागदतेण सब्वो विनियवइयरो | जोगसिद्वेण भणियं -- “ भद्द ! बुह-जण-निंदिओ अप्पवहो । विरमसु तुमं इमाओ मरणज्झवसायाओ । करेहि गंतूण नियजणणीए पाण- भोयण - न्हाण-सयणासणाइणा विनयकरणेण परम-पडिवति । पणट्ट-दविणजाय-विस [ए] वि साओ चेव संगओ न मरणं ।" नागदत्तेण भणियं - "भयवं ! सोहणं तए समाइट्ठ । किंतु नीणियं मए नियधराओ भतं दविण जायं नासियं च । संपयमत्थेण विणा ववसाएणावि न तावइयं विढवेडं तीरइ । न निउणो वि कोलिओ सुत्तं विणा पड-करण - समत्थो ?" जोगसिद्धेण भणियं -- “भद्द! दिट्ठो मए विणावि सुत्तेण कीरमाणो पडओ ।" नागदत्तेण भणियं -- "कहं ? " -- [ तेण भणिअं ] "गओहमेगया पओयणवसेण उत्तरावहं । तत्थाडवी - सीसे मिलिओ एगो कुल-पुत्तओ। भणिओहमणेण -- "[भ] ] ! एहि, समगं चेव वच्चामो।" संपयं सिसिरकाली, हिमालय-भूमी एसा, अप्पाउरो अहं, दीes एयस्स मत्थए गस्य चीरमोत्तोली, वियरिस्सइ ममावि रयणीए सवडिमेतं [त्ति ] चितिऊण चलिओहं तेण समं । पत्तो अडविमज्झं । अत्थमिओ दिणयरो । मोत्तूण मग्गं वसिया एगत्थ-पए से । छोडिया तेण पोट्टलिया जाव तत्थ संबल मेव केवलं ।
ओ विसायमावणेण जंपियं मए - " [नूनं] मरियव्वमज्ज सीएण" । [तेण] भणियं -- ' किं कारणं ?' मए भणियं -- “अपाउरणो अहं । तुमं पि महसरिच्छो चेव । किलेसेण गमियव्वा सिसिरसीयल-पवण वज्जिर- दस हिं सव्वरी ।" तेण भणियं -- " मा भयाहि । पेक्खसु निय- मित्त-सत्ति ।" कुविदेण य विक्खेविया तेण नहयले हत्था । पाउभूयं सुमाल - पहाण - बूरवट्टिया जुयलं । एगा महं समप्पिया । बीया अत्तणा पाउया । पणट्ठे सीयं समुप्पन्न - कोउगेण जंपियं मए - " अहो ! अचित - सामत्थयावयंसस्स अलमियर-संकहाए । एयं चेव ताव कहउ पियवयंसो ! किमेसो ? सुपसण्ण-गुरुपाउया-पसाओ उयाहु देवयावरो ?" तेण भणियं सोम ! सुण,
३.७
"अत्थि मगहाविसए जयंती नाम नयरी | कणगसेहरो नाम राया । अण्णया अत्थाणगयस्स राइणो [चित्तनिउणो] नाम कुविदो पओयणवसेण समागओ उवायणीकयं तेण विचित्त-मणहरं पवर-तेयसा दिप्पमाणमच्चतसूमाल - फासं वत्थ-जुयलं । तक्खणा चेव नियंसियं राइणा । निसण्णो सीहासणे तुट्ठो कुविंदस्स । दिण्णोसयलविसय- पहाणो गामो, निय-अंग- लग्ग वत्थाभरणाइयं च । पसंसिओ सयललोएण । परगुण-सवण समुप्पण्ण-मच्छरेण पयडमेव जंपियं मए रायसहामज्झे - "सुत्तेण [पडो] कीरइ किमेत्थ अच्छेरयं" ? कुविदेण भणियं -- “ जइ सुत्तेण विणा [पडं] करेसि तो जुज्जइ । " मया भणियं - "कया मए रायसमक्खं एसा पंइण्णा -- जइ सत्त दिणमज्झे असुत्तं पडं न करेमि तो जलणं पविसामि ।" कुविदेण भणियं -- “अत्थि ताव वयण- वित्थरो कज्जसिद्धीए पुण संसओ ।" अदिण्णपडवणो चेव निग्मओ हं रायमंदिराओ । पत्तो सभवणं 'कहं नु नाम मए एस पइण्णा - सागरो तरियव्वो ?' एवंविहचितासमाउलो जाव चिट्ठामि ताव समागओ मह घरे लीलाविलासो नाम जोगिओ । घरंगणे होऊण हुंकारियं तेण ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |