Page Text
________________
३४
मणोरमा-कहा
अहह हयाहं विहिणा, विहिया दुक्खाण भायणा चेव । जंचितिया न जाया मणोरहा मह अहण्णाए ।।१९४।। सो को वि वरो होही तुह आणं जो न खंडइ कयाइ। सो मज्म विय वियप्पो विहिणा विहिओ निरालंबो ।१९५। पडियसहहियथनिठुर किं नु तुमं वज्जसारनिम्मवियं । एवंविहे वि वसणे जं न वि सथ[स]क्करं जासि ।१९६। दंसेहि वयणकमलं पुणो य अम्हेहिं कत्थ दट्ठव्वा । जं दीहरो पवासो पुत्ति पवण्णो तए इण्हि ।।१९७॥"
एवंविह विलवण-वयण-सवण-संजणिय-दुक्ख-पन्भारो अवलंबिऊण सत्तं सेट्ठी अह भणिउमाढत्तो-- "वसणावडिओ संदरि ! निथपथइं जो न मुयइ सोधण्णो। सत्थावत्थे सत्थो जणा जणो होइ किं तेण ? ।१९८। नय विलविएण सिज्झइ को वि गुणो केवलं दुहविवुड्ढी। ता विलवणाओ विर[य] कज्जपहाणा हवसु इण्हि ।। जंजेण किंपि दिण्णं सुहं व दुक्खं च अण्णजम्मम्मि । तं तस्स परिणमिस्सइ दूरगथस्सावि किं बहुणा ॥२००॥" . एवं संबोहिऊण नीया घरे सेट्टिणा। सा वि मंजूसा मंद-मंदं वहमाणी पभाय-समए समासन्नीहूया कणगपुरस्स दिट्रा अत्थाण-गएण पुण्णसार-राइणा। सुइरं निरूविऊण भणिया अमच्चसामंतादओ--"भो भो!! पडिफलत-रविकिरण-दिप्पमाणं जलकर-समाणं वेण्णाजलरएण वब्भमाण किमियं दीसइ? लहं निरूवेह।" वयणाणंतरमेव गया पुरिसा। दिट्टा मंजूसा, आणिऊण दंसिया राइणो। उग्घाडावियं रण्णा तालयं । दिट्रा तदंतो वरवत्थाहरणहारिणी, दिद्रा वि परमा णंदकारिणी, वियसिय-वर-कमल-लोयणा, पाउब्भवंतपढमजोव्वणा पायालकन्नग व्व कन्नया । निरविऊण विम्हियमाणसेण सपरिवारेण राइणा पुच्छिया य-"सुंदरि! का तुमं? कत्थ निवासिणी? कहिं वा इहागया" ? तीए भणियं"रययउर-निवासिणो धणसार-सेद्विणो धूया संपुण्णा नाम । इहागमणकारणं न याणामि।" सदाविया रन्ना इत्थिलक्खणवियक्खणा पुरिसा। समं निरूवियजंपियमिमेहिं-"महाराय ! सयल-सुह-लक्खणा एसा, सो चेव निल्लक्खणो जेण परिहरिया। निरूविरं मंतिमहं राइणा। तेण वि पूच्छिया कण्णगा । “वच्छे ! दिट्ठो तए नियघरे समागच्छंतो जोगिओ वा, कावालिगो वा, नेमित्तिओ वा ?" तीए भणियं--"न को वि तहाविहो, मोत्तण भगवंतं सिवाणंदं। सो पूण तायरस कुलगुरु । पाडियाहं तस्स चलणेसू, खणमेत्तं किंपि जंपिऊण गओ सो सनगरं । अओ परं न किंपि जाणामि।" मंतिणा भणियं-"महाराय! . 'सयल-लक्खण-निहाणं ति काऊण केणावि इत्थिया-लक्खण-वियक्खणेण अत्तणो निमित्तं अलिय-दोसेहिं दूसिऊण उज्झाविया एस'त्ति, मे मई।"
तओ रा[इणा] आणाविओ तुरयवंदुराओ दुटु-मक्कडो । छुढो मंजुसाए । दिण्णं तालयं । समासंती कया कुंचिया। आणत्ता दुण्णि पुरिसा--"तुम्हेहि. तीरट्ठीएहि ताब गंतव्वं जावेसा केण वि गहिया हवइ पच्छा जं सो करेइ तं जाणिऊण सिग्घमागंतव्वं।" वाहिया नईए मंजसा । तीरट्रिया चलिया ते पूरिसा। संपत्ता कमेण रययपुर। दिदा बहचट-परिवारेण । तयागमणमेव परिपालयंतेण वेण्णा-नियड-संठिएण सिवाणंदेण नीया नियमढे। मज्झ छोढण हरिसवसुल्लसियमाणसो पढिउमाढत्तो-- .
"बहुविह-लक्खण-सयकलिया, बहुविह कंचणरयणविहूसिया ।
अम्हहं पुन्न मणोरहहं, घरबइट्टाहि वि सुदरि पत्तिया ।।२०२।।" तओ पउणीकाऊण हुयासणं, “अरे ! विसज्जिएहिं गंतव्वं जमहं मज्झट्टिओ पढामि तं तुब्भेहिं पढियव्वं ।” एवं भणिऊण चट्टेहि ढंकियं मढदुवारं। दिण्णा अग्गला। विहाडियं मंजूसा-तालयं, कवाडमुग्घाडयंतो दुट्ठत्तणओ गहिओ मक्कडेण करयले। समुपन्न-परिहाससंकेण जंपियं सिवाणंदेण-- "परिहासेण कयं चिय करेसु पाणिग्गहं पिए ! ताव । जं सोहणो मुहुत्तो मथच्छि ! तुच्छत्तणमुवेइ ॥२०३।।"
____ चट्टा वि तमेव पढिउमारद्धा, मक्कडेण करं मोत्तूण विणासिया नासिया, तोडियं सवण-जुयलं, मरण-संकड़ गएण सविसायं पुणो वि पढियं सिवाणंदेणं--
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |