Page Text
________________
मणोरमा-कहा
तओ भद्द ! निवारेहि जइ सोहणेण पओयणं ।" तओ करे घेत्तूण वाहाविल-लोयणाए भणिओ नागदत्तो जणणीए जहा--"जाय ! जमहं भणामि तं तए कायव्वं।" तेण भणियं--"अवस्सं काहामि [तुह वयणंमा खेयं करेसु" तीए भणियं--"जइ एवं तो न तए बाहिं वसियव्वं ।" पडिवण्णमणेण। वच्चंति वासरा, मिलइ उज्जाणाइगयरस अणंगसेना। संवड्ढइ ताण तत्थ गोट्ठीरसो, देइ पच्छन्नमेव दविण-जायं नागदत्तो।
अण्णदियहे सपरिहासं जंपियमिमीए--"अहो ! दोहग्गं मह मंदिरस्स जेण पढमदिणे दठ्ठण तओ पुणो अज्जपुत्तेण ण दिळं ?" तेण भणियं--"गुरुयण-परायत्तयाए न सक्खं दीसइ, हियएण पुण पइदिणं पेक्खामि" तीए चितियं---'ईसरपुत्तो एस दाया अणुरत्तो य जइ कह वि जणणीए विओइज्जइ ता पुज्जति मे मनोरहा।' भणिओ अणाए नागदत्तो--“अवसरो एस अत्थोवज्जणस्स। जओ-- पढमे न पढइ विज्ज, बीए अत्थं न चेव विढवेइ। तइए न कुणइ धम्म, तुरिये होइ हु असारो ।। ववसाथवज्जियाणं संता वि सिरो पणस्सई चेव । होइ असंता वि धुवं ववसाय-पराण पुरिसाणं ॥२०९।। पुव्व-पुरिसज्जियाए लच्छीए कुणइ जो नरो गव्वं । सो गय-लज्जो धणियं अहवा अहमाहमो चेव ।।२१०।। अप्प-परोभय-सुहया भुज्जती तह परेसिं दिज्जती। निययपरक्कमपत्ता भिक्खावियं किं पुणो लच्छी ।२११॥
ता कीरउ कालोचियं, गम्मउ देसंतरं," ठियमेयं चित्ते नागदत्तस्स गओ नियघरं । विणता जणणी-- "अम्मा विसज्जेस मं देसंतरं अत्थोवज्जणनिमित्तं" । पडिसिद्धो जणणीए । तहवि न ठाइ । तओ [सा] रोइउं पवत्ता। नागदत्तण भणियं-"अम्मो ! अलं रुइएण । लहं चेव समागच्छामि ।" [इच्चाइ लवंतो] पडिसिद्धो वि [सो] न ठिओ । कया गमणसामग्गी । निग्गमणदियहे सविसेसं निवारिज्जमाणो वि अवगणिऊण' * [जणणीं]। चलिओ नागदत्तो। ठिओ नगरस्स बाहिं। भणिओ अणंगसेणाए-"अज्जउत्त ! तुम विना सुण्णमिव नगरमिणमहं मण्णे। जइ भणसि तया तुमं सह समागच्छामि।" पडिवण्णमणेण। कमेण वहतो सत्थो सो पविठ्ठो कंतारे दुरुत्तारे। वेढिओ भिल्लेहि
। भयसंभंतलोयगो एगागी चेव पविटठो पलाइओ सुण्णारणं नागदत्तो। अणंगसेणा वि बंदिग्गाह गहिऊण पल्लिवइणा पल्लि पाविआ।] नागदत्तण वि कतारमझे दिलो एगो तावस-कुमारो । पणमिऊण पुच्छिओ-- "कहि तुम्हाण तवोवणं?" तेण भणियं--"इओ नाइदूरे चेव।" गओ तेण समं तावसासमं । नागदत्तो वंदिओ कुलवई। सुओ तदंतिए खणमेगं धम्मोवएसो । पच्छा पुच्छिओ तेण कुलवई “भयवं ! असाहारणरूव-सोहग्गाइ-गुण-गणालंकियस्स पढमजोवणे वठ्माणस्स कि में वयकरणकारणं?" कूलवंइणा भणियं--सोम! [सूण]--
कुलवइवृत्तंतो
.. अस्थि मलय-विसय-मंडणं चंदणपूरं नाम नयर। तन्निवासि-चंडदेवमाहण-सूओ चंडरुद्दो नाम अहं । कालंतरण उवरओ मे पिया । मह संकंतो घरभारो । अवरोप्परं कलहमाणीओ न सक्केमि निवारे जणणि-घरिणीओ । ताव चेव सुहं जावज्जवि घरं न पविसामि । अण्णम्मि दिणे भणिओहं घरणीए-"जइ मए पओयणं तो नियजणणी घरबाहि काऊण भोयणमेत्तसंतूटठं धरेहि, मम वा विसज्जेहि।" तओ पम्हसिऊण जगणीए उवयारं, अवलंबिऊण नीयजण-चेट्ठियं, कलत्त-सिणेह-लंघिएण खर-फरुस-वयणेहिं निब्भच्छिया मए जणणी। भणिया य-"किं ते घरतत्तीए? उयरं भारऊण तुसिणिया चिटुसू।" एयं सूणिऊण मन्नाभरभरियमाणसा अणवरय-मक्क-थोरंसूया [सा] घराओ विनिग्गया।
* जननी चलितो नागदत्तः। स्थितो नगरस्य बहिष्टात् । भणितोऽनङ्गसेनयां "आर्यपुत्र! त्वया विना शून्यमिव नगरमिदमहं मन्ये, यदि भणसि तदा त्वया सह समागच्छामि," प्रतिपन्नमनेन । क्रमेण वहन सार्थः स प्रविष्टः कान्तारे दुरुत्तारे। व्यालोडितो भिल्लैः । गृहीतं द्रव्यजातम् । भयभ्रान्तलोचनाभ्यामेकाक्येव प्रविष्टो नष्ट्वा शून्यारण्यं नागदत्तः । अनङ्गसेनापि बन्दिग्राहं गृहित्वा पल्ल्लीपतिना पल्ली प्रापिता। धर्मरत्नकरंड टीका पृ. ७५१
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |