Page Text
________________
सम्मत्त-बीय-लंभो णाम पढमो अवसरो तत्थ य धनदेवकहाणगे अमयमुहाथेरीदित। 'उग्घाडेह दुवारं एस विवाहो अणत्थ-हेउ' त्ति । मं (ता)एह मक्कडाओ इमाओ ममं ति मिलिऊण ॥२०४।।
चद्रा वि तमेव पदति । खीणो वायंतरेण खणमेत्तमहियासिऊण मक्कडचमढणं सयमेव उग्घाडियं दारं उवज्झाएण । विगय-सवण-नासावसोहंत-रुहिर-धारा विलित-गत्तो मग्गानुलग्गेण मक्कडेण वारं-वारं चमढिज्जतो दिट्ठो चट्रेहि, हण! हण! हण ! 'त्ति, भणंता गहिय-लह-लउडया समंतओ पहाविया चट्टा। नट्ठो मक्कडो। पुच्छिओ तेहि उवज्झाओ-"भयवं ! किमेयं ?" तेण भणियं-"न एत्थ किंपि पुच्छ्यिव्वं । विहि-विडंबणा एसा"। ठिया मोणेण । खुड्डिआ [आ]गया गहिऊण मक्कडं राय-पुरिसा। साहिओ सव्वो वि जहडिओ वइयरो। पाहासिओ राया। पेसिया नियपुरिसा रयणयपुरे। भणिओ तेहिं धणसारसेट्ठी।--"तुह दुहिया नईए वुज्झमाणी पुण्णसार-राइणा पाविया । ता तुममागंतूण ससुरसंबंधेण नरवइणो हवसु सयल-जण-माणणिज्जो ।" एयं सोऊण हरिसिओ सेट्ठी । गओ समं सेट्टिणीए कणगपुरं । सम्माणिओ वत्थाइणा नरिंदेण । दिन्नं सयल-विसय-पहाणं गा[म]-पंचकं । विहिओ सयलनेगम-पढ[मा]
। निबद्धो सयल-देसे सेट्रिपयापाट्रो विवाहिया विच्छंडेण महीवइणा। संपूण्णा कया पट्टमहादेवी। सिद्धाणि तप्पभावेण बहणि रज्जतराणि। पणया पच्चंत-सामंता। वढिया भंडार-कोठारा। सुह-सागराबगाढस्स वच्चंति वासरा नरवइणो। सुओ एस वइयरो सिवाणंदेण । "कुसलासयस्स कुसल, नरस्स संपज्जए सउण्णस्स । इयरस्स पुणो इथरं दीसइ पच्चक्खओ चेव ।।२०५।।
जयंति जम्मतरोवज्जियाणि सुहकम्माणि, जस्सि पभावेण राइणो कल्लाणपरंपरा पाउन्भूया। मह पुण मंदभाइणो न इह लोगो नावि परलोगो। केवला विडंबणा चेव"। एवंविह-दुक्ख-दुमिय-माणसो मोत्तण तं नगरं अण्णत्थ गओ सिवाणंदो। पुण्णसार-राया पुण अनिच्छंतो वि कल्याण-परंपराए वरिज्जइ। अओ कुमर ! 'पुण्णसारो सलाहणिज्जो त्ति मे मइ त्ति ।
सयासन्निहिएण भणियं वियक्खणेण-“कुमार ! महरभासी भूरिगुणभायणं होइ । जहा अमियमुहा थेरी।" कुमारेण भणियं-'का एसा ? अमयमुहा वियक्खणेण भणियं-'सुणेउ कुमारोअमयमुहाथेरीदिढतो
अत्थि इहेव भरहे मही-मंडल-मंडणा सयल-संपयावासा सुहावासा नाम नयरी। तीए नागदत्तो नाम इब्भपुत्तो परिवसइ [तस्स य]जहत्थाभिहाणा अमयमुहा नाम जणणी। कडुयमुहा सासूया। नागसिरी से भारिया।
अण्णया परलोग-गए जणयम्मि जाओ घर-सामिओ नागदत्तो। चितेइ घरकज्जाणि, न करेइ कुसंगं, न लंधिज्जइ जूयाइवसणेण।
अण्णया नयराओ निग्गच्छतो दिलो उम्मिठ-हत्थिणा। तस्स भएण पलाइऊण पविट्ठो समासन्न-संकड-दुवारे अणंगसेणाभिहाणा वेसामंदिरे। विणय-पुरस्सरं को तीए आसणदाणाइओ उवयारो। भणिओ नागदत्तो-"नियघरं व मुण)ह एयं ता एत्थेव भोत्तव्वं", पडिवण्णमणेण । मज्जाविओ [परममज्जणविहिणा भोयाविओ] सव्वायरेण । तओ पुष्फ-तंबोल-विलेवणेहिं काऊण पडिवत्ति परिहास-गम्भिण-वयणेहिं समावज्जियं से हिययं । वुत्थो तत्थेव तं रणि । गओ पभाए नियमंदिरं । पुच्छिओ जणणीए-“वच्छ ! कहिं तुम [अज्ज रयणि] वुत्थो?" दुक्खभर-भरिय-माणसाणं कह]कहवि [कट्टेण] वोलीणा रयणी अम्हाण ।” एत्थंतरे उत्थुडुकियमुहीए सासूयाए जंपियं सूसाए “किमेत्थ पुच्छियव्वं ? लोयणाणि चेव [अस्स] रयणिजागरं साहिति । वसणासत्तो ते पुत्तो, सच्छंदो य । न एवं घरवुड्ढि-कारणं । * देउल-विहार-राउल-जल-थल-देसे घरे अरण्णे वा । कह होउ तत्थ वुड्डी जत्थ न वुड्डा गणिज्जति ।। वय-परिणय-लोय-परंमुहाण दुक्खाणि सुयाण सुयणु सुलहाइं । एसो पुण तुह पुत्तो न कुणइ वुड्डाण वयणाई ।। *. देवकुले राजकुले वुड्ढीसु य ऊसवेसु विविहेसु [धर्मरत्नकरंडटीका पृ. ७५०] ।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |